1 Corintios 1:16 - Xochapa Mixteco

¹⁶ Iindaa na veꞌe ra Estéfanas ku na si̱kuchi i, ta köo ñúꞌu ini i án ndá ka naꞌa si̱kuchi i.

1 Corintios 1:16 Mawu Ofanana

Los Hechos 11:14

Ta ra ikán ku ra ndituꞌun xiꞌin un unkua xíniñuꞌu un ikan un ya kuchiñu un kaku un xiꞌin ndiꞌi na veꞌe un”, káchi tatun Ndioxi xiꞌin ra, che.

Los Hechos 16:15

Ta saa chi̱chi yá xiꞌin ndiꞌi na veꞌe yá. Ñaa ndi̱xikan yá ya mani nuu nde, káchi yá saa: ―Tá tu kándixa ndo ndinuꞌu ini i ndi̱kundikun i Jesús, ta naꞌa ndo koꞌyo veꞌe i kundoo ndo ―káchi yá xiꞌin nde. Ndakua sa̱xinu ya ini nde kuaꞌan nde xiꞌin yá.

Los Hechos 16:33

Ta mí ñǔu ikán ndi̱kata ndiꞌi ra ñaꞌñu nda nuu ti̱kueꞌe. Saa si̱kuchi nda ra, saa tu na veꞌe va ra.

1 Corintios 1:15

Xaꞌa ya ñaa kua nda iin ndo küvi kaꞌan xaꞌa i ya si̱kuchi i ndóꞌo̱ tixin ndee kivi mií i.

1 Corintios 16:15

Ñani yo, xa kúndaa vaꞌa ini ndo xaꞌa na veꞌe ra ñani yo, ra Estéfanas, na ndóo chí estado Acaya. Na ikán ku na núnu̱ú xa̱á ndíkun Tata yo, ta xa̱á na xáa chiñu ni na chíndee taꞌan ni na xiꞌin ñani yo na ndíkun Tata yo Jesucristo.

1 Corintios 16:17

Ta kúsini ni i xa̱a ra ñani yo, ra Estéfanas xiꞌin ra Fortunato tin ra Acaico, xa̱a nda koto nda yeꞌe. Tá íin ndóꞌo̱, saa íin nda yóꞌó xa̱a nda nuu i. Ta ndóꞌo̱ vani kúni ndo kixi ndo koto ndo yeꞌe, ta köo kúchiñu ndo kixi ndo.