1 Corintios 1:10 - Xochapa Mixteco

¹⁰ Saa káꞌan i xiꞌin ndóꞌo̱ ñani yo tin kuꞌva yo, xíkan ni i ya mani nuu ndo, tixin ndee Tata yo Jesucristo káꞌan i xiꞌin ndo, ya ná ndikitaꞌan vaꞌa ni ndo koo ndo xiꞌin taꞌan ndo, ta iin yuꞌu ná koo ndo, täꞌvi taꞌan ndo, vívií koo ndo xiꞌin taꞌan ndo, iin káchi ndikani xi̱ní ndiꞌi ndo.

1 Corintios 1:10 Mawu Ofanana

San Mateo 9:16

Tá kúu iin xiyo xa̱á ta köo na ndíkaꞌma ya xiꞌin toto yata, saa chi íyo nduloꞌo ya ta kaꞌnda yaa ya xiyo xa̱á, ta iin ndiꞌi vaꞌa xaꞌa ya.

San Marcos 2:21

Saa ndi̱kaꞌan ka ra xiꞌin na, káchi ra saa: ―Nda iin naꞌa, ta köo na ndíkaꞌma tikoto xa̱á xiꞌin ya yata. Saa chi tá ná ndikaꞌma na ya xa̱á xiꞌin ya yata, ta sitivi taꞌan ya, tá ná ndikata na ya ta ndindií ya xa̱á ta sitaꞌnda ya yata, ta iin ndiꞌi vaꞌa ka xaꞌa ya.

San Marcos 3:24

Tá kúu iin ñuu chee tá ná kani taꞌan na xiꞌin taꞌan mií na, ta küchiñu na koo vaꞌa na xiꞌin taꞌan na.

San Juan 10:19

Tá xi̱ni soꞌo nda naꞌnu nuu na judío tuꞌun ya ndi̱kaꞌan Jesús ta iin ndi̱saka soꞌva tuku ini nda.

San Juan 17:23

Yeꞌe ku ra íyo xiꞌin na yóꞌó, ta yóꞌo̱ ku un íyo xiꞌin yeꞌe, yakan vaꞌa ni nduu na iin yuꞌu xiꞌin taꞌan na, ta saa kua kundaa ini na ñuu ivi yóꞌó, ya ti̱ꞌvi un yeꞌe vaxi i. Ta kuni na ya kúꞌvi ni ini un xíni un na ndíkun yeꞌe, tá kuꞌva kúꞌvi ini un xíni un yeꞌe, saa kúꞌvi ini un xíni un na.

San Juan 7:43

Saa ta iin ndi̱taꞌvi taꞌan na, xaꞌa Jesús.

San Juan 9:16

Saa ndi̱kuiin sava nda fariseo káꞌan nda, káchi nda saa: ―Taa, ra i̱kan saa xiꞌin un, ta süvi nuu Ndioxi ndi̱kee ra, chi köo ndi̱xaa súvi ra kivi i̱í ya ndíkundee yo ―káchi nda xiꞌin ra. Ta sava na káꞌan: ―¿Ndachu vaꞌa íkan ra yatuꞌun, tá tu ra íyo kuachi ku ra? ―káchi na. Iin ndi̱saka soꞌva ini nda.

Los Hechos 4:32

Ndiꞌi kúu na kándixa Jesús vaꞌa ni ndi̱xiyo na xiꞌin taꞌan na. Iin yuꞌu ndi̱xiyo ndiꞌi na xiꞌin taꞌan na, nda tá káa ñaꞌa ndiꞌi na saa ndi̱xiyo ya, iin ndi̱xiyo ndikaꞌnu ndiꞌi ñaꞌa na.

ROMANOS 1:13

Ñani yo xiꞌin kuꞌva yo, kúni i ná kundaa ini ndo, xa kuaꞌa ni ichí kúni i xaa i nuu ndo koto i ndóꞌo̱, ta köo ndíkuchiñu xaa i, íyo ya ndi̱kasi nuu i. Chi kúni i xaa i koto i chiñu vaꞌa íkan ndo, taꞌan chiñu vaꞌa íkan na taꞌan yo, na köo kúu judío, na ndóo inka ñuu nuu ndi̱xaꞌan i xi̱to i na.

ROMANOS 12:1

Ñani yo xiꞌin kuꞌva yo, xíkan ni i ya mani nuu ndo ya ná nditaxi táku ndo mií ndo ndaꞌa Ndioxi. Soko ndiꞌi ndo mií ndo nuu ra. Tá íin naꞌa na ií, na síkusini ni ini ra, saa koo ndo. Nditaxi ndiꞌi ndo mií ndo ndaꞌa ra xaꞌa ya kúndaꞌvi ni ini ra xíni ra ndóꞌo̱. Tá íkan ndo saa ta xáa kaꞌnu ni ndo ra, ta ya ñaa ku mií ya ndixa ni ka ndáa yaꞌvi nuu ra.

