1 Corintios 12:10 - Xochapa Mixteco

¹⁰ Sava tuku na níꞌi ndee vaꞌa ni nuu Tachi I̱í Ndioxi ya ikan na yatuꞌun Ndioxi. Sava tuku na níꞌi ndee vaꞌa ni ya kaꞌan ndoso na tuꞌun yuꞌu Ndioxi. Sava tuku na níꞌi ndee vaꞌa ni ya ndíkuni na tá káꞌan Tachi I̱í Ndioxi, ta ndíkuni tu na tá káꞌan tachi nduvaꞌa, ya nǎꞌa. Sava tuku na níꞌi ndee vaꞌa ni ya káꞌan na kuaꞌa ni nuu tuꞌun. Sava tuku na níꞌi ndee vaꞌa ni ya síndiko koo na tuꞌun ya káꞌan inka naꞌa.

1 Corintios 12:10 Mawu Ofanana

San Marcos 16:17

Ta ya yóꞌó ku seña yatuꞌun taxi i koo xiꞌin na kándixa yeꞌe: Kuniñuꞌu na ndee i xiꞌin kivi i ya tava na tachi nduvaꞌa, ta saa kaꞌan na inka nuu tuꞌun xa̱á ya köo ndi̱sikuaꞌa na.

San Marcos 16:20

Saa ka̱na koo nda xi̱taꞌan xiꞌin Jesús xa̱á nda káꞌan ndoso nda tuꞌun vaꞌa ndá kuꞌva sikaku Ndioxi naꞌa. Ndiꞌi ni kúu ñaꞌñu xíka nda káꞌan ndoso nda tuꞌun ra. Ta íyo Tata yo chíndee ra nda, táxi ra íkan nda yatuꞌun nuu naꞌa. Tixin ya yóꞌó sínaꞌa Ndioxi naꞌa ya ndixa ku tuꞌun ra ya ndíkani nda. Saa ná koo.

San Lucas 24:49

Ta vaxi kivi tiꞌvi i ya ki̱ndoo Iva i Ndioxi kixi ya ndaꞌa ndo. Yakan këe yachi ndo ñuu Jerusalén yóꞌó, nda ná ndikiꞌin ndo ndee ya kee nuu ndivi, saa kee ndo ―káchi Jesús xiꞌin na.

San Juan 14:12

Ya ndaa káꞌan i xiꞌin ndo, na kándixa ya káꞌan i, ta kuchiñu tu na ikán va xaa súvi na taꞌan ya íkan i. Ta nda ndee ka koo chiñu ikan na, saa chi yeꞌe ta ndiko koo i kuꞌun i nuu Iva i.

San Juan 16:13

Tá ná kixi Tachi I̱í Ndioxi saa chindee ya ndóꞌo̱ kaꞌan ya xiꞌin ndo unkua ku ya ndaa, ta sinaꞌa teꞌe ya ndóꞌo̱ ndá kuꞌva kundikun ndo ichí ya ndaa. Ta ya sinaꞌa ya ndóꞌo̱ ta süvi kuenta mií ya kua kaꞌan ya xiꞌin ndo, sundi kaꞌan ya xiꞌin ndo xaꞌa tuꞌun ya xíni soꞌo ya káꞌan Ndioxi. Ta saa ndituꞌun ya xiꞌin ndo xaꞌa ndiꞌi ya kuu kivi vaxi.

Los Hechos 1:8

Sundi tá ná kixi Tachi ra sata ndo, ta saa kuu mií ndo ndee Ndioxi, nda saa kua kee ndo kuꞌun ndo ndituꞌun ndo xaꞌa i xiꞌin na ñuu Jerusalén yóꞌó. Xiꞌna na ñuu yóꞌó kuꞌun ndo ndituꞌun ndo xiꞌin, saa kuꞌun ndo ndituꞌun ndo xiꞌin ndiꞌi na ndóo estado Judea, tá ndiꞌi, saa kuꞌun ndo ndituꞌun tu ndo xiꞌin ndiꞌi na ndóo estado Samaria iin saa kuꞌun ndo ndiꞌi ni kuu ñuu ivi ndituꞌun ndo xiꞌin naꞌa xaꞌa i ―káchi Jesús xiꞌin nda.

