1 Corintios 11:12 - Xochapa Mixteco

¹² Ya ndixa kua ndi̱kuaꞌa ná ñaꞌa xiꞌin leke kandika taa, ta saa tu nda taa va káku nda tixin ná síꞌi. Ta ndiꞌi ya yóꞌó ta nuu Ndioxi vaxi ndiꞌi ya.

1 Corintios 11:12 Mawu Ofanana

ROMANOS 11:36

Mií Ndioxi ku ra si̱kuaꞌa ndiꞌi ni kúu ñaꞌa ya íyo, xaꞌa mií ra si̱kuaꞌa ra ndiꞌi ya, ta ndiꞌi ya ndi̱kuaꞌa íyo ya xaa súvi ya kúni mií ra. ¡Yakan kua ná kunuu vaꞌa ni ya toꞌo ra ndiꞌi saa tiempo! Saa ná koo.

1 Corintios 11:11

Sundi nuu yoo kándixa Tata yo Jesucristo, ta xíniñuꞌu taꞌan uvi saa yo chi küvi koo nda taa tá tu köo ná síꞌi, ni ná síꞌi ta küvi koo ná tá tu köo nda taa.

1 Corintios 8:6

Sundi nuu mií yo, ta iindaa mituꞌun va ku Iva yo Ndioxi mií ra ndaa ni, ta ndaꞌa mií ra kua vaxi ndiꞌi ñaꞌa ya xíniñuꞌu yo, xaꞌa mií ra kua táku yo. Ta saa íyo iindaa Tata yo Jesucristo ta tixin mií ra kua ndi̱kuaꞌa ndiꞌi ñaꞌa, ta si̱kuaꞌa tu ra mií va yo.

2 Corintios 5:18

Ta mií Ndioxi ku ra i̱kan saa xiꞌin yo, nda̱sa xa̱á ra yóo, chi si̱kitaꞌan vaꞌa ra yóo xiꞌin mií ra tixin Jesucristo. Ta ñaa ta̱xi ra chiñu ndaꞌa ndeꞌe ya chindee nde naꞌa, ndikitaꞌan mani na xiꞌin ra.