ROMANOS 12:16

Ta vívií koo ndo xiꞌin taꞌan ndo, käni taꞌan ndo. Kütai ni ini ndo nuu naꞌa, vívií koo ndo xiꞌin na, ta saa ikan ndo xiꞌin ndiꞌi na, ni na ndáꞌvi ku na, ta koto vií ndo na. Ta ndäsa xíni ni ka ndo mií ndo nuu inka naꞌa.

ROMANOS 15:30

Ñani yo xiꞌin kuꞌva yo, xáku ndaꞌvi ni i nuu ndo, tixin ndee Jesucristo xiꞌin tixin ya kúꞌvi ni ini Tachi I̱í Ndioxi xíni ya yoo, xíkan ni i ya mani nuu ndo, kaꞌan ni ndo xiꞌin Ndioxi xaꞌa i,

ROMANOS 16:17

Ñani yo xiꞌin kuꞌva yo, xíkan ni i ya mani nuu ndo, kundaa ni ndo mií ndo nuu naꞌa, na táꞌvi naꞌa veꞌe ñuꞌu. Kuenta ni koo ndo xiꞌin na, saa chi köo íyo yuꞌu na xiꞌin ya si̱naꞌa nde ndóꞌo̱, ta kúni na ndi̱kasi na nuu ndo ya ná kändixa ndo tuꞌun vaꞌa xaꞌa Jesucristo. Kuxika ndo nuu na ñaa, kütaꞌan ndo xiꞌin na.

1 Corintios 1:11

Káꞌan i saa xiꞌin ndo ñani mií yo, chi ku̱ndaa ini i xaꞌa ndo ya káni taꞌan ndo xiꞌin taꞌan ndo, káchi sava na veꞌe ra Cloé ndítuꞌun na xaꞌa ndo xiꞌin i.

1 Corintios 11:18

Saa chi xi̱ni soꞌo i xaꞌa ndo, tá ndíkitaꞌan ndo xáa kaꞌnu ndo Ndioxi veꞌe ñuꞌu, ta ndóꞌo̱ ndítaꞌvi taꞌan va ku ndo, káchi na xaꞌa ndo. Ta ndíkani ini i va saa ndixa va kua íkan ndo, túvi i.

1 Corintios 12:25

Saa i̱kan Ndioxi xiꞌin ikin kuñu yo, ya ná täꞌvi taꞌan ya, saa kua vaꞌa kundiꞌi ini ya xiꞌin taꞌan ya ta chindee taꞌan ya xiꞌin taꞌan ya.

1 Corintios 3:3

Saa chi nina ya kúni mií ndo íkan ndo. Yakan kua kǔní ini ndo xíni taꞌan ndo, ta káni taꞌan ndo xiꞌin taꞌan ndo, saa nda taꞌvi taꞌan ndo xiꞌin taꞌan ndo. Ya yóꞌó ku ya káꞌan xaꞌa ndo ya täꞌan kuaꞌnu ndo xiꞌin tuꞌun Ndioxi, chi íkan ndo tá íkan naꞌa, na ñuu ivi na köo xíni tuꞌun Ndioxi.

1 Corintios 4:16

Xaꞌa ya ñaa kua xíkan ni i ya mani nuu ndo, ikan ndo tá kuꞌva íkan yeꞌe.

2 Corintios 10:1

Ta yeꞌe Pablo, ku ra káꞌan xiꞌin ndo xáku ndaꞌvi i nuu ndo xiꞌin ya vaꞌa, ya mani ta̱xi Cristo ndaꞌa i. Saa chi sava ndo káꞌan xaꞌa i ya ndee ni vita ini i tá íyo i xiꞌin ndo, sundi tá íyo xíka i nuu ndo ta ndee ni ndaku ini i, káchi ndo xaꞌa i.

2 Corintios 13:11

Ñani yo, ya yóꞌó ku ndiꞌi ya káꞌan nde xiꞌin ndo ta vaꞌa ná kusini ni ndo, saa chikaa ni ndo ndee ya kuaꞌnu ka ndo xiꞌin tuꞌun Ndioxi, ta ná ndu xaa ka ndo, ná nduu ndo tá kuꞌva kúni Ndioxi, ta iin yuꞌu koo ndo xiꞌin taꞌan ndo. Ta saa kua vaꞌa koo Ndioxi xiꞌin ndo, ra táxi ya vaꞌa koo ini ndo, xiꞌin ya kúꞌvi ni ini ra xíni ra ndóꞌo̱.

2 Corintios 13:9

Yakan kúsini ni va nde tá vita ni ini nde, chi ndeꞌe, ta kúni nde ya ná nduu ndee ni ndóꞌo̱. Saa káꞌan ni nde xaꞌa ndo xiꞌin Ndioxi ya ná nduu xa̱á ka ndo, saa xinu ndo nduu ndo naꞌa, na vaꞌa ni.

