1 Corintios 16:16 - Xochapa Mixteco

¹⁶ Yakan xíkan ni i ya mani nuu ndo ya xaa súvi ni ndo ya káꞌan naꞌa, na íin tá íin na ñaa. Ta saa ikan ndo xiꞌin ndiꞌi naꞌa, na ndee ni ndee xáa chiñu nuu Tata yo.

1 Corintios 16:16 Mawu Ofanana

ROMANOS 16:12

Saa kaꞌan ndioxi tu ndo xiꞌin yá kuꞌva yo yá Trifena xiꞌin yá Trifosa, ndee ni ndee xa̱a chiñu ná ñaa nuu Tata yo Jesús. Saa kaꞌan ndioxi ni tu ndo xiꞌin yá kuꞌva yo yá Pérsida, yá kúꞌvi ni ini i xíni i, saa chi ndee ni ndee xa̱a chiñu tu yá ñaa va xiꞌin nde nuu Tata yo Jesús.

ROMANOS 16:3

Saa tuku káꞌan i xiꞌin ndo, kaꞌan ndioxi ndo xiꞌin yá Priscila tin ra Aquila, ií yá, saa chi na ñaa ta iin kachi xáa chiñu na xiꞌin i nuu Tata yo Jesucristo.

ROMANOS 16:6

Kaꞌan ndioxi tu ndo xiꞌin yá María, chi yá ikán ta ndee ni ndee xáa chiñu yá xaꞌa ndo.

ROMANOS 16:9

Kaꞌan ndioxi tu ndo xiꞌin ra Urbano, ra xáa chiñu xiꞌin yo nuu Jesucristo ku ra, saa kaꞌan ndioxi tu ndo xiꞌin ra migo i ra Estaquis, ra kúꞌvi ni ini i xíni i.

1 Corintios 12:28

Ta xa xíni yo mií Ndioxi ku ra to̱so yo veꞌe ñuꞌu ya xaa chiñu yo. Chiñu núnu̱ú ta̱xi ra ndaꞌa sava yo ku ya kúu yo apóstol, ta sava yo ku profeta, nda káꞌan tuꞌun yuꞌu Ndioxi, sava tu yo ku yo sínaꞌa tuꞌun Ndioxi, sava tu yo ta̱xi ra ichí ndaꞌa yo ya ikan yo yatuꞌun Ndioxi, sava yo ta̱xi ra ichí ndaꞌa yo ya sindaꞌa yo na kúꞌvi, sava tuku yo ta̱xi ra ichí ndaꞌa yo ya chindee taꞌan yo xiꞌin naꞌa, sava tuku yo ta̱xi ra ichí ndaꞌa yo ya kaꞌnda chiñu yo nuu na veꞌe ñuꞌu, sava tuku yo ta̱xi ra ichí ndaꞌa yo ya kaꞌan yo inka nuu tuꞌun ya köo ndi̱sikuaꞌa yo.

1 Corintios 3:9

Chi ndeꞌe, ta iin káchi ítaꞌan nde xáa chiñu nde xiꞌin taꞌan nde nuu Ndioxi. Ta ndóꞌo̱ ku ndo íin tá íin ñuꞌú ya xáa chiñu Ndioxi xiꞌin, án tá íin veꞌe ya síkuaꞌa Ndioxi, saa íin ndo nuu ra.

Efesios 5:21

Xíniñuꞌu ndo xaa ni̱nu̱ ndo mií ndo ya chindee taꞌan ndo xiꞌin taꞌan ndo xaꞌa ya xáa toꞌo ndo Jesucristo.

Filipenses 4:3

Ta yóꞌo̱, ñani yo, yóꞌo̱ vaꞌa ni xáa chiñu xiꞌin i ku un, ta xíkan ni i ya mani nuu un chindee taꞌan un xiꞌin ná kuꞌva yo ñaa ya ná ndikitaꞌan vaꞌa ná xiꞌin taꞌan ná. Saa chi ná ñaa ku ná chi̱ndee ni yeꞌe xiꞌin ra ñani yo ra Clemente tin inka ka na ya ndi̱xita ka tuꞌun vaꞌa xaꞌa Tata yo Jesucristo kuaꞌan ya. Chi na ñaa ta xa ndi̱kundoso kivi na nuu tutu Ndioxi, nuu ndíkundoso kivi na kutaku ikan Ndioxi.

1 Tesalonicenses 1:3

Ta táxi ni nde tixaꞌvi ndaꞌa Iva yo Ndioxi xaꞌa kuꞌva ya kándixa ni ndo ra, saa kúꞌvi ni ini ndo xíni ndo ra, ta ya ñaa kua xáꞌa ni ndee xiꞌin ndo ya ndee ni vaꞌa xáa chiñu ndo nuu ra, chi kúndaa teꞌe ini ndo ya xaa súvi ra ya ndi̱kaꞌan ra xiꞌin ndo, ta ya ñaa kua chíndee ni ndóꞌo̱ ndee ni tuun ndíkun ndo Tata yo Jesucristo.

