1 Corintios 1:13 - Xochapa Mixteco

¹³ Ta ¿án ndi̱taꞌvi taꞌan va Cristo kua? ¿Án ra Pablo va ku ra ndi̱xiꞌi nuu cruzin xaꞌa kuachi ndo kua? Ta ¿án tixin kivi ra ikán va kua chi̱chi ndo kua?

1 Corintios 1:13 Mawu Ofanana

San Mateo 28:19

Yakan vitin ta kuáꞌan ndo ndiꞌi saa xaꞌa ñuu ivi ta sinaꞌa ndo naꞌa ndá kuꞌva kundikun na ichí i, saa sikuchi ndo na tixin kivi Iva i, xiꞌin tixin kivi Seꞌe ra, xiꞌin tixin Tachi I̱í Ndioxi.

San Mateo 3:6

Saa tá xi̱ni soꞌo na, ta xa̱á na náꞌma na kuachi na nuu ra. Ta síkuchi ra na ikán ini ita Jordán.

Los Hechos 10:48

Ñaa xa̱ꞌnda ra chiñu ya kuchi na ikán tixin kivi Jesús. Ta saa ndi̱xikan na ya mani nuu ra Pedro xiꞌin nda kuaꞌan xiꞌin ra ya ndoo nda koo nda soo uvi ndaa ka kivi xiꞌin na.

Los Hechos 19:5

Tá xi̱ni soꞌo nda ya ndi̱kaꞌan ra, ta saa ndi̱kuchi nda tixin kivi Jesús.

Los Hechos 2:38

Saa ndi̱kuiin ra Pedro káꞌan ra xiꞌin nda káchi ra saa: ―Ndiko koo ini ndo xaꞌa ndiꞌi kuachi ndo. Ta saa kuchi ndo tixin kivi Jesucristo ya ná xaa kaꞌnu ini Ndioxi xaꞌa kuachi ndo. Saa kua ndikiꞌin ndo Tachi Ií ra koo ya xiꞌin ndo.

Los Hechos 8:16

Saa chi nda iin na ikán täꞌan ndikiꞌin Tachi ra, takua chi̱chi kuiti na tixin kivi Jesús.

ROMANOS 14:9

Jesucristo ku ra ndi̱xiꞌi ta ndi̱taku ra, xaꞌa ya ikán kua ndu̱u ra, Ra Chee, Ra Xáꞌnda chiñu nuu ndiꞌi naꞌa, na táku xiꞌin na ndíi.

1 Corintios 1:15

Xaꞌa ya ñaa kua nda iin ndo küvi kaꞌan xaꞌa i ya si̱kuchi i ndóꞌo̱ tixin ndee kivi mií i.

1 Corintios 10:2

Tá ndo̱ꞌo na saa, ndi̱xika na tixin viko tin ndi̱yaꞌa na maꞌñu nduta ñûꞌu, nduta Kuáꞌa̱. Ta nda tá íin na chi̱chi saa ndi̱xiyo na, xaꞌa ya ikán kua vaꞌa ndi̱kitaꞌan na xiꞌin ra Moisés, ndi̱kundikun na ra.

2 Corintios 11:4

Chi ndóꞌo̱ ta ya vaꞌa ndíkuiso ndo ku ndiꞌi va tuꞌun ya ndíkani inka nda taa nuu ndo, ni xa síin kua káꞌan nda xiꞌin ndo, sínaꞌa nda ndóꞌo̱. Ta saa vaꞌa ni ndíkuiso ndo inka nuu tachi, ta süvi taꞌan Tachi I̱í Ndioxi ya xa ndi̱kiꞌin ndo ku ya káꞌan nda xaꞌa xiꞌin ndo, ta saa vaꞌa ni xíni soꞌo ndo ya káꞌan nda xiꞌin ndo xaꞌa tuꞌun vaꞌa xaꞌa Jesucristo. Ta süvi taꞌan kuꞌva si̱naꞌa nde ndóꞌo̱ kua káꞌan nda xiꞌin ndo, chi xa síin va kua káꞌan nda xiꞌin ndo.

Gálatas 1:7

Ta ya ndixa kua káꞌan i xiꞌin ndo, köo ka inka tuꞌun vaꞌa xaꞌa Jesucristo, ya ndaa ni xaꞌa ra kua xa ndi̱tuꞌun i xiꞌin ndo. Chi íyo sava nda taa kúni saka xi̱ní ndo ya ná ndisaka ini ndo xaꞌa tuꞌun ra ya xa xi̱ni soꞌo ndo.

Efesios 4:5

Ta iindaa va ku Tata yo Jesucristo, iindaa ku ya ndaa kándixa yo, iindaa ku tu ya chi̱chi va yo.

Tito 2:14

Chi ndi̱taxi ra mií ra ndi̱xiꞌi ra xaꞌa yo, ya yóꞌó ku yaꞌvi cha̱ꞌvi ra xaꞌa yo nuu si̱kaku ra yoo ndaꞌa ndee ya väꞌa i̱kan yo, ta nda̱sa vaꞌa ra yoo ndu̱u yo na ñuu mií ra, ya kuchiñu yo ikan yo ya vaꞌa nuu ra.