1 Corintios 13:8 - Xochapa Mixteco

⁸ Chi ya kúꞌvi ini táxi Ndioxi ndaꞌa yo kuꞌvi ini yo kuni yo inka naꞌa, ta ndiꞌi saa tiempo koo ya. Sundi naꞌa, na káꞌan tuꞌun yuꞌu Ndioxi ta vaxi tiempo küchiñu ka na kaꞌan na tuꞌun yuꞌu ra. Ni na káꞌan ndá ka nuu tuꞌun ya köo xíni na ta köo ka na kaꞌan ya, ni ya ndíchi ni kundaa ini yo xaꞌa ya ndi̱xiyo sěꞌe, ta ndiꞌi xaꞌa ya.

1 Corintios 13:8 Mawu Ofanana

San Lucas 22:32

Sundi yeꞌe ta xa káꞌan ni i xaꞌa un xiꞌin Ndioxi ya ná ndïko koo ini un ya ndáa ni ini un xíni un ra. Tá ndi̱ko koo un nuu ra, ta xaꞌa un ndee xiꞌin ndiꞌi na itáꞌan xiꞌin un ―káchi Jesús xiꞌin ra Simón Pedro.

Los Hechos 13:1

Tañu na ndíkun Jesús ndóo ñuu Antioquía ñúꞌu nda káꞌan tuꞌun yuꞌu Ndioxi xiꞌin nda sínaꞌa. Ta nda kúu mií chiñu yóꞌó kuu ra Bernabé xiꞌin ra Simón ra káꞌan na xiꞌin ra tu̱ún, inka ra náni Lucio, ra ke̱e ñuu Cirene, xiꞌin ra náni Manaén, ra xa̱ꞌnu xiꞌin ra rey Herodes, ra ndi̱xiyo gobernador nuu na Galilea. Nda ikán xiꞌin ra Saulo ku nda ku̱u mií chiñu yóꞌó.

Los Hechos 19:6

Ñaa chi̱nuu ndaꞌa ra Pablo xiní nda ikán. Tá i̱kan ra saa xiꞌin nda ta xa̱a Tachi I̱í Ndioxi íyo ya xiꞌin nda. Saa xa̱á nda káꞌan nda inka nuu tuꞌun. Ta káꞌan tu nda tuꞌun yuꞌu Ndioxi va.

Los Hechos 2:4

Ta Tachi I̱í Ndioxi kua xa̱a sata iin iin na, ñaa xa̱á iin iin na káꞌan na inka nuu tuꞌun ya káꞌan na inka ñuu. Tá íyo ya ta̱xi Tachi I̱í Ndioxi ndaꞌa na kaꞌan na, saa íyo ya xa̱á na káꞌan na.

1 Corintios 12:10

Sava tuku na níꞌi ndee vaꞌa ni nuu Tachi I̱í Ndioxi ya ikan na yatuꞌun Ndioxi. Sava tuku na níꞌi ndee vaꞌa ni ya kaꞌan ndoso na tuꞌun yuꞌu Ndioxi. Sava tuku na níꞌi ndee vaꞌa ni ya ndíkuni na tá káꞌan Tachi I̱í Ndioxi, ta ndíkuni tu na tá káꞌan tachi nduvaꞌa, ya nǎꞌa. Sava tuku na níꞌi ndee vaꞌa ni ya káꞌan na kuaꞌa ni nuu tuꞌun. Sava tuku na níꞌi ndee vaꞌa ni ya síndiko koo na tuꞌun ya káꞌan inka naꞌa.

1 Corintios 13:10

Sundi tá ná tindaa kivi ya xinu mií ya ndixa ni ndinuꞌu ndaa, ya ndǎku ni, ta nda loꞌo ka ñaꞌa köo kúmani xiꞌin ya, saa kua ndiꞌi xaꞌa ya xíni yo iin ñaꞌñu loꞌo.

1 Corintios 13:13

Tá kuꞌva káꞌan i saa íyo va ya, sundi uni nuu ya yóꞌó ku mií ya ndïꞌi xaꞌa: ya ndee ni ndáa ini yo xíni yo Ndioxi, xiꞌin ya kándixa yo ya sixinu Ndioxi ya ndi̱kaꞌan ra taxi ra ndaꞌa yo, saa tu ya kúꞌvi ni ini ta̱xi ra ndaꞌa yo. Sundi ya ndee ni ka ndee ndáa yaꞌvi nuu uni ya yóꞌó kúu ya, kúꞌvi ni ini ta̱xi Ndioxi ndaꞌa yo kuꞌvi ini yo kuni yo inka naꞌa.

1 Corintios 14:39

Ta saa va ñani yo tin kuꞌva yo, vaꞌa kutoo ndo kaꞌan ndo tuꞌun yuꞌu Ndioxi, ta käsi ndo nuu nda iin naꞌa, na kúni kaꞌan tuꞌun ya köo xíni na, ya ke̱e nuu Ndioxi. Taxi ndo ná kaꞌan na ya.

1 Corintios 8:2

Tá ndíkani ini sava naꞌa ya xíni ni na túvi na, ta ni köo xíni na tá kuꞌva xíniñuꞌu na kundaa vaꞌa ka ini na.

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.

HEBREOS 8:13

Tá tu káꞌan Ndioxi xaꞌa trato ya xa̱á ki̱ndoo ra xiꞌin yo vitin, ta kúni kachi ya, ya yata ta ya xa kuaꞌan ndíꞌi xaꞌa kua, yakan siloꞌo ni ta ndiꞌi vaꞌa va xaꞌa ya.