1 Corintios 12:2 - Xochapa Mixteco

² Ta xa kúndaa ini ndo ndá kuꞌva ndi̱xiyo ndo yachi tá täꞌan kandixa ndo Tata yo Jesucristo, ta̱xi ndo xa̱ꞌnda chiñu naꞌna ndioxi ya ndíi, ya meꞌme nuu ndo.

1 Corintios 12:2 Mawu Ofanana

San Mateo 15:14

Täa soꞌo ndo ya káꞌan nda fariseo. Chi nda ikán ra tá íin na kuáa̱ saa íin nda. Chi tá iin ra kuáa̱ ná kundaka ra inka ra kuáa̱ kuꞌun xiꞌin ra, ta uvi saa nda koyo yavi ―káchi Jesús xiꞌin na.

1 Corintios 6:11

Taꞌan ya väꞌa yóꞌó ku ya i̱kan sava ndo yachi. Sundi vitin ta xa ndo̱o kuachi ndo, xa ndu̱u ndo naꞌa, na i̱í, na köo ka kuachi kúu mií nuu Ndioxi. Ta xa ndi̱kuiso vaꞌa ra ndóꞌo̱ tixin ndee Tata yo Jesucristo, saa tu xiꞌin ndee Tachi I̱í mií Iva yo Ndioxi va.

Gálatas 4:8

Yachi tá täꞌan kuni taꞌan ndo xiꞌin Ndioxi, ta ndi̱xiyo ndo tá íin naꞌa, na xáa chiñu xiꞌin ya nduxa, saa ndi̱xiyo ndo xi̱ndoꞌni ndo ndaꞌa ndioxi ya siki xa̱a chiñu ndo nuu.

1 Tesalonicenses 1:9

Ndiꞌi ni kúu ñaꞌñu káꞌan vaꞌa ni na xaꞌa ndo ya ndi̱kuiso vaꞌa ni ndo ndeꞌe tá ndi̱xaa nde nuu ndo. Saa káꞌan na xaꞌa ndo ya si̱ndoo ndo ya káñuꞌu ndo ndioxi ndíi, ta chi̱kaa ini ndo kundikun ndo Ndioxi ra ndaa ni, ra táku.

Tito 3:3

Chi saa ndi̱xiyo yo yachi tá täꞌan ndikundikun yo ichí Tata yo Jesucristo: kíꞌvi ni ndi̱xiyo ini yo, ikú ni ndi̱xiyo yo, tá íin yo nda̱ñuꞌu saa ndi̱xiyo yo nuu Ndioxi, ta xi̱nuꞌni yo ndaꞌa ndiꞌi kuachi ya ku̱too ni ikin kuñu yo ikan ya, kuaꞌa ni nuu ya väꞌa i̱kan yo, saa kûni ni ini yo xi̱ni yo naꞌa. Ta ndiꞌi naꞌa ndi̱saa ini xi̱ni yoo, ta saa tu yoo va, ndi̱saa ni ini yo xi̱ni yo na.

1 Pedro 1:18

Chi xa xíni mií ndo Ndioxi ku ra cha̱ꞌvi xaꞌa ndo nuu ndi̱saña ndo ndaꞌa ichí ya väꞌa ya köo ndáa yaꞌvi si̱ndikoo xií si̱kuaꞌa ndo ndaꞌa ndo. Ta süvi xiꞌin yu̱ú ya oro án ya plata kua ndi̱xiniñuꞌu ra chaꞌvi ra xaꞌa ndo, ni ya yaꞌvi ni kua ikán, ta köo ndee ni ya,

1 Pedro 4:3

Ta ndóꞌo̱ xa kuaꞌa ni tiempo ndi̱xika ndo tá kuꞌva xíka naꞌa, na köo kándixa Ndioxi ndóo ñuu ivi yóꞌó, ndi̱xika sií ndo xiꞌin ná síꞌi ta süvi ná síꞌi ndo ku ná, saa ná síꞌi ndi̱xika sií ná xiꞌin taa, ta süvi ií ná ku nda. Ndiꞌi nuu ya väꞌa kúni mií ndo i̱kan ndo. Ndee ni xi̱ꞌi ndo, ndakua ndi̱xini mií ndo ndi̱xika ndo, ta i̱kan ndo ya kaꞌa̱n ni nuu, ndi̱xika ndo nuu viko xa̱a kaꞌnu ndo ndioxi ya ndíi, ya köo kúu Ndioxi ndinuꞌu.