Biblia Todo Logo
Baibulo la pa intaneti

- Zotsatsa -




1 Corintios 14:6 - Xochapa Mixteco

6 Ñani yo, tá ná xaa i koto i ndóꞌo̱ ta ná kaꞌan i xiꞌin ndo tuꞌun ya köo kúndaa ini yo xiꞌin, ya ke̱e nuu ndivi, ná kachi yo. Ta ya uun kuiti va ku ya kaꞌan i xiꞌin ndo, chi kündaa ini ndo xiꞌin ya kaꞌan i xiꞌin ndo. Sundi ya vaꞌa ni kaꞌan i xiꞌin ndo ku tuꞌun ya si̱naꞌa Tachi I̱í Ndioxi nuu i kaꞌan i xiꞌin ndo, xiꞌin ya kaꞌan i xiꞌin ndo xaꞌa ya ndíchi ni kúu mií Ndioxi, án ya ndikani i nuu ndo kundaa ini ndo xaꞌa ya kaꞌan ndoso ndo tuꞌun vaxi yuꞌu Ndioxi, án ya sinaꞌa i ndóꞌo̱ xaꞌa tuꞌun ra ya vaꞌa kundaa ini ndo xiꞌin.

Onani mutuwo Koperani




1 Corintios 14:6
32 Mawu Ofanana  

Tiempo ikán ndi̱kaꞌan Jesús xiꞌin Ndioxi, káchi ra saa: ―Tata Iva yo, yóꞌo̱ ku ra chee nuu ndiꞌi na ñuu ivi yóꞌó xiꞌin nuu ndivi. Xáa kaꞌnu ni i yóꞌo̱ chi xa si̱naꞌa un na ndaꞌvi, na köo kúndaa ini, na íin tá íin na vali, ku̱ndaa ini na ya vaꞌa xaꞌa un. Ta ti̱seꞌe un ya vaꞌa yóꞌó nuu naꞌa, na ndíchi, na xíni ni.


Saa ndi̱kaꞌan Jesús xiꞌin ra: ―Ná kusini ni un Simón, seꞌe ra Jonás, saa chi süvi naꞌa, na ñuu ivi yóꞌó ku na ndítaxi ya xínituni un. Iva i Ndioxi, ra íyo nuu ndivi ni̱nù ku ra i̱kan saa xiꞌin un ―káchi Jesús xiꞌin ra.


Ni ná kuu mií na ndiꞌi ya kuika íyo ñuu ivi yóꞌó, tá ná ndiꞌi xaꞌa ya vaꞌa na, ta ni köo ndáa yaꞌvi ya kúu mií na, saa chi küchiñu na chaꞌvi na xiꞌin ya ikán nuu Ndioxi, ya sikaku ra na.


Ta ndiꞌi saa kivi xíni soꞌo na ya sínaꞌa nda apóstol. Tá kuꞌva íyo ya káꞌan nda xiꞌin na, saa íyo ya íkan na xiꞌin taꞌan na. Vitin taan ndíkitaꞌan ndiꞌi na xíxi na xiꞌin taꞌan na. Saa káꞌan tu na xiꞌin Ndioxi va.


Ñani yo xiꞌin kuꞌva yo, xíni i ya ndee ni vaꞌa ini ndo, ta xa xíni ni ndo ya ndaa, yakan vaꞌa ni táxi ndo nuu taꞌan ndo.


Ñani yo xiꞌin kuꞌva yo, xíkan ni i ya mani nuu ndo, kundaa ni ndo mií ndo nuu naꞌa, na táꞌvi naꞌa veꞌe ñuꞌu. Kuenta ni koo ndo xiꞌin na, saa chi köo íyo yuꞌu na xiꞌin ya si̱naꞌa nde ndóꞌo̱, ta kúni na ndi̱kasi na nuu ndo ya ná kändixa ndo tuꞌun vaꞌa xaꞌa Jesucristo. Kuxika ndo nuu na ñaa, kütaꞌan ndo xiꞌin na.


Ndixaꞌvi ni Ndioxi vani ndee ni ndee xi̱ndoꞌni ndo ndaꞌa kuachi, ta ndinuꞌu ni ini ndo ka̱ndixa ndo tuꞌun ya ndi̱kani na nuu ndo tá si̱naꞌa na ndóꞌo̱.


