Zlrafta 48:7 - Hdi

⁷ Iʼi, ta sab yu ta haɗika Padaŋ ndusa yu ka ɓhadaghata nda Ifrata ta haɗika Kanʼana, ka mtuguduɗtá ma gha Rasel ta tvi. Ka lamtá yu ta wa tvi hada, » kaʼa. Tsa Ifrata ya ná, Betʼlehem ta hga lu gitana.

Zlrafta 48:7 Mawu Ofanana

Zlrafta 25:20

Fwaɗ mbsak ima Izak ta klaftá tsi ŋa markwa taŋ ta Rebeka, makwa Betwel la Aram ma Padaŋ Aram. Si makuma ni ma Lavaŋ mnda la Aram ya guli.

Zlrafta 33:18

Ka ɓhadaghatá Yakubu ɗughwana da luwa Səkem ta haɗika Kanʼana manda sliʼafta ni ma Padaŋ Aram, ka nzatá tsi ndusa nda luwa.

Zlrafta 35:20

Ka dzugwafta Yakubu ta pala ta tsa kulu ya. Tsaya palaka kula Rasel. Ta tekeʼa ha gitana.

Zlrafta 35:9

Ka marglavatá Lazglafta da Yakubu, manda vragapta ni ma Padaŋ Aram, ka tfanaghatá tsi ta wi.

Zlrafta 48:6

Ama zwani ya yaya ka tahula taŋ ya, ŋa gha tsaha ya. Ta haɗika mala taŋ dzaʼa mutsa hahəŋ ta skwa za həga taŋ.

Mata 2:18

« Ta snaku hla wi ma Rama. Ta snaku lili nda ŋaɗa ghəŋ. Rahila ya ta tawa zwana ni, va a ta lɓanatá ŋuɗuf wu kabga rwu rwa həŋ, » kaʼa.

Rut 1:2

Ilimelek hga tsa mndu ya, Naghumi hga markwa taŋ. Hga tsa zwana ni his ya guli, i Mahluŋ nda Kilyuŋ. Mnda la Ifrata si ma Betʼlehem ta haɗika Yahuda həŋ. Ka ɓhadaghatá həŋ ta haɗika Muwav, ka nzatá hada.

1Sam 1:1

Mamu sana mnda la Tsuf ma Rama ta ghwá la Ifrayim, Ilkana hga ni, zwaŋa Yəruham, zigha Ilihu, zigha ndindliŋa Tuhu, zigha papaha Tsuf. Mnda la Ifrata ya.

1Sam 10:2

Gita, tahula sliʼafta gha da iʼi, dzaʼa guyaku ka nda sana mnduha his ndusa nda kula Rasel ta mukuma nda la Biŋyamiŋ, ma Tsəltsah. Ka həŋ dzaʼazlay nda kagha na: “Tsa kəɗihha laghu ka da zbay ya ná, slaf sla lu ta həŋ. Ndanana, haɗ da gha ta ndangəltá kəɗihha wu, kaghuni ta ndan tsi. Kaʼa ta mnay na: Waká yu dzaʼa magay ŋa nghaŋtá zwaŋa ɗa?” kaʼa, ka həŋ dzaʼazlay, kaʼa.

1Sam 16:4

Ka magatá Samuyel ta skwi mnana Yawe, ka ɓhadaghatá tsi da Betʼlehem. Ka sliʼadaghatá la galata mndu ma luwa nda ghudzaku da guyay. Ka həŋ mantsa: « Fitika sagha gha suʼu? » ka həŋ.

1Sam 17:12

Dawuda ná, zwaŋa sana mnda la Ifrata ya, ma Betʼlehem ta haɗika la Yahuda, ta hgə lu ka Yisay. Tghas zwana ni ka zgwana ka zgwana. Ta zamana Sawulu ná, nda hala tsa mndu ya huzum, lula ima ni.