Zlrafta 4:4 - Hdi

⁴ Lagha Abel tsatsi guli, ka kladaghatá ya nda mala ma taŋtaŋa yakwa rina ni. Ka tsuʼaftá Yawe ta Abel nda skwa ni vla tsi tani.

Zlrafta 4:4 Mawu Ofanana

Zlrafta 15:17

Manda dɗatá fitik, ka saha grusl tɗik katakata, ka lab zlghakwa vu nda ɗiŋ, ma takataka tsa rini tsatsanap lu ya kay.

Zlrafta 4:3

Ma sana fitik gufwak, ka hlaʼatá Kayinu ta skwi hva tsi nda hva, ka mbəhatá tsi ta Yawe.

1Mgh 18:24

Tahula tsa, ka haga kuni ta hga lazglafta ghuni. Iʼi ya guli, dzaʼa hgay yu ta hga Yawe. Tsa lazglafta dzaʼa zlghaftá wi nda vu ya ná, tsaya Lazglafta, » kaʼa. Ka mnduha demdem mantsa: « Zɗa tsa gwaɗa ya, » ka həŋ.

1Mgh 18:38

Ka dɗagatá vwa Yawe ta luwa, ka dəghwaɗutá tsa skwa pla ghəŋ ŋa dray tsuh tsuh ya, nda hasuʼu tani, nda palaha tani, nda haɗik tani, ka niʼaftá tsi ta tsa imi ma guɗuk ya.

1Rus 21:26

Ka dzihwaftá Dawuda hada ta gwir ŋa Yawe. Ka valatá tsi ta skwiha pla ghəŋ ŋa dray tsuh tsuh, nda skwiha pla ghəŋa zɗaku. Ka hgaŋtá tsi ta Yawe, ka zlghanaftá tsi ta wi nda vu ta saha daga ta luwa ta tsa gwira pla ghəŋ ŋa dray tsuh tsuh ya.

2Rus 7:1

Kɗiŋta Salumuŋ ta ndəɓa dzvu, ka saha vu daga ta luwa, ka driŋtá skwa pla ghəŋ ŋa dray tsuh tsuh, nda skwa pla ghəŋha, ka ndəghanaftá glakwa Yawe ta tsa həga ya.

Sabi 13:12

ka faghuta kuni ŋa Yawe ta inda zumali yaga lu nda ya. Inda dugzum, nda maŋazak, nda lghəŋ ka zumali mataba rina ghuni guli ná, ŋa Yawe həŋ.

La Levi 9:24

Ka sab vu da Yawe, ka dəghwaɗutá tsa skwa pla ghəŋ ŋa dray tsuh tsuh, nda vliha nda mala nda mala ta gwir ya. Ka nghaŋtá la Israʼila demdem, ka hlaftá həŋ ta wi ka rfu, ka zlambata həŋ zluzlumbruh ta haɗik.

Mbsak 16:15

Ka gufaftá ŋuɗufa Musa katakata, kaʼa nda Yawe mantsa: « Ma tsuʼaf ka ta mbəhuha taŋ. Klaghu a yu ta kəɗih dər turtuk da həŋ wu, haɗ dmaku gana yu ta mndu dər turtuk mataba taŋ wu, » kaʼa.

Mbsak 16:35

Ka sab vu da Yawe, ka dəghaɗutá tsa mnduha his dərmək nda hutaf mbsak ta vla urdi ŋa dray nda dra ya.

Mbsak 18:12

Ta vlagha vla yu ta inda taŋtaŋa skwi ta vlata həŋ ŋa Yawe: Rɗi ya ɗina, nda ima inabi ta ka nunu, nda nimaya. Taŋtaŋa skwiha ta vlata həŋ ŋa Yawe, ta vlagha vla yu.

Mbsak 18:17

Ama yaha ka da vara zumala sla, dər ŋa tuwak, dər ŋa gu: Faghu fa lu ta tsaha ya ŋa ɗa. Ka wutsikafta ka ta usa taŋ ta gwir, ka drafta ka ta ghwaviɗa taŋ ka mbəhu draf lu ta vu, zɗəgana həlata ni ta Yawe.

Hebru 11:4

Nda ma zlghay nda ŋuɗufa ni klafta Abel ta skwa pla ghəŋ ta malaghutá ɗinaku ka ŋa Kayinu, ka vlaŋtá Lazglafta. Tsa zlghay nda ŋuɗufa ni ya kəl Lazglafta ka klafta ka mndu tɗukwa, kabga tsuʼaf tsuʼa ta tsa skwi vlaŋ tsi ya. Nda mta Abel má mndani, ama kabga zlghay nda ŋuɗufa ni ná, tata gwaɗa tsatsi.

Hebru 9:22

Manda ya mna zlahu ná, wər nda us ta ghuɓiŋta lu ta inda skwi. Ka pghu a us ná, haɗ platá dmaku wa.

Suna Yuhwana 13:8

ŋa tsəlɓay inda mnduha ta ghəŋa haɗik ta tsəlɓu ŋa ni, Tsa gwal kul vindaku hga taŋ ma defteri hafu daga zlrafta ghəŋa haɗik da Zwaŋa. Tuwak ya si dza lu ya dzaʼa tsəlɓa tsa tsəlɓu ya.

Gwal tsa guma 6:21

Ka tsəghadaptá tsa duhwala Yawe ya nda wa dafa ma dzva ni, ka ksaŋtá tsa sluʼi nda buradiha kul haɗ is mida ya, ka sab vu ma kutumba ka driŋtá tsa sluʼi, nda tsa buradiha kul haɗ is mida ya. Ka gi zwaɗutá tsa duhwala Yawe ya rək ta wa ira ni.

1Sam 15:22

Ka Samuyel mantsa: « Mal zɗəganata pla ghəŋ ŋa dray tsuh tsuh, nda sanlaha ma skwa pla ghəŋ ta Yawe, ka snatá gwaɗa ni ra? Mantsa a wa! Mal snatá gwaɗa, ka pla ghəŋha. Malaghu mala fatá sləməŋ ɗina, ka ghwaviɗa maŋazak.