1 Corintios 1:4 - Xochapa Mixteco

⁴ Ndiꞌi saa kivi táxi ni i tixaꞌvi xaꞌa ndo ndaꞌa Ndioxi, ra kándixa i, chi vaꞌa ni ra si̱niꞌi uun ra ya vaꞌa nuu ndo xaꞌa ya ti̱ꞌvi ra Tata yo Jesucristo ki̱xi ra ñuu ivi sikaku ra ndóꞌo̱.

1 Corintios 1:4 Mawu Ofanana

San Mateo 19:11

Saa ndi̱kuiin Jesús, káchi ra saa: ―Süvi ndiꞌi naꞌa kúchiñu koo saa. Ndisaa na ta̱xi Ndioxi tïndaꞌa na, na ikán ku na köo tíndaꞌa.

San Juan 10:30

Yeꞌe xiꞌin Iva i Ndioxi ta iin ku nde ―káchi Jesús xiꞌin na.

San Juan 14:14

Tá ndá ya ndúku ndo xiꞌin kivi i, ta xaa súvi i ya xiꞌin ndo.

San Juan 14:16

Ta yeꞌe nduku i ya mani nuu Iva i, ya ná tiꞌvi ra Tachi ra koo ya xiꞌin ndo Sindiko ya ini ndo, ta koo ya xiꞌin ndo ndiꞌi saa ichí.

San Juan 14:26

Sundi Tachi I̱í ya tiꞌvi Iva i kixi Sindiko ya ini ndo, ta tixin kivi yeꞌe kua kixi ya chindee ya ndóꞌo. Saa sinaꞌa ndiꞌi ya ndóꞌo̱, ta sindikaꞌán ya ini ndo xaꞌa ndiꞌi tuꞌun ya ndi̱kaꞌan i xiꞌin ndo.

San Juan 15:26

Saa ndi̱kaꞌan ka Jesús xiꞌin nda, káchi ra saa: ―Tá ná kixi Tachi Ndioxi ya Sindiko ini ndo ndikuiin ya xaꞌa i kaꞌan ya xiꞌin ndo. Ta ya tiꞌvi i kixi ta ya ndaa ni kua chi nuu Iva i vaxi ya.

Los Hechos 11:23

Tá ndi̱xaa ra Bernabé ikán ta xi̱ni ra ya kuaꞌa ni ya vaꞌa íkan Ndioxi xiꞌin na, ñaa kúsini ni ra. Ta saa ndi̱xaꞌa ra ndee xiꞌin na ya ndinuꞌu ni ini na ná kundikun na ichí Tata yo, ta vitin taan ná kandixa ka ñaꞌa na, káchi ra xiꞌin na.

Los Hechos 21:20

Tá xi̱ni soꞌo na ya ndi̱kaꞌan ra, ta xa̱a toꞌo na Ndioxi. Saa káꞌan na, káchi na saa: ―Ñani yo, xíni mií un kuaꞌa ni mil ku na judío ndi̱kundikun Jesús, ta ndíkundee na káꞌan na ya xíniñuꞌu na xaa súvi na ley ya ta̱a ra Moisés xinaꞌa.

ROMANOS 1:8

Xiꞌna kúni i kaꞌan i xiꞌin ndo tuꞌun yóꞌó: tixin ichí Jesucristo káꞌan i xiꞌin Ndioxi, táxi ni i tixaꞌvi ndaꞌa ra xaꞌa ndo. Saa chi ndee ni kándixa ndo Jesucristo yakan ndiꞌi ni kúu ñuu xíni soꞌo na tuꞌun vaꞌa xaꞌa ndo.

ROMANOS 6:17

Ndixaꞌvi ni Ndioxi vani ndee ni ndee xi̱ndoꞌni ndo ndaꞌa kuachi, ta ndinuꞌu ni ini ndo ka̱ndixa ndo tuꞌun ya ndi̱kani na nuu ndo tá si̱naꞌa na ndóꞌo̱.

1 Corintios 1:3

Ta ndiꞌi saa kivi ná taxi ni ra ya vaꞌa ndaꞌa ndo, koo vaꞌa ni ndo xiꞌin ya vaꞌa, ya ndi̱niꞌi uun ndo nuu Iva yo Ndioxi xiꞌin Tata yo Jesucristo, kúꞌvi ni ini ra xíni ra ndóꞌo̱.

1 Timoteo 1:14

Ta yáꞌa ni vi ku̱ndaꞌvi ini ra xi̱ni ra yeꞌe, ñaa chi̱ndee ra yeꞌe ndáa ni ini i xíni i ra, saa ta̱xi ra ndee ndaꞌa i ya kuꞌvi ni ini i kuni i inka naꞌa xaꞌa mií ra.