1 Corintios 1:2 - Xochapa Mixteco

² Saa tíꞌvi nde tutu yóꞌó xaa ya ndaꞌa ndóꞌo̱, ñani yo, ndóo ñuu Corinto. Saa chi ndóꞌo̱ ku ndo ka̱na Ndioxi ta xa xa̱a i̱í ra ndóꞌo̱ tixin Tata yo Jesucristo. Ta iin káchi saa xa̱a i̱í tu ra ndiꞌi ka na ndóo ndiꞌi saa kúu ñuu nuu xáa kaꞌnu na kivi Tata yo Jesucristo, chi saa tu na ikán va, Tata tu na ikán va ku ra.

1 Corintios 1:2 Mawu Ofanana

Los Hechos 10:36

Ta ndi̱kaꞌan Ndioxi xiꞌin ndeꞌe judío, tá ti̱ꞌvi ra Tata yo Jesucristo ki̱xi ra ndi̱kaꞌan ndoso ra tuꞌun vaꞌa ya táxi koo vaꞌa ni ini yo, chi ra ikán ku ra xáꞌnda chiñu nuu ndiꞌi yo ―káchi ra Pedro xiꞌin na.

Los Hechos 15:9

Chi nuu Ndioxi ta iin ndáa yaꞌvi ndiꞌi va yo. Tá kúꞌva nda̱sa yaa ra nima yoo saa nda̱sa yaa tu ra nima na ikán va, xaꞌa ya ndáa ini na xíni na ra.

Los Hechos 18:1

Sindiꞌi ikán ke̱e ra Pablo ñuu Atenas ta ndi̱kiꞌin ra kuaꞌan ra chí ñuu Corinto.

Los Hechos 22:16

Ta kündatun ka un vitin. Kuandikoo kuchi un tixin kivi Jesús. Ta kaꞌan un xiꞌin ra ná xaa kaꞌnu ini ra xaꞌa kuachi un”, káchi ra Ananías ikán xiꞌin i ―káchi ra Pablo xiꞌin na.

Los Hechos 26:18

ya kuna un nuu na, sindiko koo un na kixi na nuu i, nuu yéꞌe̱, saa saña na ndaꞌa ndee kiti nǎꞌa ta ndikundikun na ichí Ndioxi, kandixa na yeꞌe saa xaa kaꞌnu ini Ndioxi xaꞌa kuachi na, saa kuchiñu na koo na xiꞌin na i̱í na ndíkun ichí i”, káchi Jesús xiꞌin i ―ka̱chi ra Pablo xiꞌin ra rey Agripa.

Los Hechos 9:13

Saa ndi̱kuiin ra Ananiás ikán káꞌan ra xiꞌin Jesús, káchi ra saa: ―Tata, xa kuaꞌa ni naꞌa ndítuꞌun xaꞌa ra Saulo ya xáa nduvaꞌa ni ra xiꞌin na taꞌan i na ndíkun yóꞌo̱, na ndóo ñuu Jerusalén.

Los Hechos 9:14

Ta vitin xa̱a ra xiꞌin iin tutu ya si̱kuaꞌa nda sutu naꞌnu nuu táxi nda ichí ndaꞌa ra ya ná tiin ndiꞌi ra na ndíkun yóꞌo̱ taan ra veꞌe kàà, che ―káchi ra Ananías xiꞌin Jesús.

Los Hechos 9:21

Ta ndíkanda ka vi ini na xíto na nuu ra. Ñaa xa̱á na káꞌan na: ―¿Án süvi ra xáa nduvaꞌa xiꞌin na kándixa ni Jesús ndóo ñuu Jerusalén ku ra yóꞌó? Suvi xaꞌa ya ñaa vaxi ra tiin ra na kuꞌun na xiꞌin ra taxi ra kuachi xaꞌa na ndaꞌa nda sutu naꞌnu ñuu ikán ―káchi na ikán soꞌva.

