1 Corintios 14:7 - Xochapa Mixteco

⁷ Ta kuꞌva saa ndóꞌo̱ tu yo xiꞌin itun síkaꞌa va na, tá kúu na xíta xiꞌin itun tilali, án na síkaꞌa itun arpa. Tá tu köo téꞌe xíta na xiꞌin nu, án köo teꞌe tívi na nu, ta nda iin naꞌa kündaa ini ndá yaa kua síkaꞌa na án ndá yaa kua xíta na.

1 Corintios 14:7 Mawu Ofanana

San Mateo 11:17

káchi na saa: “Ti̱vi nde yaa luvi ni kuaꞌan ta köo ndi̱xiin ndo tixaꞌa ndo. Saa xi̱ta tu nde yaa ndaꞌvi ni kuaꞌan, ta köo ndi̱xiin ndo kuaku ndo”, káchi na xiꞌin taꞌan na.

San Lucas 7:32

Ta saa ndi̱kaꞌan ra xiꞌin na, káchi ra saa: ―Ná kaꞌan i xiꞌin ndo ndá kuꞌva íin na. Tá íin na vali na sísiki, ta káꞌan na xiꞌin taꞌan na: “Si̱kaꞌa nde itun tilali ta köo ndi̱xiin ndo tixaꞌa ndo, saa xi̱ta nde yaa ndaꞌvi kuaꞌan, ta köo ndi̱xaku ndo”, káchi ra.

1 Corintios 13:1

Tá tu xíni ni i kaꞌan i kuaꞌa ni nuu tuꞌun ya káꞌan na ñuu ivi yóꞌó, án xíni ni i kaꞌan i nda tuꞌun ya káꞌan na tatun Ndioxi, sundi tá köo ya kúꞌvi ini vaxi nuu Ndioxi íyo nima i, ya kuꞌvi ini i kuni i inka naꞌa, ta tá káa kàà ya ndee ni káxan va saa káa i, án tá káa iin kàà ya ndee ni ndáꞌi va, saa káa i.

1 Corintios 14:6

Ñani yo, tá ná xaa i koto i ndóꞌo̱ ta ná kaꞌan i xiꞌin ndo tuꞌun ya köo kúndaa ini yo xiꞌin, ya ke̱e nuu ndivi, ná kachi yo. Ta ya uun kuiti va ku ya kaꞌan i xiꞌin ndo, chi kündaa ini ndo xiꞌin ya kaꞌan i xiꞌin ndo. Sundi ya vaꞌa ni kaꞌan i xiꞌin ndo ku tuꞌun ya si̱naꞌa Tachi I̱í Ndioxi nuu i kaꞌan i xiꞌin ndo, xiꞌin ya kaꞌan i xiꞌin ndo xaꞌa ya ndíchi ni kúu mií Ndioxi, án ya ndikani i nuu ndo kundaa ini ndo xaꞌa ya kaꞌan ndoso ndo tuꞌun vaxi yuꞌu Ndioxi, án ya sinaꞌa i ndóꞌo̱ xaꞌa tuꞌun ra ya vaꞌa kundaa ini ndo xiꞌin.

1 Corintios 14:8

Saa tu tá väꞌa tívi na itun trompeta nuu ndikitaꞌan nda lapa kuꞌun nda nuu kuachi, ta kündaa ini nda ya koo ndúvi nda kuꞌun nda nuu kuachi.