1 Corintios 15:12 - Xochapa Mixteco

¹² Ta ndeꞌe káꞌan ndoso nde xaꞌa Tata yo Jesucristo ya ndi̱taku ra, ta ¿ndachu káꞌan sava ndóꞌo̱ xaꞌa naꞌa, na xíꞌi, ya köo ndítaku ka na, káchi ndo?

1 Corintios 15:12 Mawu Ofanana

Los Hechos 17:32

Saa tá xi̱ni soꞌo na ya ndi̱kaꞌan ra ya ndítaku na ndíi, ta saa xa̱á sava na kúsiki ndaa na ra, ta inka na káchi saa: ―Vaꞌa kuáꞌan, nda inka kixi un saa kuni soꞌo ka nde ya káꞌan un ―káchi na xiꞌin ra.

Los Hechos 23:8

Saa chi nda saduceo káꞌan köo ndítaku na ndíi ta ni tatun Ndioxi köo, ni tachi nduvaꞌa köo, káchi nda ikán. Ta nda fariseo kándixa nda ya ndítaku na ndíi ta kándixa nda ya íyo tatun Ndioxi xiꞌin tachi nduvaꞌa.

Los Hechos 26:8

Ta ndiꞌi ndóꞌo̱ ndi̱kitaꞌan ndóo yóꞌó ta ¿ndachu ndíkani ini ndo ndíchi ni saa sitaku Ndioxi na ndíi xa ndi̱xiꞌi, káꞌán ndo? ―káchi ra Pablo.

1 Corintios 15:11

Ta saa ni, án yeꞌe ku i káꞌan ndoso xiꞌin ndo, án nda taꞌan i xáa chiñu nuu Tata yo ku nda káꞌan ndoso xiꞌin ndo, ta vaꞌa chi iin káchi káꞌan ndoso ndiꞌi vaꞌa nde xaꞌa tuꞌun vaꞌa ya síkaku naꞌa, ta ya yóꞌó kua ndíkundikun ndiꞌi va ndo.

2 Tesalonicenses 2:17

Ta saa ná taxi ni ra ndee ndaꞌa ndo ya koo vaꞌa ni ini ndo ta ná kana vaꞌa ndiꞌi ya káꞌan ndo xiꞌin ya íkan ndo.

2 Timoteo 2:18

Chi nda ikán ta xa si̱ndikoo nda tuꞌun vaꞌa ya ndaa xaꞌa Tata yo Jesucristo, saa sínaꞌa nda naꞌa, káꞌan nda xiꞌin na ya xa ndi̱taku ndiꞌi na ndíi, káchi nda. Ta xaꞌa ya káꞌan nda saa, ta sáka nda ini sava na taꞌan yo, na ndáa ni ini xíni Tata yo Jesucristo.