Zlrafta 39:9 - Hdi

⁹ Malaghu a tsatsi nda ga mgham ma na həga na ka iʼi wa. Haɗ sana skwi pyaf tsi ta iʼi wu, ba kagha, kabga markwa taŋ ka. Waká yu dzaʼa magatá mndərga tsa ma ghwaɗaka skwi, ka gatá dmaku ta wa ira Lazglafta? » kaʼa.

Zlrafta 39:9 Mawu Ofanana

Zlrafta 13:13

Ama tsa gwal ma luwa Sədum ya ná, ta sidi həŋ, dagala dmaku ta gə həŋ ta wa ira Yawe.

Zlrafta 20:3

Mantsa tama, ka sagha Lazglafta slanaghatá Avimelek girviɗik ma suni, kaʼa nda tsi mantsa: « Nda mta ka dabga na marakw klaf ka na, kabga mamu zəʼala taŋ, » kaʼa.

Zlrafta 20:6

Ka Lazglafta nda tsi ma suni mantsa: « Iʼi guli ná, nda sna yu maga maga ka ta skwi tɗukwa ma ŋuɗufa gha, pyaf pya yu ta kagha ka magihatá dmaku, tsaya kwal yu vlaghatá tvi ŋa ksaŋta.

Zlrafta 20:9

Ka hgaktá Avimelek ta Abraham, kaʼa nda tsi mantsa: « Nu mndərga na magaŋna ka na? Dmakwa wu ya maga gha yu? Kəl ka ka klaŋnaktá dmaku ta ghəŋa iʼi nda ya ta ghəŋa luwa ga mghama ɗa na? Magiha maga ka ta skwi ya má dzaʼa kwal kul magavata, » kaʼa.

Zlrafta 24:2

Ka Abraham nda galata mndu mataba kwalvaha ni, ya ta ga mgham ta ghəŋa inda skwa ni mantsa: « Fiŋ fa ta dzva gha mista rkufa ɗa,

Zlrafta 39:10

Inda fitik, ka gɗata tsi ta gwaɗa tsa gwaɗa ya nda Yusufu, ama ka kwalaghutá tsi ta hanata nda tsi, ka nzata nda tsi.

Zlrafta 41:40

Kagha dzaʼa faghamta yu ta həga ɗa ma dzva gha. Da kagha dzaʼa sna inda mnduha ma dzva ɗa ta gwaɗa. Ba nda dughurukwa ga mghama ɗa kweŋkweŋ dzaʼa malaghuta yu ta kagha.

Zlrafta 42:18

Baɗu mahkəna fitik, ka Yusufu nda həŋ mantsa: « Iʼi ná, mnda zləŋa Lazglafta yu, wya skwi dzaʼa kuni magay ka ta kumay kuni ta nzakwa ghuni nda hafu.

2Sam 11:27

Manda hlatá taw, ka ghunaftá Dawuda ta mndu da tsi ŋa klagaghuta da taŋ. Ka nzakw tsi ka markwa taŋ, ka yanatá tsi ta zwaŋa zgun. Ama zɗəgana a tsa skwi maga Dawuda ya ta Yawe wa.

2Sam 12:13

Ka Dawuda nda Nataŋ mantsa: « Gana ga yu ta dmaku ta Yawe! » kaʼa. Ka Nataŋ nda tsi mantsa: « Plagha pla Yawe ta dmakwa gha, mtuta a ka wa.

Nəhemiya 5:15

Makəɗ iʼi, tsa guvnaha ta laghu nda hul ya ná, ta mnduha si nzafta həŋ. Si ta hlaghu hla həŋ ta skwa zay, nda ima inabi, nda sulay fwaɗ mbsak ta ghəŋa ni, da həŋ. Ndaɗaʼa ka gwal si ta ksa slna kawadaga nda həŋ si ta ghuya mnduha wa. Ama iʼi, magaŋ a yu mantsa wu, kabga ta zləŋay yu ta Lazglafta ɗa.

Nəhemiya 6:11

Ka yu mantsa: « Mndu manda na iʼi na dzaʼa hwaya ra? Wati ma mndu ya manda iʼi dzaʼa lami da huɗa həga Lazglafta ŋa nzata ni nda hafu na? Haɗ yu ta lam wu, » ka yu.

Sabi 20:14

Ma hlə ka tiri.

La Levi 20:10

Ka gaga mndu ta hliri nda markwa mndu katsi, tsa zgun ta hliri ya, nda tsa marakw ya tani, pslatá həŋ his his.

La Levi 6:2

« Mnanaf mna ta i Haruna nda zwana ni, kazlay na: Wya tva skwi ŋa magay nda skwa pla ghəŋ ŋa dray tsuh tsuh kəʼa. Dzaʼa han ta gwir tsa skwa pla ghəŋ ŋa dray tsuh tsuh ya ta zlghaku petsuweɗ vli ha ga sərɗək, mbaɗa lu ka ŋasa vu.

Mbsak 32:23

Ama ka maga a kuni mantsa wu, gana ga kuni ta dmaku ta Yawe, ka snaŋta kuni kazlay dzaʼa mista ghuni dmakwa ghuni kəʼa.

Lukwa 12:48

Kwalva ya kul snaŋtá skwi ta kum mghama ni, ka magatá tsi ta skwiha prək ka ɗgapta, kiʼa yeya dzaʼa ɗguŋta lu. Ka dagala vlaŋta lu ta mndu katsi, dagala dzaʼa ɗawa lu da tsi guli. Ka si fərta tani vlaŋ lu ta mndu katsi, fərta tani dzaʼa ɗawu lu da tsi guli, » kaʼa.

1Kwa 4:2

Vərɗa skwi ya ta psə lu da mndu ya fanam lu ta skwi ma dzvu ná, nzakwa ni ka ŋərma mndu.

Titus 2:10

Yaha həŋ da kasaŋtá skwiha taŋ. Ŋərma skwi ka həŋ da magay katək, kada grafta daŋahəga ni həga taŋ kazlay: Tɗukwa mnduha həŋ kəʼa. Mantsa dzaʼa kəl mnduha ka ghuba tsa skwiha ta tagh mu ta ghəŋa Lazglafta mnda mba amu ya.

Hebru 13:4

Inda kaghuni demdem, vlaŋwa vla ta sgit ta kluvtá vgha, yaha marakw dər zəʼal da hliri, kabga dzaʼa tsay Lazglafta ta guma ta ghəŋa gwal ta maga sliʼiŋsliʼiŋ, nda gwal ta hliri tani.

1 Yuhwana 3:9

Dər wati ma mndu ta nzakway ka Zwaŋa Lazglafta, haɗ ta ga dmaku wu, kabga mamu Sulkuma Lazglafta ma ŋuɗufa ni. Haɗ ta kɗaŋtá maga dmaku ɗekɗek wu, kabga nda nza Lazglafta ka Da ni.

Suna Yuhwana 21:8

Ama gwal ta yaɗi, nda gwal ta mbrəs, nda gwal ta maga manzakɗaway skwiha, nda gwal ta pslatá mndu, nda gwal ta maga sliʼiŋsliