1 Corintios 15:6 - Xochapa Mixteco

⁶ Tá sindiꞌi, saa ndi̱tuvi tu ra nuu nda ñani yo, nda xi̱taꞌan xiꞌin ra, yáꞌa ka uꞌun ciento ku nda ndi̱tuvi ra nuu. Ta sava nda ikán ta táku ka nda vitin, sava nda ta xa ndi̱xiꞌi va nda.

1 Corintios 15:6 Mawu Ofanana

San Mateo 28:10

Ñaa ndi̱kaꞌan ra xiꞌin ná, káchi ra saa: ―Ku ïꞌvi ndo, kuáꞌan ndo kaꞌan ndo xiꞌin nda xi̱taꞌan xiꞌin i ná kuꞌun nda estado Galilea, ta ikán kuni nda yeꞌe ―káchi ra xiꞌin ná.

San Marcos 16:7

Kuáꞌan ndo kaꞌan ndo xiꞌin ra Pedro tin inka nda xi̱taꞌan xiꞌin Jesús, kachi ndo soꞌva: “Xa ínuu Jesús kuaꞌan ra nuu ndo chí Galilea, ta kuáꞌan ndo chikan ndikitaꞌan ndo xiꞌin ra, tá íyo ya ndi̱kaꞌan ra xiꞌin ndo, che”, kachi ndo xiꞌin nda ―káchi ra kuǎán ikán xiꞌin ná.

Los Hechos 13:36

Xíni yo ya i̱kan ra David xiꞌin na ndi̱xiyo tiempo ndi̱xiyo ra. Tá kuꞌva chi̱tuni Ndioxi, saa i̱kan ra xiꞌin na. Vani vaꞌa ni ndi̱xiyo ra sundi tá ndi̱xiꞌi ra ta ndi̱nduxin ra nuu ndinduxin iva ra, saa ndi̱taꞌi ikin kuñu ra tixin ñuꞌú.

Los Hechos 7:60

Ñaa si̱kusiti ra ta iin ndi̱ndaꞌi koꞌo ra káchi ra saa: ―Tata, kïꞌin un kuenta xaꞌa kuachi na, ya íkan na xiꞌin i ―káchi ra xiꞌin Ndioxi. Tá ndi̱kaꞌan ra saa, ta ndi̱xiꞌi va ra.

1 Corintios 15:18

Ni naꞌa, na ka̱ndixa ñaꞌa, na xa ndi̱xiꞌi ta xa saa íyo yaa tu kuachi na ikán va, ta xa ndi̱ꞌi xaꞌa va na, ndíkuu.

1 Corintios 15:20

Sundi vaꞌa ná kundaa ini ndo, chi ya ndaa ni ndixa kua ndi̱taku Tata yo Jesucristo tañu na ndíi. Chi ra ikán ta tá káa ñaꞌa ya núnu̱ú ya síkee naꞌa nuu chíꞌi na, saa káa ra xaꞌa ya kúu ra ra núnu̱ú ndi̱taku tañu ndiꞌi na ndíi, na xa ndi̱xiꞌi.

1 Tesalonicenses 4:13

Ñani yo xiꞌin kuꞌva yo, kúni nde ná kundaa ini ndo xaꞌa na taꞌan yo na xa ndi̱xiꞌi, ya ná küsuchi ni ini ndo xaꞌa na tá kuꞌva kúsuchi ini naꞌa, na köo xíni Tata yo Jesucristo, chi na ikán ta ni köo xíni na unkua kundoꞌo na.

1 Tesalonicenses 4:15

Yakan kua káꞌan nde xiꞌin ndo vitin xaꞌa tuꞌun ya ta̱xi Tata yo Jesucristo ndaꞌa nde. Kivi ná ndiko koo ra kixi tuku ra ñuu ivi yóꞌó ta xiꞌna ka naꞌa, na xa ndi̱xiꞌi kuꞌun xiꞌin ra, sindiꞌi saa kuꞌun yoo xiꞌin ra.

2 Pedro 3:4

Saa kaꞌan na, kachi na saa: “Ndi̱kaꞌan Jesús ndiko koo ra, ta ¿ndachu köo ra ndíko koo? Nda kivi ndi̱xiꞌi xii sikua yo iin saa nda vitin ta nda iin ñaꞌa köo kúu, tá káa tá xa̱á xi̱koo ñuu ivi yóꞌó saa káa nda vitin, ta köo ra ndíko koo”, kachi na.