1 Corintios 1:9 - Xochapa Mixteco

⁹ Vaꞌa ni Ndioxi xiꞌin yo, chi ndee ni vaꞌa síxinu ra ya káꞌan ra xiꞌin yo. Xaꞌa ya ñaa kua ka̱na mií ra ndóꞌo̱ ya iin ndi̱kutaꞌan ndo xiꞌin Seꞌe ra, ra kúu Tata yo Jesucristo.

1 Corintios 1:9 Mawu Ofanana

San Mateo 24:35

Ndiꞌi xaꞌa ndivi tin ñuꞌú yóꞌó, sundi tuꞌun i ta nda iin kivi ndïꞌi xaꞌa ya xinu ndiꞌi ya káꞌan ya.

San Juan 17:21

ya ná kutaꞌan vaꞌa na xiꞌin taꞌan na, tá kuꞌva íyo mií yo xiꞌin taꞌan yo Iva mani. Ta saa iin yuꞌu ná koo na xiꞌin yo, saa kundaa ini na ñuu ivi ya ti̱ꞌvi un yeꞌe vaxi i.

ROMANOS 11:17

Ta ya káꞌan i xiꞌin ndo xaꞌa itun yóꞌó kua, kúni i ná kundaa ini ndo. Saa chi sava na judío, Tá íyo ndaꞌa itun olivo, itun tàtà, ta ndi̱taꞌnu ndaꞌa nu, saa íin na. Ta ndaꞌa nu nuu ndi̱taꞌnu ikán kua ndi̱kunuꞌni inka ndaꞌa olivo itun ikú, ya kuchiñu kuaꞌnu itun ikú xiꞌin sikui vaxi tioꞌo itun olivo tàtà. Tá íin ndaꞌa itun olivo ikú, saa íin ndóꞌo̱, köo kúu judío.

ROMANOS 8:28

Xíni mií yo, ndiꞌi tindoꞌo ya ndóꞌo yo, ta ya vaꞌa ni mií yo kua ndóꞌo yo saa. Saa chi saa íkan Ndioxi xiꞌin ndiꞌi naꞌa, na kúꞌvi ni ini ra xíni ra, ta kána ra na ndikundikun na ra, chi saa chi̱tuni mií ra ikan ra xiꞌin na.

ROMANOS 8:30

Ta naꞌa yóꞌó ku na ndi̱kaxin Ndioxi yachi ka, saa ka̱na ra na ndu̱u na seꞌe ra, ka̱na ra na ndu̱u na tá íin naꞌa, na köo ka kuachi kúu mií nuu ra, ta ta̱xi ra koo na xiꞌin ra nuu íyo ndiꞌi ya luvi ni yéꞌe̱.

ROMANOS 9:24

Ta saa ka̱na tu Ndioxi yoo ndu̱u yo na ñuu ra, ta süvi ndisaa yo judío ku yo, ka̱na tu ra naꞌa na köo ku judío va.

1 Corintios 1:30

Ta Ndioxi i̱kan ra saa, si̱kitaꞌan ra ndóꞌo̱ xiꞌin Tata yo Jesucristo. Ta mií Tata yo Jesucristo ku ra táxi ya ndíchi ndaꞌa yo, saa ndása tu ra yoo ndúu yo naꞌa, na köo ka kuachi kúu mií nuu ra, ta ndása i̱í ra yoo, saa ndáxin ra yoo ndaꞌa kuachi nuu núꞌni yo.

1 Corintios 10:13

Chi taꞌan tindoꞌo̱ ya ndóꞌo ndóꞌo̱ ku ya ndóꞌo ndiꞌi ni kúu va naꞌa. Sundi Ndioxi ta vaꞌa ni va ra chi síxinu ndiꞌi ra ya káꞌan ra, ta saa ikan ra xiꞌin ndo chindee ra ndóꞌo̱ yaꞌa ndo nuu ndiꞌi tindoꞌo ya ndee ni vaxi nuu ndo, ta täxi ra kixi tindoꞌo ndee ni nuu ndo ya küchiñu ndo xiꞌin, sinaꞌa ra ndóꞌo̱ ndá kuꞌva yaꞌa ndo nuu ndiꞌi ya.

1 Corintios 10:16

Xa xíni ndo chi ya ndíkitaꞌan yo xiꞌin Cristo kua xíꞌi yo nduta vino, chi ndi̱xita nií ra xaꞌa yo yakan vaꞌa ndíkitaꞌan yo xiꞌin ra. Saa tu tá xíxi yo xita vaꞌa, chi ta̱xi ra ikin kuñu ra xaꞌa yo, yakan vaꞌa ndíkitaꞌan yo xiꞌin ra.

2 Corintios 1:18

Mií Ndioxi ku ra xíni xaꞌa ya káꞌan nde xiꞌin ndo ya ndaa ni kua káꞌan nde xiꞌin ndo, chi ndeꞌe tá káꞌan nde xiꞌin ndo ta köo iin káchi káꞌan nde: “Vaꞌa va”, án “Küvi vi”, káchi nde xiꞌin ndo.

