1 Corintios 16:6 - Xochapa Mixteco

⁶ Tá tu vaꞌa ta kuachi loꞌo i xiꞌin ndo uvi ndaa kivi án sana koo i xiꞌin ndo nda ná tindaa yoo vixin. Ta saa kuchiñu chindee loꞌo ndo yeꞌe xiꞌin ñaꞌa ya xíniñuꞌu nuu i ya kuchiñu kuꞌun i ndá ka nuu xíniñuꞌu i kuꞌun i.

1 Corintios 16:6 Mawu Ofanana

Los Hechos 15:3

Saa ti̱ꞌvi na veꞌe ñuꞌu Antioquía nda kuaꞌan nda ñuu Jerusalén. Tá kuaꞌan nda ta ndi̱yaꞌa nda estado Fenicia xiꞌin estado Samaria. Iin iin ñuu ikán ndi̱yaꞌa nda ndítuꞌun nda xiꞌin na ndíkun Jesús ya xa kuaꞌa ni na köo kúu judío ndíkundikun ichí Ndioxi. Saa kúsini ni na ikán xaꞌa ya xíni soꞌo na káꞌan nda xiꞌin na.

Los Hechos 17:15

Ta nda kuaꞌan xiꞌin ra Pablo ndi̱xaa nda xiꞌin ra nda ñuu Atenas, ikán si̱ndoo nda ra, ta ndi̱kaꞌan ra Pablo xiꞌin nda ya ná kaꞌan nda xiꞌin ra Silas tin ra Timoteo kama ni ná kuꞌun nda nuu ra, káchi ra xiꞌin nda, saa ndi̱ko koo nda ikán kuaꞌan nda.

Los Hechos 20:38

Kúsuchi ni ini na xiꞌin ra xaꞌa ya ndi̱kaꞌan ra xiꞌin na ya küni ka ñaꞌa na. Ta saa ndi̱kitaꞌan na kuaꞌan na ndaka na ndeꞌe nuu nda̱a nde barco kuaꞌan nde.

Los Hechos 21:5

Tá ndi̱xinu uxa kivi, ta ka̱na koo nde kuaꞌan nde. Kuaꞌan nda ná síꞌi nda xiꞌin nda, ndáka ná seꞌe vali ná kuaꞌan xiꞌin ná. Tá ndi̱xaa nde nuu yoti yuꞌu nduta ñûꞌu ikán, saa si̱kusiti ndiꞌi nde káꞌan nde xiꞌin Ndioxi.

Los Hechos 27:12

Ta köo ndi̱xiin nda ndoo nda Buenos Puertos chi väꞌa ñaꞌñu ikán ndee ni xíka tachi yoo vixin, káchi nda. Xaꞌa ya ikán kua ndi̱kani ini nda kuꞌun nda koo nda ñuu Fenice, nuu xáa barco inka ñaꞌñu Creta. Ta ñuu Fenice kua túvi xíto ndaa ya chi noroeste xiꞌin suroeste, saa íyo nuu vaꞌa kundichi tun barco yoo vixin ñuu ikán, káchi nda.

Los Hechos 28:11

Saa ku̱u ndi̱xinu uni yoo xi̱ndoo nde ikán, ñaa nda̱a nde sata barco itun ndi̱ndoo xi̱ndichi yo̱ó vixin. Nu ke̱e chí ñuu Alejandría ku nu ta íyo kivi nu náni nu Cástor tin Pólux, chi ndóso uvi naꞌna ndioxi na griego sata nu.

ROMANOS 15:24

Tá ná kuꞌun i chí ñuu España ta xiꞌna ñuu Roma yaꞌa i koto i ndóꞌo̱. Ta saa kusini ni yo xiꞌin taꞌan yo. Ta ndúku ni i ya mani nuu ndo ya chindee taꞌan loꞌo ndo xiꞌin i, saa kuchiñu yaꞌa i kuꞌun i chí ñuu España.

1 Corintios 16:11

Xaꞌa ya ñaa kua kündasi nuu nda iin ndo kuni ndo ra, vívií koo ndo xiꞌin ra, chindee taꞌan ndo xiꞌin ra ná ndiko koo ra xiꞌin ya vaꞌa nuu íyo i. Saa chi yeꞌe xiꞌin nda ñani yo, nda íyo xiꞌin i, ndátun nde ra ndiko koo ra.

2 Corintios 1:16

Ta ya ndi̱kani ini i kua, tá ná kuꞌun i chí estado Macedonia, ta xiꞌna ndóꞌo̱ yaꞌa i koto i ñuu Corinto, saa yaꞌa i kuꞌun i chí ikán. Tá ná ndiko koo i ta yaꞌa tuku i nuu ndo, káꞌán i. Chi ndi̱kani ini i ya chindee taꞌan loꞌo ndo xiꞌin i ya kuchiñu ndiko koo i kuꞌun i chí estado Judea, káꞌán i, ta köo ndi̱kuvi xaa i nuu ndo.

Tito 3:12

Tá ná tiꞌvi i ra Artemas án ra Tíquico xaa iin nda nuu un, ta xaꞌa ni un ndee kama ni xaa loꞌo un koto un yeꞌe nda ñuu Nicópolis. Ikán ndikitaꞌan yo, chi ndi̱kani ini i ndoo i koo i ikán ndiꞌi yoó vixin.