2 Corintios 5:20

Ta ndeꞌe, tá káa ra xikuaꞌa xíka nuu, saa íin nde, chi ka̱na Ndioxi ndeꞌe ya xíka nuu nde nuu ra ndítuꞌun nde xiꞌin naꞌa. Ta yuꞌu mií Jesucristo kua káꞌan nde xiꞌin ndo, tá káꞌan nde xiꞌin ndo saa, ta tá íin ndeꞌe xáku ndaꞌvi nuu ndo saa íin nde, chi kána Ndioxi ndóꞌo̱ tixin ndeꞌe ya ná ndikitaꞌan mani ndo xiꞌin ra.

2 Corintios 6:1

Ndóꞌo̱ xiꞌin ndeꞌe, ta iin káchi xáa chiñu yo nuu Ndioxi, yakan xíkan ni nde ya mani nuu ndo ya ná kundàà vií ni ndo ya vaꞌa ndi̱niꞌi ndo nuu Tata yo.

Gálatas 4:12

Xaꞌa ya ikán kua xáku ndaꞌvi i nuu ndo ñani yo, ya ná nduu ndo tá kuꞌva íyo yeꞌe, chi yeꞌe ta xa ndu̱u i tá kuꞌva íyo mií ndo köo kúu judío, ta ïkan ka ndo taꞌan ñaꞌa ya íkan ley nde judío. Chi yo kándixa Jesucristo ta xa ndi̱saña ndíka yo nuu ndiꞌi ya ñaa, ta saa kúni i ná koo ndo. Saa chi ndóꞌo̱ ta nda iin ya väꞌa köo ndi̱kan ndo xiꞌin i.

Filipenses 1:27

Ta kuenta ni koo ndo xaa súvi ndo ndisaa ya káꞌan tuꞌun ra xiꞌin ndo. Án xaa i koto i ndóꞌo̱ án xäa i nuu ndo, sundi kúni i kuni soꞌo i tuꞌun vaꞌa xaꞌa ndo ya ndaku ni íyo ndo xiꞌin tuꞌun Tata yo, ta iin yuꞌu ni ku ndo, iin ítaꞌan ndiꞌi ndo xáa chiñu ndo xaꞌa ra.

Filipenses 3:16

Sundi ya xa ku̱ndaa ini yo xaꞌa yóꞌó kua xíniñuꞌu ni yo xaa súvi yo vitin taan, ta saa ná ikan yo xiꞌin taꞌan yo.

1 Tesalonicenses 5:13

Kuꞌvi ni ini ndo kuni ndo na ñaa ta saa xaa toꞌo ndo na xaꞌa chiñu íkan na nuu ndo. Ta vivií ni koo ndo xiꞌin taꞌan ndo.

2 Tesalonicenses 2:1

Ñani yo xiꞌin kuꞌva yo, kúni nde kaꞌan nde xiꞌin ndo xaꞌa ya kuu tá ná ndiko koo Tata yo Jesucristo kixi tuku ra ñuu ivi yóꞌó, nuu ndikitaꞌan yo xiꞌin ra. Ta ndeꞌe, xáku ndaꞌvi ni nde nuu ndo,

1 Timoteo 5:21

Ta ya káꞌan i xiꞌin un yóꞌó, ta nuu Iva yo Ndioxi xiꞌin nuu Tata yo Jesucristo tin nuu na tatun ra, na ndi̱kaxin ra kua káꞌan i xiꞌin un: Xíkan ni i ya mani nuu un ya xaa súvi un ya káꞌan i xiꞌin un, ta kïꞌin un sata nda iin nda, iin káchi xaa súvi un kuachi xiꞌin ndiꞌi nda.

2 Timoteo 4:1

Ta ya káꞌan i xiꞌin un ta nuu Iva yo Ndioxi xiꞌin Tata yo Jesucristo, ra kúu rey xáꞌnda chiñu nuu yo kua káꞌan i xiꞌin un, chi mií ra ku ra xaa nani kuachi xiꞌin na táku tin na ndíi. Xaꞌa ya ñaa kua káꞌan i xiꞌin un,

1 Pedro 2:11

Ñani yo tin kuꞌva yo, ndóꞌo̱ ta tá íin naꞌa, na ndóo tóo xiꞌin na xíka tóo ñuu ivi yóꞌó saa íin ndo, yakan xíkan ni i ya mani nuu ndo, ndee koo ini ndo ta täxi ka ndo kaꞌnda chiñu ya väꞌa kúni kaꞌnda chiñu nuu ikin kuñu ndo, chi ndiꞌi ya väꞌa ñaa ta kánitaꞌan ya xiꞌin ya vaꞌa ndo.

1 Pedro 5:10

Sundi ndóꞌo̱ ta kündiꞌi ini ndo chi tá sindiꞌi ndi̱yaꞌa uvi ndaa kivi ya ndi̱xuꞌvi ni ndo, ta mií Ndioxi ku ra ndasa xuxa ini ndo, ta saa taxi ra ndee ndaꞌa ndo ya tuun ni kundikun ndo ra, saa niꞌi ndo ndee nuu ra ndundee ini ndo ta ta̱xi ra ichí ndaꞌa ndo tuun ni koo ndo xiꞌin ra.