1 Corintios 1:24 - Xochapa Mixteco

²⁴ Sundi nuu naꞌa, na ka̱na Ndioxi kundikun ra, án na judío ku na, án süvi na judío ku na, ta tuꞌun yóꞌó kuu Cristo, ta ndixa ni va ndee kúu mií ya nuu na, ta saa ndíchi ni va ya chi nuu Ndioxi ke̱e ya vaxi ya, káchi na.

1 Corintios 1:24 Mawu Ofanana

San Lucas 11:49

Yakan kua ndi̱kaꞌan Ndioxi tuꞌun ndíchi xaꞌa ndo, káchi ra saa: “Tiꞌvi i nda káꞌan ndoso tuꞌun yuꞌu i kuꞌun nda kaꞌan ndoso nda tuꞌun i xiꞌin na Israel. Tiꞌvi i nda ndi̱kaxin i xíka chiñu nuu i kuꞌun nda ndituꞌun nda xiꞌin na, ta sava nda kaꞌni ñaꞌa na, inka nda xaa nduvaꞌa ni na xiꞌin nda”, káchi Ndioxi xaꞌa ndo.

San Lucas 7:35

Sundi na ndíkiꞌin vaꞌa ya ndíchi táxi Ndioxi ku na sínaꞌa ya kúu na seꞌe ra ―káchi Jesús xiꞌin na.

ROMANOS 1:16

Kúni i ná kundaa ini ndo, chi yeꞌe ta köo kúkaꞌan nuu i ya kándixa i tuꞌun vaꞌa xaꞌa Jesucristo, chi tuꞌun yóꞌó kúu mií ya ndee Ndioxi ya sikaku ya ndiꞌi naꞌa, na kándixa ya káꞌan ya. Xiꞌna ni ka na judío ku na xi̱ni soꞌo tuꞌun vaꞌa xaꞌa Jesucristo, saa xi̱ni soꞌo tu naꞌa, na köo kúu judío va ya.

ROMANOS 1:4

Ta si̱taku Ndioxi ra tixin ndee Tachi I̱í ra, ndi̱taku ra tañu na ndíi, saa ndi̱kiꞌin ndiꞌi ra ichí ya kaꞌnda chiñu ra xaꞌa ya kúu ra Seꞌe Ndioxi.

ROMANOS 1:7

Táa i tutu yóꞌó xaa ya ndaꞌa ndóꞌo̱, ñani yo, xiꞌin ndóꞌo̱ kuꞌva yo ndóo ñuu Roma, chi ndóꞌo̱ ku naꞌa, na kúꞌvi ni ini Ndioxi xíni ra. Saa ka̱na ra ndóꞌo̱ ya kuu ndo naꞌa, na i̱í nuu ra, koo vaꞌa ni ini ndo, ná taxi ni ra ya vaꞌa ndaꞌa ndo ya ndi̱niꞌi uun ndo nuu Iva yo Ndioxi xiꞌin Tata yo Jesucristo.

ROMANOS 9:24

Ta saa ka̱na tu Ndioxi yoo ndu̱u yo na ñuu ra, ta süvi ndisaa yo judío ku yo, ka̱na tu ra naꞌa na köo ku judío va.

1 Corintios 1:18

Tá ndíkani i tuꞌun xaꞌa Cristo ya ndi̱xiꞌi ra nuu cruzin, ta tá káa tuꞌun kíꞌvi saa káa ya káꞌan i nuu naꞌa, na ku̱aꞌan ichí nuu ndiꞌi xaꞌa na. Sundi mií yo síkaku Ndioxi, ta xíni yo tuꞌun yóꞌó ta ndee ni ndee kúu mií ya xaꞌa ya kúu ya tuꞌun Ndioxi.

1 Corintios 1:2

Saa tíꞌvi nde tutu yóꞌó xaa ya ndaꞌa ndóꞌo̱, ñani yo, ndóo ñuu Corinto. Saa chi ndóꞌo̱ ku ndo ka̱na Ndioxi ta xa xa̱a i̱í ra ndóꞌo̱ tixin Tata yo Jesucristo. Ta iin káchi saa xa̱a i̱í tu ra ndiꞌi ka na ndóo ndiꞌi saa kúu ñuu nuu xáa kaꞌnu na kivi Tata yo Jesucristo, chi saa tu na ikán va, Tata tu na ikán va ku ra.

1 Corintios 1:30

Ta Ndioxi i̱kan ra saa, si̱kitaꞌan ra ndóꞌo̱ xiꞌin Tata yo Jesucristo. Ta mií Tata yo Jesucristo ku ra táxi ya ndíchi ndaꞌa yo, saa ndása tu ra yoo ndúu yo naꞌa, na köo ka kuachi kúu mií nuu ra, ta ndása i̱í ra yoo, saa ndáxin ra yoo ndaꞌa kuachi nuu núꞌni yo.

1 Corintios 1:9

Vaꞌa ni Ndioxi xiꞌin yo, chi ndee ni vaꞌa síxinu ra ya káꞌan ra xiꞌin yo. Xaꞌa ya ñaa kua ka̱na mií ra ndóꞌo̱ ya iin ndi̱kutaꞌan ndo xiꞌin Seꞌe ra, ra kúu Tata yo Jesucristo.

Colosenses 2:3

Saa chi ndiꞌi ya kuika xiꞌin ya ndíchi ni kúu mií Ndioxi tin ya ndee ni xínituni ta ndaꞌa mií Cristo íyo ndiꞌi ya.