1 Corintios 16:3 - Xochapa Mixteco

³ Tá ná xaa i koto i ndóꞌo̱, saa tiꞌvi i naꞌa, na ndikaxin mií ndo kundiso xuꞌun ñaa kuꞌun xiꞌin na ndaka na ya ñuu Jerusalén. Ta kuaꞌa tutu ya ndíkuiin xaꞌa na kuꞌun ndaka xuꞌun ñaa.

1 Corintios 16:3 Mawu Ofanana

1 Corintios 11:34

Tá ndá ndóꞌo̱ káꞌun ni ini, ta vaꞌa kuxi ndo veꞌe ndo, ya ná sïndoꞌo Ndioxi ndóꞌo̱. Tá ná xaa i koto i ndóꞌo̱ ta saa ndituꞌun ka yo xaꞌa inka tindiꞌi ini ya ndóꞌo ndo.

1 Corintios 16:4

Tá kúni ndo kuꞌun i xiꞌin na, ta vaꞌa kuꞌun na xiꞌin i.

2 Corintios 3:1

Tá káꞌan nde saa xiꞌin ndo ta ¿án chínuu vaꞌa ni nde tuꞌun nde, túvi ndo? ¡Köo saa íyo ya! Ta ¿án xíniñuꞌu nde kundiso nde tutu sinaꞌa nde nuu ndo ya ndíkuiin ya xaꞌa nde, túvi ndo? ¿Án nduku nde tutu nuu taa ndo ya ndikuiin ya xaꞌa nde nuu kuꞌun nde, tá kuꞌva íkan sava na, túvi ndo?

2 Corintios 8:4

Ndee ni ndi̱xikan na ya mani nuu nde ya ná ndikiꞌin nde xuꞌun ndaꞌa na, ya chíndee taꞌan na xiꞌin na ñuu Ndioxi.

2 Corintios 8:6

Ta xa xíni mií ndo ñani yo, ndo ñuu Corinto, ra Tito ñani yo ku ra xa̱á ndíkaya xuꞌun ya chindee taꞌan ndo xiꞌin na taꞌan yo, ya síniꞌi uun ndo nuu na. Ta vitin xa ndi̱xikan nde ya mani nuu ra ya ná ndïkaya ka ra ya ndaꞌa ndo, nda ná sixinu ra chiñu ya xa̱á ra xáa súvi ra.