1 Corintios 10:13 - Xochapa Mixteco

¹³ Chi taꞌan tindoꞌo̱ ya ndóꞌo ndóꞌo̱ ku ya ndóꞌo ndiꞌi ni kúu va naꞌa. Sundi Ndioxi ta vaꞌa ni va ra chi síxinu ndiꞌi ra ya káꞌan ra, ta saa ikan ra xiꞌin ndo chindee ra ndóꞌo̱ yaꞌa ndo nuu ndiꞌi tindoꞌo ya ndee ni vaxi nuu ndo, ta täxi ra kixi tindoꞌo ndee ni nuu ndo ya küchiñu ndo xiꞌin, sinaꞌa ra ndóꞌo̱ ndá kuꞌva yaꞌa ndo nuu ndiꞌi ya.

1 Corintios 10:13 Mawu Ofanana

San Mateo 6:13

Täxi un ndikava nde ndaꞌa ya väꞌa, chindee un ndeꞌe nuu ya väꞌa. Chi yóꞌo̱ ku ra xáꞌnda chiñu, yóꞌo̱ ku ra kúu mií ndee ta ndiꞌi naꞌa xáa kaꞌnu yóꞌo̱ ndiꞌi saa kivi ya vaxi. Saa ná koo ya”. Soꞌva kachi ndo xiꞌin Ndioxi ―káchi Jesús xiꞌin na.

San Lucas 11:4

Saa xaa kaꞌnu ini un xaꞌa kuachi nde, saa chi saa tu ndee va xáa kaꞌnu ini nde xaꞌa kuachi na íkan ya väꞌa xiꞌin nde. Täxi un ndikava nde ndaꞌa ya väꞌa, chindee un ndeꞌe nuu ya väꞌa, kachi ndo xiꞌin ra ―káchi Jesús xiꞌin nda.

San Lucas 16:26

Nda ni kúni yo, küvi xaa ra chindee ra yóꞌó, chi küvi yaꞌa ra taꞌvi kaꞌnu kúnu ni yóꞌó. Yakan kua ni na íyo choꞌo küvi xaa chaan, ta ni na íyo chaan küvi kixi choꞌo”, káchi ra Abraham xiꞌin ra kuika ikán.

San Lucas 22:46

Saa ndi̱kaꞌan ra xiꞌin nda, káchi ra saa: ―¿Ndachu ndóo ndo kíxi ndo? Kuandikoo ndo kaꞌan ndo xiꞌin Ndioxi, ya ná ndïkava ndo ndaꞌa ya väꞌa, ya kuni koto ndoso ndóꞌo̱ ―káchi ra xiꞌin nda.

Los Hechos 27:44

Ta nda köo xíni suta ta ná kiꞌin nda ñaꞌñu vitun án ñaꞌñu itun barco kundoso nda nuu nu kana koo nda ―káchi ra ndíso chiñu xiꞌin nda lapa ikán. Saa ku̱u ta ka̱na koo ndiꞌi nde yuꞌu rá, nda iin ya köo ndi̱ndoꞌo nde.

1 Corintios 1:9

Vaꞌa ni Ndioxi xiꞌin yo, chi ndee ni vaꞌa síxinu ra ya káꞌan ra xiꞌin yo. Xaꞌa ya ñaa kua ka̱na mií ra ndóꞌo̱ ya iin ndi̱kutaꞌan ndo xiꞌin Seꞌe ra, ra kúu Tata yo Jesucristo.

2 Corintios 1:10

Siloꞌo yuꞌu kuvi nde, ta iindaa mií Ndioxi ku ra si̱kaku ndeꞌe, köo ndi̱xiꞌi nde. Chi kúndaa ini nde ya síkaku ra ndeꞌe, ta saa xíni nde ya sikaku tuku va ra ndeꞌe,

1 Tesalonicenses 5:24

Saa chi Ndioxi ra ka̱na ndóꞌo̱ kundikun ndo ra, ta xaa súvi ra ya ndi̱kaꞌan ra xiꞌin ndo.

2 Tesalonicenses 3:3

Sundi mií Tata yo Jesucristo ta síxinu ndiꞌi ra tuꞌun káꞌan ra, saa táxi ni ra ndee ndaꞌa ndo ya tuun ni kundikun ndo ra, saa kundaa ni ra ndóꞌo̱ nuu ya väꞌa.

2 Timoteo 4:18

Ta mií Iva yo ku ra sikaku yeꞌe nuu ndiꞌi ñaꞌa väꞌa, saa kuniꞌi ra yeꞌe kuꞌun i xiꞌin ra nuu ndivi nuu xáꞌnda chiñu ra. ¡Saa ná kunuu sukun ni ya toꞌo ra, ndiꞌi saa kivi ya vaxi! Saa ná koo.

HEBREOS 10:23

Ta vitin tuun ni ná kundikun yo ra xaꞌa ya ndáa ni ini yo xiní yo ra, ta ná käka uvi ini yo nuu naꞌa xaꞌa ya ndíkun yo ra, saa chi Ndioxi ta síxinu ndiꞌi ra ya xa ki̱ndoo ra xiꞌin yo.

