1 Corintios 14:2 - Xochapa Mixteco

² Saa chi ndiꞌi naꞌa, na káꞌan tuꞌun ya köo kúndaa ini na xiꞌin, ta köo káꞌan na xiꞌin na ivi yóꞌó, xiꞌin Ndioxi va káꞌan na, chi nda iin naꞌa kündaa ini xiꞌin tuꞌun ya káꞌan na. Tuꞌun ya íyo sěꞌe ku ya táxi Tachi I̱í Ndioxi ndaꞌa na kaꞌan na.

1 Corintios 14:2 Mawu Ofanana

San Mateo 13:11

Saa ndi̱kuiin ra káꞌan ra xiꞌin nda: ―Ndóꞌo̱, ta xa mií Ndioxi ku ra ta̱xi ichí ndaꞌa ndo ya kundaa ini ndo xaꞌa ichí nuu xáꞌnda chiñu ra, ya íyo sěꞌe. Sundi na ikán, ta köo ndítaxi ra ichí ndaꞌa na kundaa ini na.

San Marcos 16:17

Ta ya yóꞌó ku seña yatuꞌun taxi i koo xiꞌin na kándixa yeꞌe: Kuniñuꞌu na ndee i xiꞌin kivi i ya tava na tachi nduvaꞌa, ta saa kaꞌan na inka nuu tuꞌun xa̱á ya köo ndi̱sikuaꞌa na.

San Marcos 4:11

Saa ndi̱kuiin Jesús ndi̱kaꞌan ra xiꞌin na, káchi ra saa: ―Ndioxi táxi ra kundaa ini ndo xaꞌa ya íyo sěꞌe nuu xáꞌnda chiñu ra. Sundi na íyo chí keꞌe ta köo kúndaa ini na xiꞌin ya chi ndisaa tuꞌun ndíchi va kua xíni soꞌo na káꞌan i.

Los Hechos 10:46

Saa chi xi̱ni soꞌo nda káꞌan na ikán inka nuu tuꞌun, saa káꞌan ni na ya vaꞌa xaꞌa Ndioxi.

Los Hechos 19:6

Ñaa chi̱nuu ndaꞌa ra Pablo xiní nda ikán. Tá i̱kan ra saa xiꞌin nda ta xa̱a Tachi I̱í Ndioxi íyo ya xiꞌin nda. Saa xa̱á nda káꞌan nda inka nuu tuꞌun. Ta káꞌan tu nda tuꞌun yuꞌu Ndioxi va.

Los Hechos 22:9

Ta nda taa kuaꞌan xiꞌin i xi̱ni nda ndi̱yeꞌe ndaa ni saa ndi̱ndiꞌvi ni nda, sundi köo ndi̱kunda ini nda xiꞌin tuꞌun ya ndi̱kaꞌan ra xiꞌin i.

ROMANOS 16:25

Ta ná xaa toꞌo yo Ndioxi chi mií ra ku ra chíndee yoo, táxi ra ndee ndaꞌa ndo ya tuun ni ndíkun ndo tuꞌun vaꞌa xaꞌa Jesucristo, ya ndítuꞌun i xiꞌin ndo. Tuꞌun vaꞌa yóꞌó kua ndi̱xiyo sěꞌe xinaꞌa, ta vitin si̱naꞌa tuvi Ndioxi ya nuu yo.

1 Corintios 12:10

Sava tuku na níꞌi ndee vaꞌa ni nuu Tachi I̱í Ndioxi ya ikan na yatuꞌun Ndioxi. Sava tuku na níꞌi ndee vaꞌa ni ya kaꞌan ndoso na tuꞌun yuꞌu Ndioxi. Sava tuku na níꞌi ndee vaꞌa ni ya ndíkuni na tá káꞌan Tachi I̱í Ndioxi, ta ndíkuni tu na tá káꞌan tachi nduvaꞌa, ya nǎꞌa. Sava tuku na níꞌi ndee vaꞌa ni ya káꞌan na kuaꞌa ni nuu tuꞌun. Sava tuku na níꞌi ndee vaꞌa ni ya síndiko koo na tuꞌun ya káꞌan inka naꞌa.

1 Corintios 12:28

Ta xa xíni yo mií Ndioxi ku ra to̱so yo veꞌe ñuꞌu ya xaa chiñu yo. Chiñu núnu̱ú ta̱xi ra ndaꞌa sava yo ku ya kúu yo apóstol, ta sava yo ku profeta, nda káꞌan tuꞌun yuꞌu Ndioxi, sava tu yo ku yo sínaꞌa tuꞌun Ndioxi, sava tu yo ta̱xi ra ichí ndaꞌa yo ya ikan yo yatuꞌun Ndioxi, sava yo ta̱xi ra ichí ndaꞌa yo ya sindaꞌa yo na kúꞌvi, sava tuku yo ta̱xi ra ichí ndaꞌa yo ya chindee taꞌan yo xiꞌin naꞌa, sava tuku yo ta̱xi ra ichí ndaꞌa yo ya kaꞌnda chiñu yo nuu na veꞌe ñuꞌu, sava tuku yo ta̱xi ra ichí ndaꞌa yo ya kaꞌan yo inka nuu tuꞌun ya köo ndi̱sikuaꞌa yo.

1 Corintios 13:1

Tá tu xíni ni i kaꞌan i kuaꞌa ni nuu tuꞌun ya káꞌan na ñuu ivi yóꞌó, án xíni ni i kaꞌan i nda tuꞌun ya káꞌan na tatun Ndioxi, sundi tá köo ya kúꞌvi ini vaxi nuu Ndioxi íyo nima i, ya kuꞌvi ini i kuni i inka naꞌa, ta tá káa kàà ya ndee ni káxan va saa káa i, án tá káa iin kàà ya ndee ni ndáꞌi va, saa káa i.

