Zlrafta 42:5 - Hdi

⁵ Ka ɓhadaghatá zwana Israʼila da skwa zimi mista sanlaha ma mnduha ta lagha, kabga ta kəbaku nda kəba tsa maya ya ta haɗika Kanʼana guli.

Zlrafta 42:5 Mawu Ofanana

Zlrafta 12:10

Ka slatá maya ta tsa haɗik ya, kəl Abram ka sliʼafta ka laghu da nzəɗavata ma haɗika Masar, kabga furtu furta tsa maya ya katakata.

Zlrafta 26:1

Ka slatá maya ta tsa haɗik ya. Nda dəga nda tsa ta slata ta fitika Abraham ya. Ka sliʼaftá Izak ka laghu da Gerar luwa Avimelek mghama la Filisti.

Zlrafta 41:54

Ka zlraftá tsa vakwa ndəfáŋ ŋa maya ya, manda va ya mna Yusufu. Ka slata maya ta inda haɗikha, ama ma inda haɗika Masar yeya skwa zay.

Zlrafta 41:57

Ka sliʼaftá mnduha ta inda haɗikha, ka sliʼadaghata da Masar slanaghatá Yusufu, ŋa skwa a ta alkama, kabga ta kəbakw nda kəba tsa maya ya ta ghəŋa haɗik demdem.

2Sam 21:1

Ta fitika gay Dawuda ta mgham, ka slatá maya ka vaku hkən ta ghəŋ ta ghəŋ. Ka ɗawu Dawuda da Yawe. Ka Yawe nda tsi mantsa: « Nda nza dabga Sawulu, nda la ga taŋ gwal pghiŋtá us, kabga vəl pslata taŋ ta la Givghuŋ, » kaʼa.

Slna gwal ghunay 11:28

Mamu sani mataba taŋ ta hgə lu ka Agabus. Kaʼa mantsa: « Dzaʼa slaku maya ta ghəŋa haɗik demdem, » kaʼa manda ya mnana Sulkum nda ghuɓa. Ka slatá tsi tama ma fitika gay Klawdi ta mgham.

Slna gwal ghunay 7:11

Ka slatá maya ta inda haɗika Masar nda ya ta haɗika Kanʼana. Ghuyaŋ ghuya lu katakata. Ka traptá dzidzíha mu ta skwi ŋa zaŋta.