1 Corintios 1:8 - Xochapa Mixteco

⁸ Chi suvi mií Ndioxi ku ra xáꞌa ni ndee xiꞌin ndo, nda kivi tá ná ndiko koo Tata yo Jesucristo, ta nditaꞌan ra ndóꞌo̱ ya köo nda iin kuachi kúu mií ndo.

1 Corintios 1:8 Mawu Ofanana

San Lucas 17:24

Saa chi tá ná ndiko koo i ta tá kúu nuu xínduta ndiꞌi xaꞌa ñuu ivi iin ndíyeꞌe ndiꞌi ni kúu ñaꞌñu, saa kuu ná ndiko koo yeꞌe, Taa ra xa̱a ñuu ivi yóꞌó.

San Lucas 17:30

Tá ku̱u tiempo ikán, köo ndi̱xika ini na ndiꞌi xaꞌa na, ta ndi̱ꞌi xaꞌa na. Saa kuu ñuu ivi yóꞌó kivi ná ndiko koo yeꞌe, Taa ra xa̱a ñuu ivi yóꞌó.

ROMANOS 14:4

Yakan ndóꞌo̱, ñani yo tin kuꞌva yo, köo ichí ndo kaꞌan kuachi ndo xaꞌa na xáa chiñu nuu inka taa. Ndisaa mií ra xáa chiñu na nuu ku ra kúu mií ichí kaꞌan ra xaꞌa na, án vaꞌa xáa chiñu na, án väꞌa xáa chiñu na. Ta saa ni kindoo vaꞌa va na nuu xitoꞌo na, saa chi mií Táta yo Jesús ku ra kúu mií ichí ya taxi ra ndee ndaꞌa na xaꞌa chiñu íkan na nuu ra.

ROMANOS 16:25

Ta ná xaa toꞌo yo Ndioxi chi mií ra ku ra chíndee yoo, táxi ra ndee ndaꞌa ndo ya tuun ni ndíkun ndo tuꞌun vaꞌa xaꞌa Jesucristo, ya ndítuꞌun i xiꞌin ndo. Tuꞌun vaꞌa yóꞌó kua ndi̱xiyo sěꞌe xinaꞌa, ta vitin si̱naꞌa tuvi Ndioxi ya nuu yo.

ROMANOS 8:19

Ta vitin ndiꞌi ñaꞌa si̱kuaꞌa Ndioxi ndátun ni ya, ta kúni ya ná tindaa kíi kivi ya sinaꞌa Ndioxi ya kúu yo seꞌe ra.

1 Corintios 3:13

Sundi tá ná tindaa kivi ya ndiꞌi xaꞌa ñuu ivi yóꞌó, ta saa kua ndituvi teꞌe ndiꞌi ya xaꞌa chiñu ya i̱kan iin iin naꞌa. Ta ndee ni koko ñu̱ꞌu̱, ta xiꞌin ya ikán kua kuchiñu koto ndoso Ndioxi chiñu iin iin na ndá kuꞌva vaꞌa xa̱a chiñu na.

1 Corintios 5:5

Ta ñaa nditaxi ndo ra ndaꞌa kiti nǎꞌa ya ná ndiꞌi xaꞌa ikin kuñu ra xaꞌa ya väꞌa íkan ra, ta saa kuchiñu kaku ya vaꞌa ra kivi tá ná ndiko koo Tata yo Jesucristo kixi ra.

2 Corintios 1:13

Ndiꞌi ya ta̱a nde nuu tutu xaa ndaꞌa ndo ta köo uvi ndi̱xiyo yuꞌu nde xiꞌin ya, ndaa ni va íyo ya ndi̱kaꞌan nde xiꞌin ndo. Ya kuchiñu kundaa ini ndo xiꞌin va ku ya ta̱a nde xaa nuu ndo. Saa kúni nde ná kundaa ini ndo xiꞌin ndiꞌi ya káꞌan nde xiꞌin ndo,

2 Corintios 1:14

ta ya ndixa kua xa ku̱ndaa loꞌo ini ndo xiꞌin ya xa ndi̱kaꞌan nde xiꞌin ndo. Saa tá ná ndiko koo Tata yo Jesucristo ta kusini ni ndo xiꞌin nde, saa tu ndeꞌe va kusini ni nde xiꞌin ndo.

2 Corintios 1:21

Ta mií Ndioxi ku ra ndíkuiin xaꞌa ndóꞌo̱ tin ndeꞌe ya si̱kitaꞌan mani ra yoo, ta ndi̱kitaꞌan vaꞌa yo xiꞌin Jesucristo ta saa nda̱sa i̱í ra yoo.

Efesios 5:27

I̱kan ra saa xiꞌin yo ya kuchiñu yo kuu yo na veꞌe ñuꞌu, na ndee ni vaꞌa náꞌa, na luvi ni íin. Chi ndi̱xiꞌi Cristo xaꞌa yo ya kuchiñu yo nduu yo naꞌa, na köo nda loꞌo paꞌa kuachi kúu mií nuu ra, ni tá kúꞌva ndóꞌo toto ya nda loꞌo páꞌa ka yakua köo nuu ya ta ni köo kútii ya. Chi mií ra ta kúni ra ná kuu yo naꞌa, na ií nuu ra.

Filipenses 1:10

Ta saa kuchiñu ndo ndikaxin ndo ikan ndo nina ya vaꞌa, ya ndee ni ndáa yaꞌvi nuu Ndioxi, ta kivi ná ndiko koo Jesucristo ta nditaꞌan ra ndóꞌo̱ ya íyo vií ni ndo nuu ra, ta köo kuachi kúu mií ndo.