Los Hechos 11:27

Tá íyo ra Bernabé xiꞌin ra Saulo ñuu Antioquía ikán saa ndi̱xaa sava nda ke̱e ñuu Jerusalén, nda káꞌan tuꞌun yuꞌu Ndioxi.

Los Hechos 11:28

Saa si̱kaꞌán Ndioxi ini iin ra ikán, Agabo nani ra ta ndi̱kundichi ra nuu na taꞌan ra na kándixa Jesús, xa̱á ra káꞌan ra, káchi ra saa: ―Koo tama chee ni ndiꞌi ni kuu ñuu ya ndíkun ndaa ñuu Roma ―káchi ra. Ta saa ndixa ndi̱xiyo, xa̱á tama tiempo ku̱u ra Claudio rey.

Los Hechos 19:6

Ñaa chi̱nuu ndaꞌa ra Pablo xiní nda ikán. Tá i̱kan ra saa xiꞌin nda ta xa̱a Tachi I̱í Ndioxi íyo ya xiꞌin nda. Saa xa̱á nda káꞌan nda inka nuu tuꞌun. Ta káꞌan tu nda tuꞌun yuꞌu Ndioxi va.

Los Hechos 5:3

Ñaa ndi̱kaꞌan ra Pedro xiꞌin ra Ananías, káchi ra saa: ―Tata, ¿ndachu kua i̱kan un saa? Ta̱xi un ndi̱kiꞌvi kiti Satanás nima un ta ku̱ni un sindaꞌvi un Tachi I̱í Ndioxi. Ya yóꞌó ku ndiꞌi xuꞌun ki̱ꞌin un xaꞌa ñuꞌú un, káchi un, ta süvi ya ndaa kua chi ndi̱ndoo ka ya ndaꞌa un.

ROMANOS 12:6

Ta xaꞌa ya kúꞌvi ni ini Ndioxi xíni ra yoo, ta xa síin xa síin si̱niꞌi taꞌvi ra iin iin yo, ta̱xi ra ya vaꞌa xínituni yo, ya ke̱e nuu ndivi ndaꞌa yo. Tá tu ndi̱niꞌi sava yo ya kaꞌan ndoso yo ndá ka tuꞌun ya vaxi nuu Ndioxi xiꞌin naꞌa, ta vaꞌa saa ná koo ya kaꞌan yo xiꞌin na, tá kuꞌva ndáa ni ini yo Ndioxi.

ROMANOS 15:19

Ndixaꞌvi ni mií Ndioxi xaꞌa Tachi I̱í ra, saa chi chíndee ya yeꞌe íkan i yatuꞌun nuu na xiꞌin ya vaꞌa ni, ta soꞌva kua síxinu i tuꞌun vaꞌa xaꞌa Jesucristo. Nda ñuu Jerusalén kua xa̱á i káꞌan ndoso i tuꞌun vaꞌa xaꞌa ra, iin saa ndi̱xaa i nda ñuu Ilírico, ndi̱xika ndiꞌi i ndi̱kaꞌan i xiꞌin na xaꞌa tuꞌun vaꞌa ya síkaku mií na.

1 Corintios 11:4

Ndiꞌi nda taa tá ndíkasi nda xi̱ní nda tá káꞌan nda xiꞌin Ndioxi án tá káꞌan nda tuꞌun yuꞌu Ndioxi xiꞌin na veꞌe ñuꞌu. Tá íkan nda saa, ta köo xáa toꞌo nda Ndioxi xaꞌa ya íkan nda saa.