Vaꞌa ka ikan ndo tá kuꞌva íkan yeꞌe: ndiꞌi saa kivi xáꞌa i ndee xiꞌin na, síndiko i ini na. Nina xaꞌa inka na ndíkani ini i, ni köo ndíkani ka ini i ndisaa xaꞌa mií i, ya ná kuchiñu chindee taꞌan i xiꞌin na ya kuchiñu na kaku na.


Chikaa ni ndo ndee ya kuꞌvi ni ini ndo kuni taꞌan ndo. Ta saa kaꞌan ni ndo xiꞌin Ndioxi ná taxi ra ya vaꞌa, ya ke̱e nuu ndivi ndaꞌa ndo, ta ya ndee ni ka ku ya kaꞌan ndoso ndo tuꞌun yuꞌu Ndioxi ya táxi ra ndaꞌa ndo kaꞌan ndo.


Ta kuꞌva saa ndóꞌo̱ tu yo xiꞌin itun síkaꞌa va na, tá kúu na xíta xiꞌin itun tilali, án na síkaꞌa itun arpa. Tá tu köo téꞌe xíta na xiꞌin nu, án köo teꞌe tívi na nu, ta nda iin naꞌa kündaa ini ndá yaa kua síkaꞌa na án ndá yaa kua xíta na.


Án sana köo xíni i ndá kuꞌva ndituꞌun vaꞌa ni i nuu naꞌa, sundi ya xíni i ya ndaa xaꞌa Ndioxi, ta xíni vaꞌa va i, saa íyo ya xa si̱naꞌa i nuu ndo, téꞌe ni va íyo ya si̱naꞌa i ndóꞌo̱.


Ta ya ndaa kua nda iin ñaꞌa köo níꞌi naꞌa, na chínuu vaꞌa ni mií tuꞌun. Ta saa ni xíniñuꞌu i ndituꞌun i xiꞌin ndo xaꞌa ñaꞌa ya ta̱xi Ndioxi ndaꞌa i, chi mií ra ku ra si̱tuvi ya nuu i.


Ta ya ná chïnuu vaꞌa ni i tuꞌun i, xiꞌin ya xi̱ni i tá nda̱a i nuu ndivi, xaꞌa ya ikán kua ta̱xi Ndioxi ichí ndaꞌa tachi nduvaꞌa ya sítixuꞌvi ni ya yeꞌe, ta ndee ni kúꞌvi kuñu i, tá káa iñu saa káa ya kuakiꞌvi ikin kuñu i, saa ndóꞌo i ya ná chïnuu vaꞌa ni i tuꞌun mií i.


Xáku ndaꞌvi i nuu Ndioxi ra chee ni, ra kúu Iva Tata yo Jesucristo ya ná taxi ra ya xínituni ndaꞌa ndo, ta saa ná xinu ndo kundaa vaꞌa ini ndo xaꞌa ra ta nda kuni taꞌan vaꞌa ka ndo xiꞌin ra,


Tá ná kaꞌvi ndo tutu ya xa ta̱a i xaa ndaꞌa ndo, ta saa kua vaꞌa kuchiñu kundaa ini ndo xiꞌin ya káꞌan i xiꞌin ndo, ya kúndaa ini i xaꞌa ñaꞌa ya ndi̱xiyo sěꞌe xaꞌa Cristo.


Ta kuꞌva saa ná ndikani ini ndiꞌi yo xa xa̱ꞌnu tuꞌun Ndioxi nima. Tá ndá tu ndóꞌo̱ köo ndíkani ini kuꞌva saa, ta xa síin ndíkani ini ndo, ta mií Ndioxi ku ra sinaꞌa ndóꞌo̱ ndá kuꞌva ndikani ini ndo.


Ndiꞌi saa kivi sindikaꞌán un ini na ñani yo nuu Ndioxi ya ná käni taꞌan na, ná käꞌan kuachi na xaꞌa ndá ka ñaꞌa ya köo ndáa yaꞌvi. Chi ya íkan na saa ta síndiꞌi xaꞌa na naꞌa, na sikan xíni soꞌo tuꞌun xaꞌa Tata yo.