Gálatas 1:15

Sundi täꞌan ka vi kaku i, ñúꞌu ka va i tixin siꞌí i tá ndi̱kaxin Ndioxi yeꞌe, ta xaꞌa ya si̱niꞌi uun ra nuu i kúꞌvi ni ini ra xíni ra yeꞌe i̱kan ra ya mani xiꞌin i, ka̱na ra yeꞌe ya xaa chiñu i nuu ra.

Gálatas 2:20

Ta yeꞌe, nda tá káa ra ínuu nuu cruzin xiꞌin Tata yo Jesucristo saa káa i, ta köo táku ka i xaꞌa mií i, chi ndisaa xaꞌa mií ra kua táku i. Kivi táku i ini ikin kuñu i ya kúu mií i, ta ndisaa xaꞌa ya ndáa ni ini i xíni i Tata yo Jesucristo ra kúu Seꞌe Ndioxi kua táku i, chi mií ra ku ra kúꞌvi ni ini xíni yeꞌe, saa ta̱xi ra mií ra ndi̱xiꞌi ra xaꞌa i.

Efesios 3:6

Ta ya yóꞌó ku ya chi̱tuni Ndioxi ndi̱xiyo sěꞌe: Iin káchi niꞌi naꞌa, na köo kúu judío xiꞌin na judío. Niꞌi na ñaꞌa ya ki̱ndoo Ndioxi taxi ra ndaꞌa naꞌa, na ndixa kúu seꞌe ra. Nda na köo kúu judío niꞌi ya yóꞌó xaꞌa ya kándixa na Jesucristo ya sikaku ra na.

Colosenses 1:24

Ta yeꞌe, ta kúsini ni va i ya tíxuꞌvi i xaꞌa ndo vitin ñani yo xiꞌin kuꞌva yo na veꞌe ñuꞌu, chi xaꞌa ya tíxuꞌvi i saa kua síxinu ka i ya ti̱xuꞌvi ni Jesucristo xaꞌa ndóꞌo̱ kándixa ra, chi ikin kuñu ra ku ndo.

1 Tesalonicenses 2:12

Ta ndi̱xaꞌa ni nde ndee xiꞌin ndo ya ná koo ndo tá kuꞌva kúni mií Iva yo Ndioxi, chi ka̱na ra ndóꞌo̱ ya koo ndo xiꞌin ra nuu luvi ni káa nuu xáꞌnda chiñu ra.

2 Tesalonicenses 2:14

Saa ka̱na Ndioxi ndóꞌo̱ tixin tuꞌun vaꞌa xaꞌa Tata yo Jesucristo ya si̱naꞌa nde ndóꞌo̱, ya ná kuchiñu ndo kaku ndo, ta saa niꞌi ndo ya vaꞌa luvi ni kúu mií Tata yo Jesucristo.

2 Tesalonicenses 3:3

Sundi mií Tata yo Jesucristo ta síxinu ndiꞌi ra tuꞌun káꞌan ra, saa táxi ni ra ndee ndaꞌa ndo ya tuun ni kundikun ndo ra, saa kundaa ni ra ndóꞌo̱ nuu ya väꞌa.

2 Timoteo 1:9

Mií Ndioxi ku ra si̱kaku yoo, saa ka̱na ra yoo ya nduu yo na ñuu ra, na i̱í. Ta süvi xaꞌa ya vaꞌa íkan yo kua i̱kan ra saa xiꞌin yo, xaꞌa ya kúni mií va ra kua. Chi xaꞌa ya vaꞌa ni mií Tata yo Jesucristo kua i̱kan ra saa xiꞌin yo, tá täꞌan ka xa̱á ñuu ivi yóꞌó vi kua i̱kan ra saa xiꞌin yo.

2 Timoteo 2:13

Tá tu köo síxinu yo ya káꞌan yo, ta síxinu va mií ra ya káꞌan ra. Chi mií ra ta köo ndíko koo ini ra xaꞌa ya káꞌan ra.

Tito 1:2

Chi yoo ta xa kúndaa teꞌe vaꞌa ini yo, ya ki̱ndoo ra xiꞌin yo taxi ra koo yo xiꞌin ra ndiꞌi saa ichí, ta köo ndi̱sindaꞌvi ra yoo chi nda tá täꞌan ka vi xikoo xaꞌa ñuu ivi kua ndi̱kaꞌan ra ikan ra saa xiꞌin yo.

HEBREOS 10:23

Ta vitin tuun ni ná kundikun yo ra xaꞌa ya ndáa ni ini yo xiní yo ra, ta ná käka uvi ini yo nuu naꞌa xaꞌa ya ndíkun yo ra, saa chi Ndioxi ta síxinu ndiꞌi ra ya xa ki̱ndoo ra xiꞌin yo.

HEBREOS 11:11

Xaꞌa ya xi̱ndaa ni ini yá Sara xi̱ni yá Ndioxi yakan ku̱chiñu yá ka̱ku seꞌe yá, chi köo ndi̱kuvi koo seꞌe yá, yá numa ndi̱xiyo yá, ta ka̱ku seꞌe yá tá xa ku̱chee ni yá. Xaꞌa ya xi̱ndaa ni ini yá xi̱ni yá Ndioxi ya sixinu ra ya ndi̱kaꞌan ra xiꞌin yá, yakan vaꞌa ka̱ku seꞌe yá.

