1 Corintios 10:19 - Xochapa Mixteco

¹⁹ Ya káꞌan i saa xiꞌin ndo, ta köo káꞌan i xiꞌin ndo ya táku naꞌna ndioxi na, ta ni köo kúni tu i kaꞌan i xiꞌin ndo ya íyo ndee mií kuñu ya sóko na nuu va ya.

1 Corintios 10:19 Mawu Ofanana

Los Hechos 19:26

Ta xi̱ni soꞌo mií ndo saa xíto ndo unkua íkan ra káꞌan na xiꞌin Pablo. Xíka ra síndaꞌvi ra naꞌa, káꞌan ra xiꞌin na süvi ndioxi ku naꞌna ya síkuaꞌa ndaꞌa yo, káchi ra. Ta xa kuaꞌa ni na sáka ra xiní xaꞌa ya káꞌan ra. Süvi iindaa ñuu Éfeso yóꞌó ndi̱kan ra saa ndiꞌi ni kúu ñuu estado Asia yóꞌó xíka ra íkan ra saa.

1 Corintios 1:28

I̱kan Ndioxi saa xiꞌin ndo ndi̱kaxin ra ndóꞌo̱ na vita ini, ndóꞌo̱ köo ndáa yaꞌvi nuu na ñuu ivi yóꞌó. I̱kan ra saa xiꞌin ndóꞌo̱ ya ná kundaa ini na ya kúndasi ni nuu ra ndiꞌi ñaꞌa ya ndee ni ndáa yaꞌvi nuu mií na.

1 Corintios 10:14

Xaꞌa ya ñaa kua xíkan ni i ya mani nuu ndo, ñani mani, kuxika ndo nuu ñaꞌa ya káꞌan naꞌa xaꞌa kúu ndioxi na, ta xäa kaꞌnu ndo ya.

1 Corintios 13:2

Tá tu vaꞌa ni káꞌan i tuꞌun yuꞌu Ndioxi, ni vaꞌa ni kúndaa tu ini i xiꞌin ndiꞌi ni kúu ya íyo sěꞌe, ni ndíchi ni káa i, ni kándixa ni i Ndioxi ya kuni soꞌo ra kaꞌan i xiꞌin ra ndinama ra iku kuꞌun ya inka ñaꞌñu, sundi tá tu köo ya kúꞌvi ini táxi Ndioxi íyo nima i, ya kuꞌvi ini i kuni i inka naꞌa, ta ni köo ndáa yaꞌvi mií vi i.

1 Corintios 3:7

Yakan kua ni köo ndáa yaꞌvi ya unku nde chíꞌi ta unku nde kóso ya. Ya ndee ni ndáa yaꞌvi ku ya íkan Ndioxi, chi mií ra ku ra táxi xáꞌnu ñaꞌa chíꞌi nde.

1 Corintios 8:4

Ta soꞌva káꞌan i xiꞌin ndo, xaꞌa ñaꞌa ya ndákan tuꞌun ndo yeꞌe án vaꞌa kuxi yo ñaꞌa ya sóko naꞌa nuu naꞌna ndioxi ya ndíi, án väꞌa kuxi yo ya. Chi ni köo táku naꞌna ndioxi na, ta ni köo ndee kúu mií ya, ta xa xíni va yo ndioxi na yóꞌó ta ni köo ndáa yaꞌvi ya, saa chi iindaa mituꞌun va ku mií Ndioxi ra ndaa ni.

2 Corintios 12:11

Tá kuꞌva káꞌan iin ra kiꞌvi va saa káꞌan i, chi mií ndo ku ndo i̱kan saa xiꞌin i, ya káꞌan i saa xiꞌin ndo. Chi ndóꞌo̱ ku ndo xíniñuꞌu kaꞌan vaꞌa xaꞌa i, ndikuu. Sundi ndóꞌo̱, ta ni köo ndáa yaꞌvi vi i nuu ndo. Ta saa ni köo ni̱nu̱ kúni vi i nuu nda chínuu vaꞌa ni tuꞌun ñaa, ya ndee ni naꞌnu ka nda ñaa nuu yeꞌe, túvi ndo.