1 Corintios 11:2 - Xochapa Mixteco

² Ñani yo tin kuꞌva yo, chínuu vaꞌa ni i tuꞌun ndo, saa chi ndíkaꞌán ni ini ndo xaꞌa i. Ta köo síndoo ndo ichí ya si̱naꞌa i ndóꞌo̱.

1 Corintios 11:2 Mawu Ofanana

San Lucas 1:6

Ta vaꞌa ni ndi̱xiyo ra Zacarías xiꞌin yá síꞌi ra ka̱ñuꞌu ni na Ndioxi, tá íyo ya ndi̱kaꞌan ra, saa íyo ya i̱kan na. Xaꞌa ya ikán kua köo ndi̱niꞌi ndá ka naꞌa taxi na kuachi xaꞌa ra Zacarías xiꞌin yá síꞌi ra.

1 Corintios 11:17

Ta vitin kaꞌan ka i xiꞌin ndo, ta küvi kaꞌan i xiꞌin ndo ya vaꞌa ni íkan ndo, chi ndóꞌo̱, tá ndíkitaꞌan ndo veꞌe ñuꞌu, ta süvi ya vaꞌa vi íkan ndo xiꞌin taꞌan ndo, ya väꞌa va íkan ndo xiꞌin taꞌan ndo.

1 Corintios 11:22

¿Án köo veꞌe ndo ná kundoo ndo kuxi ndo tin koꞌo ndo? Chi väꞌa íkan ndo síndikava ndo ini na veꞌe ñuꞌu, saa síkaꞌán ndo nuu na taꞌan yo, na köo ñaꞌa nuu kuxi.

1 Corintios 15:2

Tuꞌun ya ndi̱kaꞌan i xiꞌin ndo ku ya síkaku ndóꞌo̱, tá tu ndinuꞌu ni ini ndo kándixa ndo ya xa ndi̱kaꞌan i xiꞌin ndo, tá tu köo ndi̱chikaa uvi ini ndo xiꞌin ya xa xi̱ni soꞌo ndo ndi̱kaꞌan i.

1 Corintios 4:17

Xaꞌa ya ñaa kua tíꞌvi i ra Timoteo ñani yo xaa ra nuu ndo, vaꞌa ni ítaꞌan ra xiꞌin i. Nda tá káa seꞌe i saa káa ra, kúꞌvi ni ini i xíni i ra xaꞌa ra ya ndíkun ra Tata yo Jesucristo. Ta ra ñaa ku ra ndituꞌun xiꞌin ndo, sindikaꞌán ra ini ndo ndá kuꞌva íyo i, ta kuꞌva saa sínaꞌa i naꞌa ndiꞌi ni kúu veꞌe ñuꞌu.

1 Corintios 7:17

Ta vaꞌa koo ndo tá kuꞌva chi̱tuni mií Tata yo ta̱xi ra ndaꞌa ndo. Taꞌan ya káꞌan i xiꞌin ndo ku ya káꞌan i xiꞌin tá kúu ndiꞌi ni kúu naꞌa, na veꞌe ñuꞌu.

1 Tesalonicenses 1:6

Saa ta ndi̱nama ini ndo xa̱á ndo íkan ndo tá kuꞌva i̱kan nde, chi ndeꞌe ta i̱kan nde tá kuꞌva íkan mií Tata yo Jesucristo kivi xi̱ndoo nde xiꞌin ndo. Vani ndee ni ndi̱xiyo tindoꞌo nuu ndo xaꞌa tuꞌun ra, ta saa ni ndi̱kiꞌin ndo tuꞌun ra ya ndi̱kaꞌan nde xiꞌin ndo, saa ndu̱u sií ni ini ndo i̱kan mií Tachi I̱í ra.

1 Tesalonicenses 3:6

Ta vitin xa ke̱e ra Timoteo ñani yo, ñuu ndo Tesalónica ikán, ndi̱ko koo ra xa̱a ra nuu nde ta vaꞌa ni va káꞌan ra xaꞌa ndo ya ndee ni kándixa ndo Tata yo Jesucristo ta saa kúꞌvi ni ini ndo xíni taꞌan ndo, ta ndíkaꞌán ni ini ndo xaꞌa nde, saa kúni ni ndo kuni ndo ndeꞌe, káchi ra. Ta saa tu ndeꞌe va, ndee ni kúni nde kuni nde ndóꞌo̱.

2 Tesalonicenses 2:15

Yakan káꞌan nde xiꞌin ndo ñani yo tin kuꞌva yo, tuun ni kundikun ndo ya si̱naꞌa nde ndóꞌo̱ kándixa ndo, xiꞌin ya ndi̱kaꞌan nde xiꞌin ndo, tin ya xi̱ni soꞌo ndo xaꞌa nde xiꞌin ya ta̱a nde nuu tutu ti̱ꞌvi nde xaa ndaꞌa ndo.

2 Tesalonicenses 3:6

Ñani yo xiꞌin kuva yo, tixin ndee Tata yo Jesucristo ya kúu mií nde kua xáꞌnda chiñu nde nuu ndo ya ná kuxika ndo nuu na ñani yo xiꞌin kuꞌva yo, na köo xíin xaa chiñu, chi ndiꞌi na íkan saa ta köo xáa súvi na ya si̱naꞌa nde ndóꞌo̱.