ROMANOS 1:7

Táa i tutu yóꞌó xaa ya ndaꞌa ndóꞌo̱, ñani yo, xiꞌin ndóꞌo̱ kuꞌva yo ndóo ñuu Roma, chi ndóꞌo̱ ku naꞌa, na kúꞌvi ni ini Ndioxi xíni ra. Saa ka̱na ra ndóꞌo̱ ya kuu ndo naꞌa, na i̱í nuu ra, koo vaꞌa ni ini ndo, ná taxi ni ra ya vaꞌa ndaꞌa ndo ya ndi̱niꞌi uun ndo nuu Iva yo Ndioxi xiꞌin Tata yo Jesucristo.

ROMANOS 10:12

Saa chi iin káchi ndíkuiso vaꞌa Ndioxi ndiꞌi naꞌa, án na judío ku na án süvi na judío ku na. Saa chi mií Iva yo ku ra Chee ni ta ndíso chiñu ra xiꞌin ndiꞌi ni kuu naꞌa. Ta vaꞌa ni ra xiꞌin ndiꞌi naꞌa, na káꞌan xiꞌin ra, na ndúku ya mani nuu ra.

ROMANOS 3:22

Ta ya yóꞌó kua sínaꞌa Ndioxi nuu yo vitin: xaꞌa ya kándixa yo Jesucristo kua, ndúu yo naꞌa, na vaꞌa na köo ka kuachi kúu mií nuu ra, án yo judío ku yo, án süvi yo judío ku yo.

ROMANOS 8:28

Xíni mií yo, ndiꞌi tindoꞌo ya ndóꞌo yo, ta ya vaꞌa ni mií yo kua ndóꞌo yo saa. Saa chi saa íkan Ndioxi xiꞌin ndiꞌi naꞌa, na kúꞌvi ni ini ra xíni ra, ta kána ra na ndikundikun na ra, chi saa chi̱tuni mií ra ikan ra xiꞌin na.

1 Corintios 1:30

Ta Ndioxi i̱kan ra saa, si̱kitaꞌan ra ndóꞌo̱ xiꞌin Tata yo Jesucristo. Ta mií Tata yo Jesucristo ku ra táxi ya ndíchi ndaꞌa yo, saa ndása tu ra yoo ndúu yo naꞌa, na köo ka kuachi kúu mií nuu ra, ta ndása i̱í ra yoo, saa ndáxin ra yoo ndaꞌa kuachi nuu núꞌni yo.

1 Corintios 10:32

Ta küvi ikan ndo ñaꞌa xiꞌin na taꞌan yo, ya sindikava ndo ini na, án na judío ku na, án süvi na judío ku na, án na kándixa Tata yo Jesucristo ku na, ta küvi ikan ndo saa xiꞌin na.

1 Corintios 12:27

Tá kúu ndiꞌi ndo ta tá káa iin ñaꞌñu ikin kuñu Cristo saa íin ndo, ta xa síin nuu chiñu íkan iin iin ndo.

1 Corintios 8:6

Sundi nuu mií yo, ta iindaa mituꞌun va ku Iva yo Ndioxi mií ra ndaa ni, ta ndaꞌa mií ra kua vaxi ndiꞌi ñaꞌa ya xíniñuꞌu yo, xaꞌa mií ra kua táku yo. Ta saa íyo iindaa Tata yo Jesucristo ta tixin mií ra kua ndi̱kuaꞌa ndiꞌi ñaꞌa, ta si̱kuaꞌa tu ra mií va yo.

2 Corintios 1:1

Yeꞌe Pablo, xiꞌin ra ñani yo Timoteo ku nde táa tutu yóꞌó xaa ya nuu ndo. Chi saa chi̱tuni mií Iva yo Ndioxi ka̱na ra yeꞌe ya xíka i chiñu nuu Tata yo Jesucristo. Táa nde ya xaa ya nuu ndóꞌo̱, na veꞌe ñuꞌu, ndóo ñuu Corinto xiꞌin ndiꞌi ka ndóꞌo̱, na i̱í, ndóo ndiꞌi saa mií ñuu ya ñúꞌu mií estado Acaya ñaa.

