1 Corintios 1:26 - Xochapa Mixteco

²⁶ Ta xa xíni ndo ñani yo xiꞌin kuꞌva yo, ndikani ini ndo ndá kuꞌva ndi̱xiyo ndo tá täꞌan ka kana Ndioxi ndóꞌo̱. Süvi ndiꞌi ndo ndíchi ni ndi̱xiyo, ta ni köo ndi̱xinuu vaꞌa ni tuꞌun ndo ñuu ndo, ni köo ndi̱xiyo tu ndo seꞌe naꞌa, na ndee ni, ni saa va ta ka̱na Ndioxi ndóꞌo̱.

1 Corintios 1:26 Mawu Ofanana

San Lucas 1:3

Ta saa tu yeꞌe va, kuekuee ndi̱nduku vaꞌa ndiꞌi i xaꞌa ya, ndá kuꞌva ndi̱xiyo ndiꞌi ya i̱kan ra xiꞌin ya si̱naꞌa ra kivi núnu̱ú, yakan kua tíꞌvi i tutu yóꞌó xaa ya nuu un ñani yo,

San Lucas 10:21

Saa chútu ndaa Tachi I̱í Ndioxi Jesús mi hora ikán. Ñaa xa̱á ra káꞌan ra xiꞌin Ndioxi, káchi ra saa: ―Tata, xáa kaꞌnu ni i yóꞌo̱, chi yóꞌo̱ ku ra ku xitoꞌo ndiꞌi ñaꞌa ya íyo nuu ndivi tin ya íyo ñuu ivi yóꞌó. Kúsini ni i xiꞌin un chi ti̱seꞌe un ya yóꞌó nuu na ndíchi ni, na xíni ni, ta si̱naꞌa un ya nuu na köo xíni, na íin tá íin na vali, saa i̱kan un Tata, chi saa ku̱ni mií un ikan un ―káchi Jesús xiꞌin Ndioxi.

Los Hechos 13:12

Tá xi̱ni ra gobernador ya ndo̱ꞌo ra Elimas, ta ndi̱kundikun ra ichí Jesús, chi ndíkanda ni ini ra xaꞌa ichí Tata yo Jesucristo ya sínaꞌa ra Pablo.

Los Hechos 13:7

Ta íyo ra Barjesús ikán xiꞌin ra gobernador ra náni Sergio Paulo, ta ndíchi ni ra gobernador ikán. Saa xa̱ꞌnda ra chiñu ya kuꞌun ra Bernabé xiꞌin ra Saulo nuu ra saa chi kúni ra kuni soꞌo ra tuꞌun Ndioxi.

Los Hechos 17:34

Ñaa ndi̱kundikun sava na ndóo xiꞌin na chiñu ikán kuaꞌan na sata ra Pablo, ta xa̱á na kándixa na Jesús. Iin ra ndi̱kundikun Jesús ku ra náni Dionisio ta ra ndíchi ni ítaꞌan xiꞌin na kúu mií chiñu xiꞌin na areópago ikán ku ra. Inka yá náni Dámaris xa̱á yá kándixa yá Jesús xiꞌin inka ka naꞌa.

ROMANOS 11:29

Saa chi Ndioxi, ta köo kíndaa ra ñaꞌa ya xa ta̱xi ra ndaꞌa naꞌa, ni naꞌa na ka̱na ra, ta xa na ka̱na ra kúu va na, köo ndíko koo ini ra xaꞌa ya íkan ra xiꞌin na.

1 Corintios 1:20

Ta ná kundaa ini yo, chi na ndíchi ni xiꞌin naꞌa, na ndee ni si̱kuaꞌa vaꞌa, xiꞌin na ndee ni vaꞌa xíni xaꞌa ñaꞌa ya íyo ñuu ivi yóꞌó, ta ni köo iin káchi íin ya ndíchi kúu mií na yóꞌó nuu ya ndee ni ndíchi kúu mií Ndioxi. Ta ya ndíchi kúu mií na ñuu ivi yóꞌó, tá káa ñaꞌa ya köo ndáa yaꞌvi va saa káa ya nuu Ndioxi.

1 Corintios 2:13

Sundi ndeꞌe, ta ndítuꞌun nde xaꞌa ya ndíchi xiꞌin naꞌa, ta ya sínaꞌa Tachi I̱í ra ndeꞌe kua ndítuꞌun nde xaꞌa xiꞌin na. Ta süvi taꞌan tuꞌun ndíchi ya íyo xi̱ní na ñuu ivi yóꞌó kua ndítuꞌun nde xiꞌin na. Xiꞌin tuꞌun ndíchi, ya vaꞌa ke̱e nuu ndivi kua ndíkani nde xaꞌa ñaꞌa ya vaꞌa, ya ke̱e nuu ndivi xiꞌin na.

1 Corintios 2:8

Ta ya ndíchi yóꞌó, ta nda iin mií na chiñu ñuu ivi yóꞌó köo ndíkundaa ini xaꞌa ya. Saa chi tá ndíkundaa ini na xaꞌa ya, ta chïnuu vi na Tata yo Jesucristo nuu cruzin, ndikuu, chi ndee ni ndee ku mií ra.

Filipenses 4:22

Ta ndiꞌi na ñani yo, na ndóo ñuu Roma yóꞌó, tíꞌvi ni tu na yóꞌó va tuꞌun mani xaa nuu ndo. Ta saa tu na taꞌan yo, na xáa chiñu nuu ra rey César veꞌe chiñu kaꞌnu yóꞌó, tíꞌvi tu na yóꞌó va tuꞌun mani xaa nuu ndo.

Santiago 2:5

Ñani mani xiꞌin kuꞌva yo, ndóꞌo̱ ku ndo kúꞌvi ni ini i xíni i, ta kuni soꞌo ndo ya kaꞌan i xiꞌin ndo: Ndioxi ku ra ndi̱kaxin na ndaꞌvi ndóo ñuu ivi ya ná nduu na naꞌa, na ndinuꞌu ni ini ndáa ini xíni ra xiꞌin ndiꞌi nima na, ta saa ndikiꞌin na ya ndi̱kaꞌan ra taxi ndaꞌa na kúꞌvi ini xíni ra, saa koo na kaꞌnda chiñu na xiꞌin ra.

2 Juan 1:1

Yeꞌe Juan, ra xikuaꞌa nuu na veꞌe ñuꞌu ku ra táa tutu yóꞌó xaa ya ndaꞌa ndóꞌo̱ na veꞌe ñuꞌu, na ndi̱kaxin Iva yo Ndioxi. Saa xaa tu ya ndaꞌa na xa ndi̱kaꞌan ndo xiꞌin xaꞌa tuꞌun ra ya ndaa, chi ndóꞌo̱ ku ndo kúꞌvi ni ini i xíni i. Ta süvi ndisaa yeꞌe ku ra kúꞌvi ini xíni ndóꞌo̱, ndiꞌi na xa ku̱ndaa ini xaꞌa ya ndaa ku na kúꞌvi ini xíni ndóꞌo̱.