1 Corintios 13:8

Chi ya kúꞌvi ini táxi Ndioxi ndaꞌa yo kuꞌvi ini yo kuni yo inka naꞌa, ta ndiꞌi saa tiempo koo ya. Sundi naꞌa, na káꞌan tuꞌun yuꞌu Ndioxi ta vaxi tiempo küchiñu ka na kaꞌan na tuꞌun yuꞌu ra. Ni na káꞌan ndá ka nuu tuꞌun ya köo xíni na ta köo ka na kaꞌan ya, ni ya ndíchi ni kundaa ini yo xaꞌa ya ndi̱xiyo sěꞌe, ta ndiꞌi xaꞌa ya.

1 Corintios 14:13

Xaꞌa ya ñaa kua xíniñuꞌu ni naꞌa, na káꞌan tuꞌun ya köo xíni na ya ke̱e nuu ndivi, ya ná kaꞌan ni na xiꞌin Ndioxi, ya ná kuchiñu na sindiko niꞌi na tuꞌun ya káꞌan na.

1 Corintios 14:39

Ta saa va ñani yo tin kuꞌva yo, vaꞌa kutoo ndo kaꞌan ndo tuꞌun yuꞌu Ndioxi, ta käsi ndo nuu nda iin naꞌa, na kúni kaꞌan tuꞌun ya köo xíni na, ya ke̱e nuu Ndioxi. Taxi ndo ná kaꞌan na ya.

Gálatas 3:5

Ta ¿án xaꞌa ya xáa súvi ndo ley Ndioxi kua ta̱xi ra Tachi I̱í ra ndaꞌa ndo, túvi ndo? Saa tu ya íkan Ndioxi yatuꞌun xiꞌin va ndo ta ¿án xaꞌa ya xáa súvi ndo ley Ndioxi kua, túvi ndo? Süvi saa íyo ya. Xaꞌa ya xi̱ni soꞌo ndo tuꞌun vaꞌa xaꞌa Tata yo Jesucristo, ta ka̱ndixa ndo ya sikaku ra ndóꞌo̱. Xaꞌa ya ikán kua ta̱xi ra Tachi I̱í ra ndaꞌa ndo, saa tu ya íkan ra yatuꞌun xiꞌin va ndo.

1 Tesalonicenses 5:20

Kündasi nuu ndo kuni ndo tuꞌun Ndioxi ya síkaꞌán ra ini naꞌa kaꞌan na xiꞌin ndo.

HEBREOS 2:4

Ta si̱naꞌa teꞌe Ndioxi yoo, ya ndaa ku tuꞌun ra, chi kuaꞌa ni nuu seña ya täꞌan kuni yo si̱naꞌa ra nuu yo, xiꞌin ndee vaꞌa ni xiꞌin yatuꞌun si̱naꞌa ra nuu yo, ta tixin Tachi I̱í ra kua ta̱xi ndiꞌi ra ya yóꞌó ndaꞌa yo tá kuꞌva chi̱tuni mií ra, saa i̱kan ra xiꞌin yo.

1 Juan 4:1

Ñani yo, ndóꞌo̱ ku ndo kúꞌvi ni ini i xíni i, ta vitin káꞌan i xiꞌin ndo. Kändixa ndo ndiꞌi na káꞌan Tachi I̱í Ndioxi síkaꞌán ini na kaꞌan na, káchi na. Chi vitin ta xa kuaꞌa ni na vata ka̱na koo ñuu ivi yóꞌó, ta káꞌan na síkaꞌán Tachi Ndioxi ini na kaꞌan na tuꞌun ra.

El Apocalipsis 2:2

Xa xíni i xaꞌa ndiꞌi ya vaꞌa íkan ndo, saa xíni i ndee ni ndee xáa chiñu ndo nuu i, saa xíni i ya xáꞌa ndee ni ini ndo xiꞌin ya tíxuꞌvi ndo. Ta xíni i ya kúndasi ni nuu ndo xíni ndo naꞌa, na íkan ya väꞌa. Saa xíni i ya xi̱to ndoso ndo nda káꞌan xáa chiñu nda nuu Iva yo Ndioxi, ta süvi ya ndaa ku ya xáa chiñu nda nuu ra.