1 Corintios 13:2

Tá tu vaꞌa ni káꞌan i tuꞌun yuꞌu Ndioxi, ni vaꞌa ni kúndaa tu ini i xiꞌin ndiꞌi ni kúu ya íyo sěꞌe, ni ndíchi ni káa i, ni kándixa ni i Ndioxi ya kuni soꞌo ra kaꞌan i xiꞌin ra ndinama ra iku kuꞌun ya inka ñaꞌñu, sundi tá tu köo ya kúꞌvi ini táxi Ndioxi íyo nima i, ya kuꞌvi ini i kuni i inka naꞌa, ta ni köo ndáa yaꞌvi mií vi i.

1 Corintios 14:16

Saa chi tá tu xáa kaꞌnu ndo Ndioxi xiꞌin tuꞌun ya köo kúndaa ini yo xiꞌin ya ke̱e nuu ndivi, ta saa ná xaa inka naꞌa, na köo xíka veꞌe ñuꞌu xiꞌin ndo, ta unkua ikan na kundaa ini na taxi na tixaꞌvi ndaꞌa Ndioxi, ta ni köo kúndaa ini na xiꞌin tuꞌun ya káꞌan ndo.

1 Corintios 14:26

Ñani yo, ná koto ndo unkua vaꞌa xíniñuꞌu ndo ikan ndo tá ndíkitaꞌan ndo veꞌe ñuꞌu: Ta vaꞌa kata sava ndo yaa nuu Ndioxi, ta sava ndo sinaꞌa, ta sava ndo kaꞌan xaꞌa tuꞌun ya sítuvi Ndioxi nuu ndo, ta vaꞌa kaꞌan sava ndo tuꞌun ya ke̱e nuu ndivi, ya köo xíni ndo, ta ná koo naꞌa sindiko niꞌi tuꞌun ya káꞌan ndo. Saa ikan ndo ya vaꞌa chindee taꞌan ndo xiꞌin na veꞌe ñuꞌu ya taxi ndo ndee ndaꞌa na.

1 Corintios 15:51

Sundi yeꞌe, ta kúni i ná kundaa ini ndo xaꞌa ñaꞌa ya chi̱tuni mií Ndioxi íyo sěꞌe: Süvi ndiꞌi yo kuvi. Sundi kivi ikán ta iin káchi ndisama ndiꞌi ra ikin kuñu iin iin yo, ndisama ra ya nduu ya ikin kuñu xa̱á.

1 Corintios 2:10

Sundi mií Ndioxi ku ra ndi̱naꞌa ya yóꞌó nuu yo tixin Tachi ra ya kuchiñu yo kundaa ini yo xaꞌa ya. Saa chi ndisaa mií Tachi ra kua xíto ndoso ndiꞌi ni kúu ñaꞌa. Nda ñaꞌa ya küvi kundaa ini yo xiꞌin, saa tu ndiꞌi ya ndíchi ni, ya íyo sěꞌe, ta ndisaa mií Tachi ra kua kúndaa ini xaꞌa ndiꞌi ya kúu mií Ndioxi.

1 Corintios 2:7

Ndeꞌe, ta sínaꞌa nde ya ndíchi kúu mií Ndioxi, ya ndi̱xiyo sěꞌe yachi nda kivi tá xi̱koo xaꞌa ñuu ivi yóꞌó. Nda saa vi chi̱tuni Ndioxi ya ndíchi yóꞌó ya kuchiñu niꞌi ni yo ya vaꞌa xiꞌin ya.

Efesios 6:19

Saa kaꞌan ni ndo xaꞌa i xiꞌin Ndioxi ya ná taxi ra ndee ndaꞌa i tá káꞌan ndoso i tuꞌun vaꞌa xaꞌa ra xiꞌin naꞌa, ya ná kuchiñu na kundaa ini na xaꞌa ñaꞌa ya chi̱tuni Ndioxi ndi̱xiyo sěꞌe, ya kúu tuꞌun vaꞌa xaꞌa ra.

Colosenses 2:2

Saa ná taxi ni Ndioxi ndee ndaꞌa ndo ya xaꞌa ni ndo ndee xiꞌin taꞌan ndo xaꞌa ya kúꞌvi ni ini ndo xínitaꞌan ndo. Xaꞌa ya ñaa kua ndítuꞌun ni i xiꞌin ndo, ndíkani i nuu ndo chi kúꞌvi ni ini i xíni i ndóꞌo̱. Ta vaꞌa ná taxi ra ndukuika ni ndo xiꞌin ya ndíchi ni chi̱tuni Ndioxi ndi̱xiyo sěꞌe yachi, chi ya ndi̱xiyo sěꞌe ikán ku mií Tata yo Jesucristo.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

1 Timoteo 3:9

Xíniñuꞌu kuu nda taa nda kándixa ni tuꞌun vaꞌa xaꞌa Tata yo Jesucristo ya si̱tuvi Ndioxi nuu yo ku̱ndaa ini yo, ta saa ná koo vaꞌa ya xínituni nda, ná täxi ya kuachi xaꞌa nda.

El Apocalipsis 10:7

Tá ná tindaa kivi ya tivi tatun ra ya uxa itun trompeta ya, saa kua sixinu ndiꞌi Ndioxi ya xa chi̱tuni ra xaa súvi ra, ta köo ndi̱kundaa ini naꞌa xaꞌa ya ndi̱kaꞌan ra xiꞌin nda profeta, nda ndi̱kaꞌan tuꞌun yuꞌu ra xinaꞌa ―káchi tatun ikán xi̱ni soꞌo i.