Filipenses 1:6

Ta yeꞌe, ta xa kúndaa teꞌe ini i xaꞌa ndo, chi Ndioxi ku ra xa̱á xáa chiñu xiꞌin nima ndo, ta saa xaa chiñu ka ra xiꞌin ndo ndakua ná xinu ndo nduu ndo tá kuꞌva kúni mií ra, nda kivi tá ná ndiko koo Tata yo Jesucristo ñuu ivi yóꞌó.

Colosenses 1:22

xaꞌa ya ndi̱xiꞌi Cristo tá xi̱tikaa ndaa ikin kuñu ra ndaꞌa cruzin kua ndi̱kitaꞌan mani ndo xiꞌin Ndioxi. Saa nda̱sa i̱í Cristo ndóꞌo̱ nuu Ndioxi, ndu̱u ndo naꞌa, na vaꞌa, na köo yakua ka, na köo ka kuachi kúu mií nuu ra.

Colosenses 2:7

Tá kuꞌva kúnu ni ñúꞌu tioꞌo itun án tá kuꞌva kúnu ni kuáꞌa xaꞌa veꞌe, kuꞌva saa ndee ni tuun kandixa ndo ra, xaꞌa ni ndo ndee xiꞌin taꞌan ndo, koo ndo tá kuꞌva xa ku̱ndaa ini ndo xaꞌa ya ndaa si̱naꞌa nde ndóꞌo̱, ta saa taxi ni ndo tixaꞌvi ndaꞌa ra.

1 Tesalonicenses 3:13

Ta káꞌan ni nde xiꞌin Ndioxi ya ná chindee ra ndóꞌo̱ koo tuun ni tuꞌun ra nima ndo, saa nduu ndo naꞌa, na i̱í ni, na köo nda iin kuachi kúu mií nuu Iva yo Ndioxi. Ta saa kua koo ndúvi ndo, tá ná ndiko koo tuku Tata yo Jesucristo kixi ra xiꞌin ndiꞌi na ñuu ra, na i̱í.

1 Tesalonicenses 5:2

Chi xa xíni vaꞌa ndo ndá kuꞌva koo ndiko koo ra kixi ra. Tá kuꞌva íkan iin ra kuiꞌna kíꞌvi síkuiꞌna ñǔu, saa ikan ra, iin naá ini naꞌa ndiko koo ra.

2 Tesalonicenses 2:2

täxi ndo ndinama kama ni ini ndo xaꞌa ya káꞌan na xiꞌin ndo, síꞌvi na ndóꞌo̱ ya si̱kaꞌan Ndioxi ini na kaꞌan na tuꞌun yuꞌu ra ya xa ndi̱ko koo Tata yo Jesucristo ñuu ivi yóꞌó, án kaꞌan na xiꞌin ndo ndá ka tuꞌun ya taa na tutu xaa ya nuu ndo nuu síndaꞌvi na ndóꞌo̱, ya ta̱a ndeꞌe ya xaa ya nuu ndo, káchi na xiꞌin ndo, ta ni süvi ya ndaa kua.

2 Tesalonicenses 3:3

Sundi mií Tata yo Jesucristo ta síxinu ndiꞌi ra tuꞌun káꞌan ra, saa táxi ni ra ndee ndaꞌa ndo ya tuun ni kundikun ndo ra, saa kundaa ni ra ndóꞌo̱ nuu ya väꞌa.

2 Timoteo 1:12

Xaꞌa ya káꞌan ndoso i tuꞌun vaꞌa xaꞌa ra kua ndóꞌo ni i vitin. Sundi köo kúkaꞌán nuu i xaꞌa ya ndóꞌo i. Chi yeꞌe, ta xa kúndaa teꞌe ini i unku ra ndáa ni ini i xíni i, ta ndee ni ndee kúu mií ra ya chindee ra yeꞌe ya xaa súvi i ndiꞌi chiñu ya ta̱xi ra ndaꞌa i xaa súvi i.

2 Timoteo 1:18

Ta mií Tata yo Jesucristo ná kundaꞌvi ni ini kuni ra ñani yo ra Onesíforo, tá kivi ná taxi Ndioxi kuachi xaꞌa na ñuu ivi yóꞌó. Chi xa̱ xíni mií un ndee ni chi̱ndee taꞌan ra xiꞌin yo ñuu Éfeso.

1 Pedro 5:10

Sundi ndóꞌo̱ ta kündiꞌi ini ndo chi tá sindiꞌi ndi̱yaꞌa uvi ndaa kivi ya ndi̱xuꞌvi ni ndo, ta mií Ndioxi ku ra ndasa xuxa ini ndo, ta saa taxi ra ndee ndaꞌa ndo ya tuun ni kundikun ndo ra, saa niꞌi ndo ndee nuu ra ndundee ini ndo ta ta̱xi ra ichí ndaꞌa ndo tuun ni koo ndo xiꞌin ra.

2 Pedro 3:10

Sundi tá xa ná ndiko koo Tata yo Jesucristo, ta iin kuu soꞌva va ndiko koo ra, tá kuꞌva íkan ra kuiꞌna kuakiꞌvi veꞌe na, saa koo ná ndiko koo ra, chi nda iin na kündaa ini ndá kivi kua ndiko koo ra, yáꞌa ni ìyo niꞌi, saa ndiꞌi xaꞌa ndivi xiꞌin ñu̱ꞌu̱ koko ndiꞌi ya. Saa tu ñuu ivi yóꞌó xiꞌin ndiꞌi ñaꞌa kúu mií ya, iin kuꞌva saa ndiꞌi xaꞌa yaa ya.

2 Pedro 3:14

Xaꞌa ya ñaa kua, nani ndátun yo kuu saa, ñani mani, ta yáꞌa ni vi kuenta koo ndo xiꞌin mií ndo, täxi ndo kuyakua ndo xiꞌin kuachi, vií ni koo ndo xiꞌin Ndioxi.