Zlrafta 6:9 - Hdi

⁹ Wya rusa ta ghəŋa Nuhu. Mataba mnduha ta tsa fitik ya ná, Nuhu tɗukwa mndu, haɗ rutsak tida wa. Ta nzakw ma zɗaku nda Lazglafta.

Zlrafta 6:9 Mawu Ofanana

Zlrafta 10:1

Wya rusa ta ghəŋa zwana Nuhu, i Sem, nda Ham, nda Yefet. Tahula luta ima zlakwa luwa, ka yayatá həŋ ta zwani:

Zlrafta 17:1

Təmbay mbsak təmbay mida ima Abram, ta maravatá Yawe da tsi. Kaʼa nda tsi mantsa: « Iʼi Lazglafta ta Mbruta. Nza nza ta nzaku ɗina ta kəma ɗa, ka maga ka ta skwi ta zɗəgihata.

Zlrafta 2:4

Wya ká rusa (nzakway) ta ghəŋa luwa nda haɗik ma zlagigiŋtá həŋ. Ma fitika zlagigiŋta Yawe, Lazglafta ta haɗik nda luwa,

Zlrafta 48:15

Wya kəʼa tfanaghatá wi ta Yusufu: « Lazglafta ya mbaɗ dzidzíha ɗa i Abraham nda Izak, ta mbaɗa ta kəma ni, tsa Lazglafta ta ngha iʼi manda mnda ngha rini ya, ta nghagaptá iʼi ka yawu nzakwa ɗa ha ka sab ta gita.

Zlrafta 5:1

Wya ka rusa ta ghəŋa zivirha Adamu. Ma fitika zlaganapta Lazglafta ta mndu, ka magaftá Lazglafta ta mndu ta gara vgha nda tsatsi.

Zlrafta 5:22

Tahula yatá Mətuselah, ka zatá Hanuk ta vaku hkən dərmək ta nzaku ma zɗaku nda Lazglafta, ka yayəglatá tsi ta zwana zgwana nda kuʼaha.

Zlrafta 5:24

Ma tsa nzakwa ni ma zɗaku nda Lazglafta ya, gi nghəgla a lu wu, klagha kla Lazglafta.

Zlrafta 6:10

Nuhu ná, da ni ma zwani hkən ya, i Sem nda Ham nda Yefet.

Zlrafta 7:1

Ka Yawe nda Nuhu mantsa: « Lam la da kwambalu, kagha nda la ga ghuni tani demdem, kabga kagha turtukwa gha yeya mndu tɗukwa nghaŋ yu mataba zivira mnduha ta na zamana na.

2Sam 22:24

Nza nza yu ka ŋərma mndu ta kəma ni, nghu ngha yu ta ghəŋa ɗa da dmaku.

1Mgh 3:6

Ka Salumuŋ mantsa: « Maranaŋ mara ka ta zɗaku dagala ta kwalva gha da ɗa Dawuda, kabga mbaɗa ni ta kəma gha ka mndu tɗukwa ŋa faftá ghəŋ tida, ka ŋərma mndu. Ka kɗaŋta ka ta maranaŋtá ta zɗaku dagala nda ma vlaŋtá gha ta zwaŋa zgun ta nzaku ta dughurukwa ga mghama ni gita.

2Rus 15:17

Kulam nda tsa, hlu a tsa vliha tskal tskala ma Israʼila, dər má ndiʼaf ndiʼa Asa ta vgha kahwathwata ta Yawe ma nzakwa ni nda hafu wa.

2Rus 25:2

Ka mag tsi ta skwi tɗukwa ta wa ira Yawe, ama ma hya hya ŋuɗufa ni a wa.

Lukwa 1:6

Tɗukwa mndu həŋ his his ta wa ira Lazglafta. Ta snay həŋ ta zlaha Lazglafta nda skwa dzahayha ni, haɗ maslivinza ta ksaŋtá həŋ wa.