HEBREOS 2:17

Xaꞌa ya ndu̱u ra iin káchi tá kuꞌva íin mií yo na ivi yóꞌó, na kúu ñani ra. Xaꞌa ya ikán kua vaꞌa ndi̱xinu ra ndu̱u ra sutu, ra ndee ni ndinuꞌu xáa súvi ndiꞌi ñaꞌa, ta saa kúndaꞌvi ni ini ra xíni ra naꞌa. Xaꞌa ya ndi̱taxi ra mií ra ndi̱xiꞌi ra, yakan vaꞌa ku̱chiñu ra ndi̱soko ra mií ra nuu Ndioxi ya xaa kaꞌnu ini ra xaꞌa kuachi yoo, na kúu ñuu Ndioxi.

HEBREOS 3:1

Ñani yo xiꞌin kuꞌva yo, ndóꞌo̱ ku ndo ndi̱kaxin Ndioxi, saa ka̱na ra ndóꞌo̱ ta xa̱a i̱í ra ndóꞌo̱ koo ndo xiꞌin ra. Yakan kiꞌin ni ndo kuenta, chi suvi mií Jesús ku ra ku apóstol, ra ti̱ꞌvi Ndioxi vaxi xaa chiñu ra nuu ra, ta kúu tu ra sutu ra chee ni nuu ndiꞌi yo kándixa ñaꞌa.

HEBREOS 3:14

Ta ya ndixa kua táxi Cristo ndiꞌi ya kúu mií ra ndaꞌa yo, tá tu köo síndoo yo ya tuun ni ndíkun yo ra, tá tu ndáa ni ini yo xíni yo ra tá kuꞌva ndi̱xiyo yo xiꞌin ra nda tá xaꞌa, tá sikan xa̱á yo ndikun yo ra.

HEBREOS 6:18

Uvi nuu ku ñaꞌa ya ki̱ndoo Ndioxi xaa súvi ra: iin ku ya ki̱ndoo ra xiꞌin naꞌa xaa súvi ra ya ndi̱kaꞌan ra xiꞌin na, ta inka kua chi̱naꞌa ra tixin mií ra ya sixinu ra ya ki̱ndoo ra xiꞌin na. Xaꞌa ya ikán kua vaꞌa ná kandixa ni yo ra, ta ná kuyati yo nuu ra ya chindee ra yoo, saa ná kundaa teꞌe ini yo ya ndikiꞌin yo ya ndi̱kaꞌan ra xiꞌin yo taxi ra ndaꞌa yo.

1 Pedro 5:10

Sundi ndóꞌo̱ ta kündiꞌi ini ndo chi tá sindiꞌi ndi̱yaꞌa uvi ndaa kivi ya ndi̱xuꞌvi ni ndo, ta mií Ndioxi ku ra ndasa xuxa ini ndo, ta saa taxi ra ndee ndaꞌa ndo ya tuun ni kundikun ndo ra, saa niꞌi ndo ndee nuu ra ndundee ini ndo ta ta̱xi ra ichí ndaꞌa ndo tuun ni koo ndo xiꞌin ra.

1 Juan 1:3

Ya xi̱ni nde xiꞌin ya xi̱ni soꞌo nde ndi̱kaꞌan ra, ya yóꞌó kua káꞌan nde xiꞌin ndo ya ná ndikitaꞌan ndo xiꞌin nde ya koo ndiꞌi yo iin yuꞌu. Ta saa ndixa iin yuꞌu ná koo ndiꞌi yo xiꞌin taꞌan yo. Chi ndeꞌe ta ndixa iin yuꞌu íyo nde xiꞌin Iva yo Ndioxi tin Jesucristo ra kúu Seꞌe ra.

1 Juan 1:7

Sundi tá tu xíka yo nuu yéꞌe̱ tá kuꞌva íyo Ndioxi nuu yéꞌe̱, ta saa íyo yo iin yuꞌu xiꞌin taꞌan yo. Ta ni̱í Jesucristo Seꞌe Ndioxi ku rá ndíkata ndiꞌi kuachi yo, ndúvaꞌa yo nuu Iva yo Ndioxi.

1 Juan 4:13

Ta xíni yo ya ítaꞌan yo xiꞌin Ndioxi, saa ítaꞌan ra xiꞌin yo, saa chi ta̱xi ra Tachi ra íyo ya xiꞌin yo.

El Apocalipsis 19:11

Saa xi̱ni i núna nuu ndivi, ta xi̱ni i iin kuai kiti yaa ku ri. Ta ra yóso ri náni ra Ra ndaa ni, Ra ndinuꞌu ni ndíkun ichí Ndioxi. Xáꞌnda chiñu ra xiꞌin nina ya ndaa, ta suvi xiꞌin ya ndaa káni taꞌan ra xiꞌin ya väꞌa.