1 Corintios 16:1 - Xochapa Mixteco

¹ Ta vitin kúni i ndituꞌun i xiꞌin ndo xaꞌa xuꞌun ya ndíkaya nde kuaꞌan ndaꞌa na ndaꞌvi kándixa Jesús ndóo ñuu Jerusalén. Ta vaꞌa ikan ndo tá kuꞌva íkan na veꞌe ñuꞌu ndóo estado Galacia, chi na ikán tá kuꞌva ndi̱kaꞌan i xiꞌin na saa íyo ya íkan na.

1 Corintios 16:1 Mawu Ofanana

Los Hechos 11:28

Saa si̱kaꞌán Ndioxi ini iin ra ikán, Agabo nani ra ta ndi̱kundichi ra nuu na taꞌan ra na kándixa Jesús, xa̱á ra káꞌan ra, káchi ra saa: ―Koo tama chee ni ndiꞌi ni kuu ñuu ya ndíkun ndaa ñuu Roma ―káchi ra. Ta saa ndixa ndi̱xiyo, xa̱á tama tiempo ku̱u ra Claudio rey.

Los Hechos 11:30

Saa ndi̱xiyo ya i̱kan na, ta ta̱xi na xuꞌun ikán ndaꞌa ra Bernabé xiꞌin ra Saulo, kuaꞌan xiꞌin nda taxi nda ndaꞌa na xikuaꞌa na kándixa Jesús ndóo estado Judea.

Los Hechos 16:6

Saa ku̱ni ra Pablo kuꞌun ra chí Asia ta köo ndi̱xiin Tachi I̱í Ndioxi taxi ya kuꞌun nda ndituꞌun nda tuꞌun Ndioxi ikán. Xaꞌa ya ikán kua ndi̱kiꞌin nda kuaꞌan chí Frigia xiꞌin Galacia.

Los Hechos 18:23

Saa ndi̱xiyo ra uvi ndaá kivi ñuu ikán. Ñaa ndi̱kiꞌin ra kuaꞌan ra iin iin ñuu ya ñúꞌu estado Galacia xiꞌin estado Frigia. Kuaꞌan ra káꞌan ka ra xiꞌin na ndíkun Jesús, chíndee ra na ya ná kandixa ka na Jesús.

Los Hechos 24:17

’Ta xa kuaꞌa ni kuiya ke̱e i xíka i inka ñuu, ta nda vitin ndi̱ko koo tuku i ñuu i yakan ndi̱xaꞌan i táxi i loꞌo xuꞌun ndaꞌa na ndaꞌvi saa sóko loꞌo i ñaꞌa nuu Ndioxi va.

Los Hechos 9:13

Saa ndi̱kuiin ra Ananiás ikán káꞌan ra xiꞌin Jesús, káchi ra saa: ―Tata, xa kuaꞌa ni naꞌa ndítuꞌun xaꞌa ra Saulo ya xáa nduvaꞌa ni ra xiꞌin na taꞌan i na ndíkun yóꞌo̱, na ndóo ñuu Jerusalén.

Los Hechos 9:41

Saa ti̱in ra ndaꞌa yá chi̱ndee ra yá ndi̱kundichi yá. Ñaa ka̱na ra ndiꞌi na ndíkun Jesús xiꞌin ná ndindoo ndaa ta si̱naꞌa ra yá nuu na ya ndi̱taku yá.

ROMANOS 12:13

Saa koo ndúvi ndo ya chindee ndo na ndaꞌvi veꞌe ñuꞌu, na ñuu Ndioxi. Ta ndikuiso vaꞌa ndo naꞌa, na xáa veꞌe ndo, án ñuu yati vaxi na, án ñuu xika vaxi na, ta ndikuiso ndo na. Saa taxi ndo kuxi na, ta taxi ndo nuu kusun na.

1 Corintios 11:34

Tá ndá ndóꞌo̱ káꞌun ni ini, ta vaꞌa kuxi ndo veꞌe ndo, ya ná sïndoꞌo Ndioxi ndóꞌo̱. Tá ná xaa i koto i ndóꞌo̱ ta saa ndituꞌun ka yo xaꞌa inka tindiꞌi ini ya ndóꞌo ndo.

1 Corintios 16:15

Ñani yo, xa kúndaa vaꞌa ini ndo xaꞌa na veꞌe ra ñani yo, ra Estéfanas, na ndóo chí estado Acaya. Na ikán ku na núnu̱ú xa̱á ndíkun Tata yo, ta xa̱á na xáa chiñu ni na chíndee taꞌan ni na xiꞌin ñani yo na ndíkun Tata yo Jesucristo.

1 Corintios 4:17

Xaꞌa ya ñaa kua tíꞌvi i ra Timoteo ñani yo xaa ra nuu ndo, vaꞌa ni ítaꞌan ra xiꞌin i. Nda tá káa seꞌe i saa káa ra, kúꞌvi ni ini i xíni i ra xaꞌa ra ya ndíkun ra Tata yo Jesucristo. Ta ra ñaa ku ra ndituꞌun xiꞌin ndo, sindikaꞌán ra ini ndo ndá kuꞌva íyo i, ta kuꞌva saa sínaꞌa i naꞌa ndiꞌi ni kúu veꞌe ñuꞌu.

Gálatas 1:2

Ta ndiꞌi na ñani yo ndóo nuu íyo i yóꞌó, tíꞌvi ni na tuꞌun mani xaa nuu ndiꞌi ndóꞌo̱, na taꞌan yo, na veꞌe ñuꞌu ndóo ndiꞌi estado Galacia.

Gálatas 2:10

Ta iindaa ñaꞌa ya ndu̱ku nda nuu nde kua: ya ná ndïndoso ini nde xaꞌa naꞌa, na ndaꞌvi, káchi nda xiꞌin i. Ta chiñu ikán kua ndee ni ndíꞌi ini nde xáa súvi nde vitin.

FILEMÓN 1:5

Saa chi ku̱ndaa ini i xaꞌa un ya ndee ni kúꞌvi ini un xíni un Tata yo Jesucristo, saa ndáa ni ini un xíni un ra, ta saa kúꞌvi ni tu ini un xíni un na ñuu Ndioxi, na i̱í va.

FILEMÓN 1:7

Ta yeꞌe, kúsini ka vi i xiꞌin un ñani yo, Filemón. Vaꞌa ka vi kúni i xiꞌin un chi xaꞌa ya kúꞌvi ni ini un xíni un na veꞌe ñuꞌu, na i̱í kua chíkaa ni un ndee xiꞌin na, vaꞌa ni kúni na.

HEBREOS 6:10

Saa chi Ndioxi, ta vaꞌa ni ra, ndaa ni ini ra yakan ndïndoso ini ra xaꞌa chiñu ya íkan ndo, saa ndikaꞌán ini ra xaꞌa ndiꞌi ka ñaꞌa ya i̱kan ndo. Chi sínaꞌa ndo mií ndo ya kúꞌvi ni ini ndo xíni ndo ra, xaꞌa ya chíndee ndo naꞌa, na kándixa ñaꞌa. Ta nda vitin ta chíndee ka ndo na.

1 Juan 3:17

Tá ndá yo íyo ñaꞌa nuu, ta xíto yo na taꞌan yo köo ñaꞌa na, saa ndíkasi yo nima yo nuu na, köo xíin yo chindee yo na, ta ya yóꞌó kúni kachi ya: Köo kúꞌvi ini yo xíni yo Ndioxi.