Lukwa 2:25

Ma tsa fitik ya, mamu sana mndu ma Ursalima Simeyuna hga ni. Tsa mndu ya ná, tɗukwa mndu ya, ta snay ta gwaɗa da Lazglafta. Ta kzlaykzlay ta mnda mba la Israʼila. Kawadaga Sulkuma Lazglafta nda tsi guli.

Lukwa 23:50

Mamu sana ŋərma mndu tɗukwa nzakwa ni, ta hgə lu ka Yusufu. Mnda la Arimate ya, sana luwa ta nzakway ta haɗika la *Yahuda. Ta kzlaykzlay tsatsi ta sagha fitika ga mghama Lazglafta. Tekw tsatsi mataba gwal dagala dagala ta vla hiɗaku. Tsuʼaf a tsatsi ta tsa skwi tsiŋ lu ta ghəŋa ni ma guma ŋa magay, ka magata lu ya wa.

Slna gwal ghunay 10:22

« Kwarney ka mali ta ghəŋa ghuɓa sludzi, ta nzakway ka ŋərma mndu, ta zləŋa Lazglafta, ta ghubu inda la *Yahuda ya ta ghunaŋnakta. Duhwala Lazglafta ta mnanata ŋa hgadaptá kagha da taŋ ŋa sna skwi dzaʼa ka mnanata, » ka həŋ nda tsi.

La Ruma 1:17

Tsa Lfiɗa Gwaɗa ya ta maray kinawu ká Lazglafta ta nanaftá mnduha ka gwal tɗukwa tawa ira ni zlghafər həŋ. Haɗ sana tvi wu, ta ghəŋa tsa zlghay nda ŋuɗuf ya kweŋkweŋ. Nda nza manda ya nda vinda ma deftera kazlay: Mndu ta zlghafta Lazglafta ná, tsaya mndu tɗukwa tawa ira Lazglafta, tsa mndu ya guli dzaʼa nzata nda hafu kəʼa.

Galat 3:11

Nda tsala kazlay: Haɗ mndu dzaʼa nzata ka mndu tɗukwa ta wa ira Lazglafta kabga vəl magay ni ta skwi ta kum zlaha wu kəʼa. Mantsa ya guli ná, nda vinda ma deftera Lazglafta kazlay: Mndu ta nzakway ka mndu tɗukwa ma zlghay nda ŋuɗufa ni, dzaʼa nzata nda hafu kəʼa.

Vrafta ta zlahu 18:13

Kaghuni, ka nzata kuni ka ŋərma mndu ta kəma Yawe, Lazglafta ghuni.

Hebru 11:7

Nda ma zlghay nda ŋuɗuf snata Nuhu ta gwaɗa ya mnana Lazglafta ta ghəŋa skwi dzaʼa magaku ta kul nghaŋtá iri karaku. Ka tsaftá tsi ta kwambalu dagala manda ya mnanaf Lazglafta. Ka lam tsi dida nda gwal ga taŋ tani, ka mbaftá həŋ. Ma tsa magata ni mantsa ya tsanaghata tsi ta guma ta ghəŋa haɗik. Ka klaftá Lazglafta ka mndu tɗukwa kabga zlghay nda ŋuɗufa ni.

1 Piyer 2:5

Kaghuni guli, nzawa nza ka pala nda hafu mida, ya ta kəl lu ka ba həga mndərga ŋa Sulkum, ŋa nzakwa ghuni ka guyata ghəŋa gwal nda ghuɓa ta vla skwi manda ya ta kum Sulkum. Tsaya skwi ta zɗəganatá Lazglafta nda ma Yesu Kristi.

2 Piyer 2:5

Tsa mnduha ghalya ta gatá dmaku ya guli ná, zlana a Lazglafta ta həŋ mantsa ya guli wa. Ka zaɗanatá tsi ta tsa gwal ta maga ghwaɗaka skwi ya nda ima mabuɗbuɗ. Ta ghəŋa Nuhu si ta mnay ŋa mnduha kazlay: Magawa skwi tɗukwa kəʼa yeya mbanaf tsi, nda sanlaha ma mnduha ndəfáŋ guli.