1 Corintios 12:7 - Xochapa Mixteco

⁷ Ta ndee vaꞌa ya táxi Tachi I̱í Ndioxi ndaꞌa iin iin yo ya kuchiñu yo ikan yo ndá ka chiñu, ta ya chindee taꞌan yo xiꞌin na taꞌan yo kua.

1 Corintios 12:7 Mawu Ofanana

1 Corintios 12:12

Ta xa xíni mií yo ya kuaꞌa ni nuu ku ñaꞌñu ya kúu mií ikin kuñu yo, sundi iindaa va ku yo. Ta saa iin káchi íin yo xiꞌin Tata yo Jesucristo. Saa chi vani kuaꞌa ni ku yo ndíkun ra, sundi iin va ku yo xiꞌin ra.

1 Corintios 14:12

Ta saa tu ndóꞌo va, chi ndúku ni ndo kuꞌva ya niꞌi ndo ya vaꞌa ke̱e nuu ndivi. Ta vaꞌa nduku ni ndo taꞌan ya vaꞌa ya chíndee taꞌan ni xiꞌin na veꞌe ñuꞌu ya ná kuaꞌnu ka na xiꞌin tuꞌun Ndioxi.

1 Corintios 14:17

Saa chi ndóꞌo̱, ni vaꞌa ni va táxi ndo tixaꞌvi ndaꞌa Ndioxi sundi naꞌa, na köo kúndaa ini xiꞌin tuꞌun ya káꞌan ndo, ta köo chíndee taꞌan ya xiꞌin na.

1 Corintios 14:19

Sundi tá káꞌan i xiꞌin na ñani yo, na veꞌe ñuꞌu, ta kúni i ná kundaa ini na xiꞌin tuꞌun ya káꞌan i xiꞌin na. Yakan vaꞌa ka káꞌan i xiꞌin na u̱ꞌu̱n nuu tuꞌun ya kúndaa ini na xiꞌin. Süvi ka vi ya kaꞌan i xiꞌin na uxi mil nuu tuꞌun ya köo xíni na, ta nda iin na kündaa ini xiꞌin ya káꞌan i.

1 Corintios 14:5

Chi yeꞌe, ta kúni ni i ya ná kaꞌan ndiꞌi ndo inka nuu tuꞌun ya köo kúndaa ini ndo xiꞌin ya ke̱e nuu ndivi. Sundi ya kúni ni ka i kua ná kuchiñu ndiꞌi ndo kaꞌan ndoso ndo tuꞌun yuꞌu Ndioxi. Saa chi naꞌa, na káꞌan ndoso ta ndee ni ka ndáa yaꞌvi ya íkan na ikán nuu naꞌa, na káꞌan tuꞌun ya köo xíni na. Vaꞌa va kaꞌan na tá tu íyo inka naꞌa, na síndiko koo tuꞌun ya káꞌan na, tá tu ná ikan na saa, ta saa kua vaꞌa xaꞌa ni na ndee xiꞌin na veꞌe ñuꞌu.