1 Tesalonicenses 2:9

Xa ñúꞌu vaꞌa ini mií ndo ndá kuꞌva xa̱a chiñu ni nde tá ndi̱xiyo nde xiꞌin ndo, nduvi niuu xa̱a chiñu ni nde ya ka̱na xuꞌun kuniñuꞌu nde sata nde ñaꞌa kuxi nde. Ta köo ndi̱sindiꞌi nde ini nda iin ndo ya chindee ndo ndeꞌe xaꞌa ya káꞌan ndoso nde tuꞌun vaꞌa xaꞌa Iva yo Ndioxi xiꞌin ndo.

1 Tesalonicenses 5:12

Ñani yo xiꞌin kuꞌva yo, xíkan ni nde ya mani nuu ndo ya kañuꞌu ni ndo na taꞌan yo, na chee nuu ndo, saa chi na ñaa ku na sínaꞌa ndóꞌo̱ ta ndíkani na tuꞌun Tata yo nuu ndo.

1 Timoteo 5:17

Ta ndee ni xíniñuꞌu na veꞌe ñuꞌu xaa toꞌo na ndiꞌi nda ñani yo nda xikuaꞌa nda ndee ni vaꞌa xáa súvi chiñu kúu mií nda veꞌe ñuꞌu. Ná xaa toꞌo ni na nda xaꞌa chiñu íkan nda, káꞌan ndoso nda tuꞌun Ndioxi xiꞌin na saa sínaꞌa nda na.

HEBREOS 13:17

Xaa súvi ndo chiñu káꞌan na xáꞌnda chiñu nuu ndo veꞌe ñuꞌu xiꞌin ndo, saa chi na ikán, ta ndíꞌi ni ini na xaꞌa ndo, köo ndíkundee na, chi xíni na vaxi kivi ta taxi na kuenta ndaꞌa Ndioxi xaꞌa ndo. Yakan kuni soꞌo ni ndo ya káꞌan na xiꞌin ndo, ta saa kusini ni na xaa súvi na chiñu ya íkan na, chi tá ná xaa soꞌo ndo nuu na, ta ni köo ñaꞌa niꞌi vi ndo.

HEBREOS 13:24

Ta kaꞌan ndioxi ndo xiꞌin ndiꞌi na xáꞌnda chiñu nuu ndo veꞌe ñuꞌu, xiꞌin ndiꞌi ka na ñani yo, na ndíkun Cristo. Saa tu na ñani yo na estado Italia, tíꞌvi ni na tuꞌun mani xaa nuu ndo.

HEBREOS 6:10

Saa chi Ndioxi, ta vaꞌa ni ra, ndaa ni ini ra yakan ndïndoso ini ra xaꞌa chiñu ya íkan ndo, saa ndikaꞌán ini ra xaꞌa ndiꞌi ka ñaꞌa ya i̱kan ndo. Chi sínaꞌa ndo mií ndo ya kúꞌvi ni ini ndo xíni ndo ra, xaꞌa ya chíndee ndo naꞌa, na kándixa ñaꞌa. Ta nda vitin ta chíndee ka ndo na.

1 Pedro 5:5

Ta saa íyo tu ya káꞌan i xiꞌin ndóꞌo̱ kuâán va, ya ná kuni soꞌo ndo ya káꞌan na xikuaꞌa veꞌe ñuꞌu xiꞌin ndo, ta xaa ni̱nu̱ ndo mií ndo, saa xaa súvi ndo chiñu nuu taꞌan ndo. Chi saa káꞌan tuꞌun Ndioxi ya ta̱a na xinaꞌa, káchi ya saa: Kúndasi nuu va Ndioxi xíni ra naꞌa, na xáa kaꞌnu ni xiꞌin mií, ta chíndee ni va ra naꞌa, na ni̱nu̱ kúni.

3 Juan 1:8

Yakan yoo ta xíniñuꞌu yo ndikuiso yo na koo na veꞌe yo, chindee yo na, tá íkan yo saa ta chíndee taꞌan yo xiꞌin na xíka na ndíkani ka na tuꞌun Ndioxi ya ndaa.

El Apocalipsis 2:3

Ta xáꞌa ndee ndiꞌi ini ndo xaꞌa ndiꞌi ya ndóꞌo ndo, ta ndee ni ndee xáa chiñu ndo nuu i xaꞌa ya kúꞌvi ni ini ndo xíni ndo yeꞌe. Vani ndóꞌo ni ndo, ta köo ndíko koo ini ndo xaꞌa ya ndíkun ndo yeꞌe.