1 Corintios 12:5 - Xochapa Mixteco

⁵ Ta kuaꞌa ni ku nuu kuꞌva ya táxi Tata yo ikan iin iin yo, sundi mií ra, ta iindaa va ku ra.

1 Corintios 12:5 Mawu Ofanana

San Mateo 23:10

Ta täxi ndo kaꞌan naꞌa xiꞌin ndo “ra Káꞌnu” saa chi iindaa Cristo ku ra Kaꞌnu nuu ndo.

Los Hechos 10:36

Ta ndi̱kaꞌan Ndioxi xiꞌin ndeꞌe judío, tá ti̱ꞌvi ra Tata yo Jesucristo ki̱xi ra ndi̱kaꞌan ndoso ra tuꞌun vaꞌa ya táxi koo vaꞌa ni ini yo, chi ra ikán ku ra xáꞌnda chiñu nuu ndiꞌi yo ―káchi ra Pedro xiꞌin na.

1 Corintios 12:4

Ta kúni i ná kundaa ini ndo ya íyo kuaꞌa ni nuu ndee vaꞌa ya síniꞌi Tachi I̱í Ndioxi nuu naꞌa, na kándixa Jesucristo, sundi suvi iin mií Tachi ra kua síniꞌi ndiꞌi va ya.

1 Corintios 12:6

Saa íyo kuaꞌa ni kuꞌva ya xáa chiñu yo nuu Ndioxi, ta suvi xiꞌin ndee iindaa mií ra kua táxi ra íkan iin iin yo saa.

1 Corintios 8:6

Sundi nuu mií yo, ta iindaa mituꞌun va ku Iva yo Ndioxi mií ra ndaa ni, ta ndaꞌa mií ra kua vaxi ndiꞌi ñaꞌa ya xíniñuꞌu yo, xaꞌa mií ra kua táku yo. Ta saa íyo iindaa Tata yo Jesucristo ta tixin mií ra kua ndi̱kuaꞌa ndiꞌi ñaꞌa, ta si̱kuaꞌa tu ra mií va yo.

Filipenses 2:11

Ta ndiꞌi ni kúu naꞌa ndikuni ra ta kaꞌan na xaꞌa ra, kachi na saa: “Jesucristo ku ra Chee ni xáꞌnda chiñu nuu ndiꞌi yo”, kachi na. Ta saa kua ndikunuu sukun ni ya toꞌo Iva yo Ndioxi nduu chee ni ya.