2 Corintios 4:5

Tá káꞌan ndoso nde tuꞌun vaꞌa xaꞌa Jesucristo xiꞌin naꞌa, ta süvi xaꞌa mií nde kua káꞌan nde xiꞌin na, chi xaꞌa mií Jesucristo kua káꞌan nde xiꞌin na, ya kúu ra Tata yo. Ta ndeꞌe, tá íin moso ndo, na xáa chiñu nuu ndo, saa íin nde. Ta xaꞌa Tata yo Jesucristo kua íkan nde saa.

Gálatas 1:2

Ta ndiꞌi na ñani yo ndóo nuu íyo i yóꞌó, tíꞌvi ni na tuꞌun mani xaa nuu ndiꞌi ndóꞌo̱, na taꞌan yo, na veꞌe ñuꞌu ndóo ndiꞌi estado Galacia.

Efesios 5:26

I̱kan ra saa xiꞌin yo ya kuchiñu ra ndasa i̱í ra yoo. Ta xaꞌa ya xi̱ni soꞌo yo tuꞌun vaꞌa xaꞌa ra kua ndu̱u yo naꞌa, na i̱í nuu ra, saa chi̱chi yo xiꞌin tikuii xaꞌa ya kándixa yo ra.

1 Tesalonicenses 1:1

Yeꞌe Pablo xiꞌin ra Silvano tin ra Timoteo ku nde tíꞌvi tutu yóꞌó xaa ya ndaꞌa ndiꞌi ndóꞌo̱ ñani yo xiꞌin kuꞌva yo, na veꞌe ñuꞌu ndóo ñuu Tesalónica. Káꞌan ndioxi nde xiꞌin ndiꞌi ndo. Ta mií Iva yo Ndioxi xiꞌin Tata yo Jesucristo ná ikan ni ya vaꞌa xiꞌin ndo, saa ná taxi ra koo vaꞌa ni ini ndo.

1 Tesalonicenses 4:7

Saa chi Ndioxi ta ka̱na ra yoo ya kuu yo naꞌa, na i̱í nuu ra, ta köo ndi̱kana ra yoo kundikun yo ra ya ikan yo ya väꞌa nuu ra.

2 Tesalonicenses 1:1

Yeꞌe Pablo, xiꞌin ra Silvano tin ra Timoteo ku nde tíꞌvi tutu yóꞌó xaa ya ndaꞌa ndóꞌo̱, na veꞌe ñuꞌu, na ndóo ñuu Tesalónica nuu káꞌan ndioxi nde xiꞌin ndo. Chi xa iin ku ndo xiꞌin Iva yo Ndioxi tin Tata yo Jesucristo.

1 Timoteo 2:8

Ta ya yóꞌó kua kúni i ná ikan ndiꞌi nda taa: Vaꞌa ná kaꞌan nda xiꞌin Ndioxi ndiꞌi ni kúu ñaꞌñu nuu ndíkitaꞌan ndo xáa kaꞌnu ndo ra. Ta vaꞌa ná ndaniꞌi ndaꞌa nda nuu ndivi kaꞌan nda xiꞌin ra, i̱í ná koo ini nda, ta ná säa ini nda kuni nda naꞌa, ni ná käni taꞌan nda xiꞌin nda iin naꞌa.

1 Timoteo 3:15

chi án sana kuachi loꞌo ka i yóꞌó, yakan káꞌan kuee i xiꞌin un ya ná kundaa ini un ndá kuꞌva xíniñuꞌu ndo ikan ndo, xaꞌa ya kúu ndo na veꞌe Iva yo Ndioxi, ra táku. Ta tá kuꞌva tuun ni kuáꞌa xaꞌa veꞌe án tá káa itun ndee ni ndíso xi̱ní veꞌe, saa íin ndo, xaꞌa ya ndaa ku̱ndaa ini ndo xaꞌa tuꞌun ra.