HEBREOS 11:11

Xaꞌa ya xi̱ndaa ni ini yá Sara xi̱ni yá Ndioxi yakan ku̱chiñu yá ka̱ku seꞌe yá, chi köo ndi̱kuvi koo seꞌe yá, yá numa ndi̱xiyo yá, ta ka̱ku seꞌe yá tá xa ku̱chee ni yá. Xaꞌa ya xi̱ndaa ni ini yá xi̱ni yá Ndioxi ya sixinu ra ya ndi̱kaꞌan ra xiꞌin yá, yakan vaꞌa ka̱ku seꞌe yá.

HEBREOS 12:4

Chi ndóꞌo̱, vani ndee ni kánitaꞌan ndo xiꞌin tindoꞌo ya vaxi nuu ndo, sundi nda iin ndo täꞌan kuvi xaꞌa ya kánitaꞌan ndo xiꞌin ya väꞌa, köo ndóꞌo ndo tá kuꞌva ndo̱ꞌo mií Tata yo Jesucristo ndi̱xiꞌi ra xaꞌa yo.

HEBREOS 6:18

Uvi nuu ku ñaꞌa ya ki̱ndoo Ndioxi xaa súvi ra: iin ku ya ki̱ndoo ra xiꞌin naꞌa xaa súvi ra ya ndi̱kaꞌan ra xiꞌin na, ta inka kua chi̱naꞌa ra tixin mií ra ya sixinu ra ya ki̱ndoo ra xiꞌin na. Xaꞌa ya ikán kua vaꞌa ná kandixa ni yo ra, ta ná kuyati yo nuu ra ya chindee ra yoo, saa ná kundaa teꞌe ini yo ya ndikiꞌin yo ya ndi̱kaꞌan ra xiꞌin yo taxi ra ndaꞌa yo.

1 Pedro 4:19

Xaꞌa ya ñaa kua ndiꞌi ndóꞌo̱ tá ndóꞌo ni ndo tíxuꞌvi ni ndo xaꞌa ya xáa súvi ndo ya kúni Ndioxi, ta vaꞌa nditaxi ndiꞌi ndo mií ndo ndaꞌa ra xaꞌa ya vaꞌa ni si̱kuaꞌa ra ya vaꞌa ndo, chi nda iin ichí sïndoo ndaꞌa ra ndóꞌo̱, ta saa niꞌi ndo ndee ya ikan ka ndo ya vaꞌa.

2 Pedro 2:9

Yóꞌó ku nuu kúndaa ini yo ya síkaku Ndioxi na íkan ya vaꞌa nuu ra, tá nuu ñúꞌu na nuu tindoꞌo. Ta saa xíni vaꞌa tu ra ndá kuꞌva kua xaa nduvaꞌa ra xiꞌin naꞌa, na íkan ya väꞌa yakan kua xaa nani ra kuachi xiꞌin na ñuu ivi.

1 Juan 1:9

Sundi tá tu náꞌma yo kuachi yo nuu Ndioxi ta xáa kaꞌnu ini ra xaꞌa yo, ndíkata ra ndiꞌi kuachi yo, saa ndása vaꞌa ra yoo, saa chi vaꞌa ni mií ra, ndaa ni ini ra ta síxinu ndiꞌi ra ya káꞌan ra.

El Apocalipsis 19:11

Saa xi̱ni i núna nuu ndivi, ta xi̱ni i iin kuai kiti yaa ku ri. Ta ra yóso ri náni ra Ra ndaa ni, Ra ndinuꞌu ni ndíkun ichí Ndioxi. Xáꞌnda chiñu ra xiꞌin nina ya ndaa, ta suvi xiꞌin ya ndaa káni taꞌan ra xiꞌin ya väꞌa.

El Apocalipsis 2:10

Ta ndóꞌo̱ ku ïꞌvi ndo nuu tindoꞌo ya uꞌvi ni vaxi nuu ndo. Saa chi íyo naꞌa, na kúni xaa súvi ya kúni kiti nǎꞌa án kiti Timiaꞌa, kiti Satanás. Tiin na sava ndóꞌo̱ taan na veꞌe kàà, nuu koto ndoso na ndóꞌo̱ án ya ndixa kua kándixa ndo yeꞌe. Ta ndoꞌo ni ndo uxi kivi. Ta káꞌan ni i xiꞌin ndo ya ná síndikoo ndo ichí i, ndinuꞌu ni ini ndo kandixa ndo yeꞌe, nda kivi tá ná kuvi ndo. Saa ndikiꞌin ndo ya vaꞌa taxi i ndaꞌa ndo nuu kutaku ndo xiꞌin i ndiꞌi saa kivi ya vaxi.

El Apocalipsis 3:10

Xaꞌa ya ndee ni vaꞌa ndi̱xaꞌa ndee ini ndo xa̱a súvi ndo tuꞌun i, ta saa tu yeꞌe va, kundaa ni i ndóꞌo̱ tá kivi ná kixi tindoꞌo ya ndee ni ndee koto ndoso ya ndiꞌi na ndóo ñuu ivi yóꞌó.