1 Corintios 1:1 - Xochapa Mixteco

¹ Yeꞌe Pablo xiꞌin ra ñani yo ra Sóstenes, uvi saa nde táa tutu yóꞌó xaa ya nuu ndo. Ta yeꞌe kúu i apóstol, ra ka̱na Tata yo Jesucristo xáa chiñu nuu ra, chi xa saa chi̱tuni mií Ndioxi ikan ra xiꞌin i.

1 Corintios 1:1 Mawu Ofanana

San Lucas 6:13

Tá ndi̱tuvi inka kivi, ta ka̱na ra na ndíkun sata ra, tañu na ikán ndi̱kaxin ra uxi uvi taa nda kuꞌun nuu ra xaa chiñu nda inka ñuu. Ta ta̱xi ra kivi nda náni nda apóstol, ta tuꞌun ikán káchi ya saa: “Nda ti̱ꞌvi Ndioxi”.

San Juan 15:16

Ta süvi mií ndo ndi̱kaxin yeꞌe, mií i ndi̱kaxin ndóꞌo̱. Ta ndi̱kaxin i ndóꞌo̱ ya ná ikan ndo nina ya vaꞌa. Tá íin itun kuiꞌi kána kuaꞌa ni ñaꞌa ndaꞌa saa ná koo ndo. Ndiꞌi saa ichí koo ndo tá íin kuiꞌi vaꞌa ni kúun. Tá íkan ndo saa ta vaꞌa nduku ndo ndiꞌi ya kúmani nuu ndo nuu Iva i. Ta tixin kivi yeꞌe taxi ra ya ndúku ndo nuu ra ndaꞌa ndo.

San Juan 20:21

Saa ndi̱kaꞌan tuku Jesús xiꞌin nda, káchi ra saa: ―Ná koo vaꞌa ni ini ndo. Tá kuꞌva ti̱ꞌvi Iva i yeꞌe, saa tíꞌvi i ndóꞌo̱ kuꞌun ndo vitin ―káchi ra xiꞌin nda.

Los Hechos 1:15

Iin kivi ndi̱kitaꞌan ndiꞌi na kándixa Jesús ndóo na, iin kuꞌva ciento oko ku na ndóo. Ta saa ndi̱kundichi ra Pedro tañu na, ñaa xa̱á ra káꞌan ra xiꞌin na, káchi ra saa:

Los Hechos 1:2

iin saa nda kivi tá nda̱a ra kuaꞌan ra nuu ndivi. Tá täꞌan kuꞌun ra nuu ndivi ta xa̱ꞌnda ra chiñu nuu nda apóstol, nda ndi̱kaxin ra. Ta tixin Tachi I̱í Ndioxi kua i̱kan ra saa xiꞌin nda.

Los Hechos 18:17

Tá ka̱na koo na keꞌe ta ti̱in na griego inka ra náni Sóstenes, ra xáꞌnda chiñu veꞌe ñuꞌu sinagoga. Ñaa xa̱á na xáa nduvaꞌa na xiꞌin ra. Nuu teꞌe ra gobernador Galión xa̱á na xáa nduvaꞌa na xiꞌin ra, ta ni köo ndi̱kaꞌan ra xiꞌin na.

Los Hechos 22:21

Saa ndi̱kuiin ra káꞌan ra xiꞌin i: “Kuaꞌan chi vitin tiꞌvi i yóꞌo̱ kuꞌun xika un, kuꞌun un nda inka ñuu kaꞌan un xiꞌin na köo kúu judío xaꞌa i”, káchi ra xiꞌin i ―káchi ra Pablo xiꞌin na judío.

ROMANOS 1:1

Ndioxi ná koo xiꞌin ndo, na taꞌan yo, na ndóo ñuu Roma. Yeꞌe ku ra Pablo, ra xáa chiñu nuu Jesucristo, ra ka̱na Ndioxi ku i, ta ta̱xi ra chiñu ndaꞌa i ya kúu i apóstol, saa ti̱ꞌvi ra yeꞌe ya kaꞌan ndoso i tuꞌun vaꞌa xaꞌa Jesucristo xiꞌin naꞌa. Táa i tutu yóꞌó xaa ya ndaꞌa ndo.

ROMANOS 1:10

Saa xáku ndáꞌvi ni i nuu ra, káꞌan i xiꞌin ra, ndúku i ya mani nuu ra taxi ra ichí ndaꞌa i ya kuꞌun i koto i ndóꞌo̱. Ná taxi mií ra ichí ndaꞌa i saa xaa i nuu ndo.

ROMANOS 1:5

Ta xaꞌa mií ra kua ta̱xi Ndioxi ya toꞌo chee ni ndaꞌa i kúu i apóstol, yakan ti̱ꞌvi ra yeꞌe ya chindee taꞌan i xiꞌin ndiꞌi ni kúu naꞌa, na ndóo ndiꞌi ni kúu ñuu ivi, na köo kúu judío ya kandixa na ra, saa xaa toꞌo na ra.

1 Corintios 15:9

Chi yeꞌe, ta ra ni̱nu̱ ni kuu i nuu ndiꞌi nda taꞌan i, ni köo ichí i kaꞌan naꞌa xiꞌin i apóstol, saa chi ra xa̱a ndu̱vaꞌa ni xiꞌin naꞌa, na kúu veꞌe ñuꞌu Ndioxi, ndi̱xiyo i.