2 Timoteo 1:9

Mií Ndioxi ku ra si̱kaku yoo, saa ka̱na ra yoo ya nduu yo na ñuu ra, na i̱í. Ta süvi xaꞌa ya vaꞌa íkan yo kua i̱kan ra saa xiꞌin yo, xaꞌa ya kúni mií va ra kua. Chi xaꞌa ya vaꞌa ni mií Tata yo Jesucristo kua i̱kan ra saa xiꞌin yo, tá täꞌan ka xa̱á ñuu ivi yóꞌó vi kua i̱kan ra saa xiꞌin yo.

2 Timoteo 2:19

Sundi mií Iva yo Ndioxi ta xa ndee ni tuun chi̱nduꞌu ra tuꞌun ra, ya ndaa, ya káa tá káa yu̱ú ya tuun ni ñúꞌu xaꞌa veꞌe, ta nuu ya ikán kua ta̱a ra, káchi ra saa: “Xíni vaꞌa va mií Tata yo Jesucristo unku na kuu seꞌe ra”, káchi ya. Ta saa káꞌan tuku ya, káchi ya saa: “Ta ndiꞌi na kándixa Tata yo Jesucristo ta xíniñuꞌu na sindikoo na ya väꞌa íkan na”.

2 Timoteo 2:22

Ta ïkan un taꞌan ya kútoo ni na kuâán vali ñuu ivi yóꞌó ikan na, ndi̱xita un mií un nuu ya. Xaꞌa ni un ndee ya xaa súvi un ya vaꞌa, ya ndaa, ta saa ná kundaa ni ini un kuni un Ndioxi, saa ná kuꞌvi ni ini un kuni un naꞌa, ta xaꞌa un ndee ya koo vaꞌa ini un xiꞌin na. Ta saa ikan un xiꞌin ndiꞌi na ñani yo, na kándixa ni Iva yo Ndioxi xiꞌin ndinuꞌu ini na.

HEBREOS 10:10

Xaꞌa ya i̱kan Jesucristo ndi̱taxi ra mií ra ndi̱xiꞌi ra xaꞌa yo, ta xaꞌa ya ikán kua ndu̱u yo na ií, na vaꞌa nuu Ndioxi, saa chi Jesucristo ta xa̱a súvi ra ya kúni mií Ndioxi. Ta nda iin ichí köo xíniñuꞌu tuku ra ikan ra saa.

HEBREOS 13:12

Ta saa ndo̱ꞌo tu Jesús va, ta̱va na ra nda nuu ñuu Jerusalén ta ikán xa̱ꞌni na ra xaꞌa yo, ta xiꞌin nií mií ra ku rá nda̱sa i̱í ra yoo, nda̱sa vaꞌa ra yo, si̱ndiꞌi xaꞌa ra kuachi yo nuu Ndioxi.

HEBREOS 2:11

Saa chi iin ku ra ndása i̱í yoo, ta saa ndúu ndiꞌi yo iin xiꞌin ra ta iin káchi ndúu i̱í ndiꞌi yo nuu ra, yakan köo kúkaꞌán nuu ra kaꞌan ra xiꞌin yo ya kúu yo ñani ra.

Judas 1:1

Yeꞌe, Judas, ñani ra Jacobo, ra xáa chiñu nuu Tata yo Jesucristo ku i táa tutu yóꞌó xaa ya ndaꞌa ndóꞌo̱ ka̱na ra, saa nda̱sa i̱í Iva yo Ndioxi ndóꞌo̱, ta ndáa ni Tata yo Jesucristo ndóꞌo̱.

El Apocalipsis 19:16

Ta ra yóso kuai yaa ikán, ndíxi ra iin toto nuu ndi̱kaꞌi kivi ra saa tu nuu siꞌin va ra, ta ya ndi̱kaꞌi ikán káchi ya saa: “Ra rey chee ni nuu ndiꞌi nda rey ku ra yóꞌó. Ta saa ndixa ni ka chee ra yóꞌó nuu ndiꞌi ni kúu na naꞌnu”, káchi kivi ra ya ndi̱kaꞌi nuu toto ndíxi ra xiꞌin nuu siꞌin ra.