1 Corintios 1:14 - Xochapa Mixteco

¹⁴ Táxi ni i tixaꞌvi ndaꞌa Ndioxi, chi nda iin ndo köo ndi̱sikúchi i, iindaa ra Crispo xiꞌin ra Gayo ku nda si̱kuchi i.

1 Corintios 1:14 Mawu Ofanana

Los Hechos 10:48

Ñaa xa̱ꞌnda ra chiñu ya kuchi na ikán tixin kivi Jesús. Ta saa ndi̱xikan na ya mani nuu ra Pedro xiꞌin nda kuaꞌan xiꞌin ra ya ndoo nda koo nda soo uvi ndaa ka kivi xiꞌin na.

Los Hechos 18:8

Ta iin ra náni Crispo, ra xáꞌnda chiñu veꞌe ñuꞌu sinagoga ñuu ikán, xi̱ni soꞌo ra ya ndi̱kaꞌan ra Pablo. Saa ka̱ndixa ra Jesús xiꞌin ndiꞌi na veꞌe ra. Ta kuaꞌa ni ka mií na ñuu Corinto xa̱á kándixa Jesús. Ñaa ndikun chi̱chi na.

ROMANOS 16:23

Saa tíꞌvi tu ra ñani yo, ra Gayo, tuꞌun mani xaa nuu ndo. Veꞌe ra Gayo yóꞌó ku nuu íyo yeꞌe Pablo vitin. Ta táxi ra veꞌe ra nuu ndíkitaꞌan ndiꞌi nde veꞌe ñuꞌu. Saa tíꞌvi tu ra Erasto, ñani yo, tuꞌun mani xaa nuu ndo. Ra ikán ku tesorero, ra ndíso chiñu xiꞌin xuꞌun ñuu. Ta tíꞌvi tu ra ñani yo ra Cuarto va, tuꞌun mani xaa nuu ndo, ya káꞌan ndioxi ra xiꞌin ndo.

1 Corintios 1:15

Xaꞌa ya ñaa kua nda iin ndo küvi kaꞌan xaꞌa i ya si̱kuchi i ndóꞌo̱ tixin ndee kivi mií i.

1 Corintios 1:4

Ndiꞌi saa kivi táxi ni i tixaꞌvi xaꞌa ndo ndaꞌa Ndioxi, ra kándixa i, chi vaꞌa ni ra si̱niꞌi uun ra ya vaꞌa nuu ndo xaꞌa ya ti̱ꞌvi ra Tata yo Jesucristo ki̱xi ra ñuu ivi sikaku ra ndóꞌo̱.

1 Corintios 14:18

Ta yeꞌe, ra táxi ní va i tixaꞌvi ndaꞌa Ndioxi saa chi ndee ni vaꞌa káꞌan i inka nuu tuꞌun ya ke̱e nuu ndivi, káꞌan ni ka va yeꞌe nuu ndiꞌi ndo.

2 Corintios 2:14

Ta táxi ni i tixaꞌvi ndaꞌa Ndioxi xaꞌa Jesucristo chi ndiꞌi saa ichí chíndee taꞌan ra xiꞌin nde kúchiñu nde xáa kanaa nde nuu na sáa ini xíni ndeꞌe. Ta tixin ndeꞌe kua xíta niꞌnu ndiꞌi tuꞌun xaꞌa ra iníi kúu. Chi tá káa nduta támi ka vi xáꞌan, saa káa tuꞌun vaꞌa xaꞌa ra nuu naꞌa, na xíni soꞌo ya.

Efesios 5:20

Ndiꞌi saa ichí taxi ni ndo tixaꞌvi ndaꞌa Iva yo Ndioxi, xaꞌa ndiꞌi ni kúu ñaꞌa tixin Tata yo Jesucristo.

Colosenses 3:15

Ta taxi ndo ná koo ya vaꞌa táxi Cristo ndaꞌa ndo ya kaꞌnda chiñu ya nima ndo, chi mií Cristo ku ra ka̱na ndóꞌo̱ ya nduu ndo iin ikin kuñu xiꞌin ra, ta taxi ni ndo tixaꞌvi ndaꞌa Ndioxi ndiꞌi saa ichí.

Colosenses 3:17

Ta ndiꞌi ñaꞌa íkan ndo án ya káꞌan ndo, ta vaꞌa ikan ndo ndiꞌi ya xaꞌa ya chinuu vaꞌa ndo tuꞌun mií Tata yo Jesús, saa taxi ni ndo tixaꞌvi ndaꞌa Iva yo Ndioxi.

1 Tesalonicenses 5:18

Ndiꞌi saa ichí taxi ndo tixaꞌvi ndaꞌa ra xaꞌa ndiꞌi ñaꞌa, saa chi saa kúni Ndioxi ikan ndo xaꞌa ya ndíkun ndo Jesucristo.

1 Timoteo 1:12

Táxi ni i tixaꞌvi ndaꞌa Tata yo Jesucristo, taa ra ta̱xi ni ndee ndaꞌa i, saa chi ndáa ni ini ra xíni ra yeꞌe yakan ndi̱kaxin ra yeꞌe ya xaa súvi i chiñu nuu ra.

FILEMÓN 1:4

Ndiꞌi saa ichí tá káꞌan i xiꞌin Ndioxi ra káñuꞌu ni i ta ndíkaꞌán ni ini i xaꞌa un, saa táxi ni i tixaꞌvi ndaꞌa ra ta káꞌan ni i xaꞌa un xiꞌin ra.