1 Corintios 3:9

Chi ndeꞌe, ta iin káchi ítaꞌan nde xáa chiñu nde xiꞌin taꞌan nde nuu Ndioxi. Ta ndóꞌo̱ ku ndo íin tá íin ñuꞌú ya xáa chiñu Ndioxi xiꞌin, án tá íin veꞌe ya síkuaꞌa Ndioxi, saa íin ndo nuu ra.

2 Corintios 1:1

Yeꞌe Pablo, xiꞌin ra ñani yo Timoteo ku nde táa tutu yóꞌó xaa ya nuu ndo. Chi saa chi̱tuni mií Iva yo Ndioxi ka̱na ra yeꞌe ya xíka i chiñu nuu Tata yo Jesucristo. Táa nde ya xaa ya nuu ndóꞌo̱, na veꞌe ñuꞌu, ndóo ñuu Corinto xiꞌin ndiꞌi ka ndóꞌo̱, na i̱í, ndóo ndiꞌi saa mií ñuu ya ñúꞌu mií estado Acaya ñaa.

2 Corintios 11:5

Ta saa chínuu vaꞌa ni nda tuꞌun nda ya ndee ni naꞌnu nda, káchi nda ndi̱xaa nda nuu ndo. Ta yeꞌe, ta nda loꞌo köo ni̱nu̱ kúni i nuu nda ñaa, ya káꞌan nda saa.

2 Corintios 12:12

Xiꞌin ndiꞌi ni kúu ya vaꞌa xiꞌin yatuꞌun ya i̱kan i xi̱ni ndo ya ñaa kua káꞌan xaꞌa i ya kúu i iin ra apóstol, ra xíka chiñu nuu Tata yo Jesucristo. Saa chi kaꞌnu ni ndi̱xiyo ini i xiꞌin ndo.

2 Corintios 8:5

Ni köo ndi̱xika ini nde ya ikan na saa, ta vaꞌa chi xiꞌna ndi̱taxi ndiꞌi na mií na ndaꞌa Tata yo Jesucristo, ta saa ndi̱taxi tu na mií na ndaꞌa ndeꞌe va, ya kúni na xaa súvi na ya kúni mií Ndioxi.

Gálatas 1:1

Yeꞌe, Pablo, ra xíka chiñu nuu Tata yo Jesucristo ku i táa tutu yóꞌó, xaa ya nuu ndo. Ta süvi na ñuu ivi yóꞌó ku na ndi̱taxi chiñu ndaꞌa i kúu i apóstol, chi mií Tata yo Jesucristo xiꞌin mií Iva yo Ndioxi, ra si̱taku Tata yo Jesucristo ku ra ta̱xi chiñu ndaꞌa i xáa chiñu i nuu ra.

Efesios 1:1

Yeꞌe Pablo, ra ndi̱kaxin mií Ndioxi xáa chiñu i nuu ra ku i táa tutu yóꞌó xaa ya nuu ndiꞌi ndóꞌo̱, ndóo ñuu Éfeso, chi na i̱í, na kúu ñuu Ndioxi ku ndo ta ndinuꞌu ni ini ndo kándixa ndo Jesucristo.

Efesios 4:11

Suvi mií tu ra ku ra ta̱xi ndee vaꞌa ndaꞌa naꞌa: Sava nda ndi̱niꞌi ndee vaꞌa ya kúu nda apóstol, ta sava na ndi̱niꞌi ndee vaꞌa ya kúu na, naꞌa na káꞌan tuꞌun yuꞌu Ndioxi, sava na ndi̱niꞌi ndee vaꞌa ya káꞌan ndoso na tuꞌun vaꞌa xaꞌa Tata yo Jesucristo, sava na ndi̱niꞌi ndee vaꞌa ya ndíso chiñu na xiꞌin na veꞌe ñuꞌu, ta sava na ndi̱niꞌi ndee vaꞌa ya kúu na maestro na sínaꞌa iví xaꞌa tuꞌun Ndioxi.

Colosenses 1:1

Yeꞌe Pablo, ra ndi̱kaxin Iva yo Ndioxi xaa chiñu i nuu Tata yo Jesucristo xiꞌin ra Timoteo, ñani yo, ku nde táa tutu yóꞌó,

1 Timoteo 1:1

Yeꞌe Pablo, ra xíka chiñu nuu Tata yo Jesucristo, ra ti̱ꞌvi Ndioxi vaxi sikaku yoo xiꞌin suvi mií Tata yo Jesucristo, ra ndinuꞌu ni ndáa ini yo.

1 Timoteo 2:7

Ta xaꞌa ya ikán kua ta̱xi ra chiñu ndaꞌa i kaka i kaꞌan ndoso i tuꞌun ra ya ndaa xiꞌin naꞌa. Saa ta̱xi ra chiñu ndaꞌa i kúu i apóstol ra xáa chiñu nuu Tata yo Jesucristo, ta xa̱ꞌnda ra chiñu nuu i ya sinaꞌa i naꞌa, na köo kúu judío. Ta ya káꞌan i xiꞌin ndo ta ya ndaa ni kua, köo síndaꞌvi i ndóꞌo̱.

2 Timoteo 1:1

Yeꞌe Pablo, ra ndi̱kaxin Ndioxi xáa chiñu nuu Tata yo Jesucristo ku i, saa chi saa chi̱tuni mií ra ta̱xi ra chiñu yóꞌó ndaꞌa i ya káꞌan ndoso i xiꞌin naꞌa xaꞌa ya ki̱ndoo ra xiꞌin na taxi ra kutaku na tixin Tata yo Jesucristo.