Ta yóꞌo̱ ñani yo, ta xa xíni vaꞌa un yeꞌe, ndá kuꞌva sínaꞌa i, ta ndá kuꞌva íyo i, ta xíni un unkua ndíkani ini i xaa súvi i, saa xíni un ya ndáa ni i ini i xíni Ndioxi, ta kúꞌvi ni ini i xíni i naꞌa, saa xíni un ya kaꞌnu ni ini i.


Chi ndiꞌi tuꞌun Ndioxi ya íyo nuu tutu ra, ya i̱í, ta mií Tachi ra ku ya si̱ndikaꞌán ini naꞌa ya ta̱a na ya. Ta vaꞌa ni ya chi sínaꞌa ya yoo, saa káꞌan tu ya xiꞌin yo táxi ya kuachi xaꞌa yo tá väꞌa íkan yo, ta ndása ndǎku ya ini yo, ta sínaꞌa tu ya yoo ya ikan yo chiñu vaꞌa tá kuꞌva kúni mií Ndioxi.


ya ná chikaa ni un ndee ya kaꞌan ndoso un tuꞌun ra xiꞌin naꞌa ndiꞌi saa kivi. Koo ndúvi un kaꞌan un xiꞌin na tá kivi vaꞌa ni kúni un án tá väꞌa kúni un. Ta teꞌe kaꞌan un xiꞌin na, sinaꞌa un na ya ná kundaa ini na xaꞌa ya väꞌa kéꞌe na, ta kaꞌan xiꞌin na ná sindoo na ya, saa xaꞌa ni un ndee xiꞌin na ya ná kundikun vaꞌa na ichí Tata yo Jesucristo. Ta toꞌo kaꞌan un xiꞌin na sinaꞌa un na, kaꞌnu koo ini un xiꞌin na.


Ñani yo, tuꞌun ya káꞌan i xiꞌin un yóꞌó, ta ya ndaa ni kua, yakan ndinuꞌu ni ini un sinaꞌa un ya, ya ná kundaa ini na taꞌan yo na kándixa Ndioxi ikan na ya vaꞌa, chi ya yóꞌó kua ndee ni vaꞌa, chíndee ni ya ndiꞌi na ñuu ivi.


Täxi ndo sindaꞌvi naꞌa ndóꞌo̱ xaꞌa inka tuꞌun ya köo íyo yuꞌu xiꞌin tuꞌun ya si̱naꞌa Tata yo Jesucristo ndóꞌo̱. Ya vaꞌa ni ka va kua ná ndundee ka nima ndo xiꞌin ya vaꞌa ndi̱niꞌi uun ndo nuu Iva yo Ndioxi. Sundi na ikán ta ndisaa xaꞌa ley yata káꞌan na, ndá ñaꞌa kua vaꞌa kuxi yo ta ndá ñaꞌa kua küvi kuxi yo, káchi na, ta ya sínaꞌa na ikán ta nda loꞌo köo chíndee taꞌan ya xiꞌin nda iin naꞌa.


Ta xaꞌa ya xa ndi̱kiꞌin ndo ndiꞌi ya vaꞌa káꞌan i xiꞌin ndo, xaꞌa ya ikán kua kundiꞌi ni ini ndo nduu vaꞌa ka ndo, ta saa kundaa ni ini ndo kuni ndo Ndioxi ta vívií koo ndo nuu ra, saa chikaa ni ndo ndee ya kundaa vaꞌa ka ini ndo xaꞌa ra.


Ta ndóꞌo̱ xíniñuꞌu ndo kunitaꞌan vaꞌa ka ndo xiꞌin Tata yo Jesucristo, ra síkaku yoo, ra kúꞌvi ni ini xíni yoo. Ta ná xaa kaꞌnu ni yo ra ndiꞌi saa kivi xiꞌin ndiꞌi kivi ya vaxi. Saa ná koo.


Ndiꞌi na síndoo ichí ya si̱naꞌa Jesucristo ta ndíkiꞌin na inka ichí kuaꞌan na, ta köo Ndioxi íyo xiꞌin na, sundi na tuun ni ndíkun ichí ya si̱naꞌa ra ta kúu mií na Iva yo Ndioxi xiꞌin Seꞌe ra.


Titsatireni:

Zotsatsa


Zotsatsa