1 Corintios 14:11 - Xochapa Mixteco

¹¹ Sundi tá köo kúndaa ini i xiꞌin tuꞌun ya káꞌan ndá ka naꞌa xiꞌin i, ta tá káa yeꞌe inka ñuu va saa káa i nuu na, ni mií na káꞌan xiꞌin i ta tá íin na inka ñuu va saa íyo na nuu i.

1 Corintios 14:11 Mawu Ofanana

Los Hechos 28:2

Ta yáꞌa ni vaꞌa ndi̱kuiso na ñuu ikán ndeꞌe, saa ndi̱kaꞌmi na ñu̱ꞌu̱ ndisaa nde chi vixin ni, ta kúun síin savi.

Los Hechos 28:4

Saa tá xi̱ni sava mií na ñuu ikán ya tíin ri ndaꞌa ra, ñaa xa̱á na káꞌan na xiꞌin taꞌan na, káchi na saa: ―Süvi ra vaꞌa ku ra yóꞌó, ra xáꞌni ndìì ku ra, vani ndi̱kaku ra ini nduta ñûꞌu ta köo táxi ndioxi yo kutaku ra ―káchi na.

ROMANOS 1:14

Xaꞌa ya vaꞌa ni íkan Jesucristo xiꞌin i, yakan ndee ni xíniñuꞌu i kaꞌan ndoso i tuꞌun vaꞌa xaꞌa ra xiꞌin ndiꞌi naꞌa, na káꞌan tuꞌun griego tin na köo káꞌan tuꞌun griego, na ndíchi ni xiꞌin na köo xíni kaꞌvi, ndiꞌi na yóꞌó ku na xíniñuꞌu ni i kaꞌan i xiꞌin.

1 Corintios 14:10

Ya ndaa kua xa xíni mií ndo kuaꞌa ni nuu tuꞌun íyo ñuu ivi yoꞌó, ta téꞌe ni va káꞌan ya nuu mií na xíni kaꞌan ya.

1 Corintios 14:21

Ta soꞌva kua káꞌan tuꞌun Ndioxi iin ñaꞌñu nuu ta̱a na xinaꞌa, káchi ya saa: “Kuniñuꞌu i naꞌa, na káꞌan inka nuu tuꞌun, na ke̱e ñuu xíka ni ya kaꞌan i xiꞌin na ñuu ivi yóꞌó, ta saa ni küaꞌa na kuni soꞌo na ya kaꞌan i xiꞌin na”, káchi tuꞌun Tata yo.

Colosenses 3:11

Ta xaꞌa ya xa ndu̱u ndo na xa̱á vitin ta köo ndáa yaꞌvi ka ya án ndo judío ku ndo án süvi ndo judío ku ndo, án ndo kúu mií tuni Ndioxi ku ndo, án ndo köo tuni Ndioxi ku ndo, án ndo ka̱ꞌvi ni ku ndo án ndo köo ndi̱kaꞌvi ku ndo, án ndo ke̱e inka ñuu kani ni ku ndo, án ndo xáa chiñu xiꞌin ya nduxa ku ndo, án ndo íyo ndika ku ndo, nda iin ya yóꞌó köo ndáa yaꞌvi ni, ya ndee ni ndáa yaꞌvi kua íyo Cristo xiꞌin ndo vitin.