1 Corintios 10:25 - Xochapa Mixteco

²⁵ Ya vaꞌa kuxi ndo ku ndiꞌi va kuñu ya kiaꞌvi nuu xíko na kuñu, ta ndäkan tuꞌun ndo mií ke̱e ya, ya ná ndïkani väꞌa ini ndo xiꞌin ya tá xíxi ndo ya.

1 Corintios 10:25 Mawu Ofanana

Los Hechos 10:15

Saa xi̱ni soꞌo tuku ra táchí na ichí uvi káꞌan na xiꞌin ra, káchi na saa: ―Kiti xa nda̱sa yaa Ndioxi ta käꞌan un xaꞌa ri yakua ri ―káchi tachi na xiꞌin ra.

ROMANOS 13:5

Yakan kua xíniñuꞌu yo kuni soꞌo yo ya káꞌan na chiñu xiꞌin yo. Süvi xaꞌa ya íꞌvi yo nuu na xaa nduvaꞌa na xiꞌin yo kua, saa chi ya yóꞌó ku ya kúni Ndioxi, tá íkan yo saa ta íyo vaꞌa ini yo, nda ya xínituni yo ta köo táxi ya kuachi xaꞌa yo.

ROMANOS 14:14

Tá kúu yeꞌe, ta xíni i köo ñaꞌa xíxi yo yakua nuu Ndioxi, ya vaꞌa ku ndiꞌi ya. Ta yeꞌe ndíkun Tata yo Jesús ku i ta kúndaa vaꞌa ini i vaꞌa kuxi yo ndiꞌi ya. Sundi tá íyo naꞌa káꞌan, küvi kuxi yo sava ñaꞌa chi ya väꞌa ku ya nuu Ndioxi, káchi na, ta vaꞌa ná küxi na ya, tá tu saa ndíkani ini na.

1 Corintios 8:7

Ta süvi ndiꞌi yo ndíkun Tata yo Jesucristo ku yo xíni xaꞌa ya yóꞌó. Chi sava na ka̱ñuꞌu naꞌna ndioxi ndíi ta xíka uvi ka va ini na tá xíxi na kuñu. Ta ndíkani ini na xiꞌin ya án sana ya ndi̱soko naꞌa nuu naꞌna ndioxi ya ndíi kua káꞌán na. Xaꞌa ya xíka uvi ini na tá xíxi na ya, saa ndúu na tá íin naꞌa, na yáꞌa nuu Ndioxi, túvi na.

1 Timoteo 4:4

Chi ndiꞌi ñaꞌa ya si̱kuaꞌa Ndioxi ta ya vaꞌa ku ndiꞌi ya, yakan köo ya kundasi yo, tá tu táxi yo tixaꞌvi ndaꞌa ra xaꞌa ya.

Tito 1:15

Chi naꞌa, na kúu mií nima vaꞌa, ta ya vaꞌa ku ndiꞌi ya nuu na, ta naꞌa, na kúu mií nima väꞌa, na köo ndáa ini xíni Ndioxi ta ya väꞌa ku ndiꞌi va ya nuu na, nda ya ndíkani ini na xiꞌin ya xínituni na ta köo íyo vaꞌa ya.