1 Corintios 13:9 - Xochapa Mixteco

⁹ Saa chi vitin ta köo kúndaa ndiꞌi ini yo xiꞌin ya ndaa xaꞌa Ndioxi, ta saa tu ya káꞌan ndoso yo tuꞌun yuꞌu ra, ndisaa iin ñaꞌñu va kúndaa ini yo xiꞌin ya.

1 Corintios 13:9 Mawu Ofanana

San Mateo 11:27

Saa ndi̱kaꞌan ka Jesús xiꞌin na, káchi ra saa: ―Iva i Ndioxi ta̱xi ndiꞌi ra ya vaꞌa ndaꞌa i. Ta nda iin naꞌa köo xíni yeꞌe, ra kúu seꞌe Ndioxi, iindaa mií Ndioxi ku ra xíni vaꞌa yeꞌe. Ta nda iin naꞌa köo xíni Iva i tá kuꞌva xíni yeꞌe ra, saa tu na ndi̱kaxin i taxi i kuni vaꞌa na ini ra.

ROMANOS 11:34

Ta ¿unku vi naꞌa kuchiñu kundaa ini xaꞌa ya ndíkani ini Ndioxi? Ta ¿án ndá íyo vi naꞌa kuchiñu kaꞌan xiꞌin Ndioxi ndá ñaꞌa kua xíniñuꞌu ra ikan ra?

1 Corintios 13:10

Sundi tá ná tindaa kivi ya xinu mií ya ndixa ni ndinuꞌu ndaa, ya ndǎku ni, ta nda loꞌo ka ñaꞌa köo kúmani xiꞌin ya, saa kua ndiꞌi xaꞌa ya xíni yo iin ñaꞌñu loꞌo.

1 Corintios 13:12

Kuꞌva saa íyo ya ndóꞌo yo vitin, tá ndóꞌo naꞌa, na xíto nuu yu̱ú tatan, ya kuaꞌan kúxana nuu va, saa íyo ya ndóꞌo yo. Sundi vaxi kivi ta saa kua kundaa teꞌe ini yo xaꞌa ndiꞌi ya, chi saa kua kuni xiꞌin nuu yo Ndioxi. Loꞌo ni va kúndaa ini yo xaꞌa ra vitin, ta vaxi kivi saa kua kundaa teꞌe ini yo xaꞌa ndiꞌi kúu ñaꞌa. Ta saa kua kuni vaꞌa yo Ndioxi tá kuꞌva káa ra, tá kuꞌva xíni ra yoo.

1 Corintios 2:9

Ta ndaꞌa yóo kua ta̱xi Ndioxi ya, tá káꞌan tuꞌun ra ya ta̱a na xinaꞌa, káchi ya saa: Nda iin naꞌa täꞌan ndikani ini xaꞌa ya si̱kuaꞌa Ndioxi xaꞌa yoo kúꞌvi ni ini ra xíni ra, ni täꞌan kuni xiꞌin nuu na ya, ta ni täꞌan kuni soꞌo na ya.

1 Corintios 8:2

Tá ndíkani ini sava naꞌa ya xíni ni na túvi na, ta ni köo xíni na tá kuꞌva xíniñuꞌu na kundaa vaꞌa ka ini na.

Efesios 3:8

Vani köo ndáa yaꞌvi ni va i nuu ndiꞌi na ñani yo, na kúu ñuu Ndioxi, ta ta̱xi ra ichí ndaꞌa i ya kaꞌan ndoso i tuꞌun vaꞌa xaꞌa ra xiꞌin naꞌa, na köo kúu judío. Ta tuꞌun vaꞌa ni ikán, ta tá káa ya kuika ni saa káa ya, chi köo ndíꞌi xaꞌa ya.

1 Juan 3:2

Ñani mani, vitin ta xa seꞌe Ndioxi kúu yoo, ta köo xíni yo ndá kuꞌva nduu yo kivi ná ndiko koo tuku Tata yo Jesucristo ñuu ivi yóꞌó. Sundi yoo ta kúndaa ini yo, kivi ná ndiko koo ra ta nduu yo tá kuꞌva káa mií ra, saa chi kivi ikán ta kuni xiꞌin nuu yo ra tá kuꞌva káa ra.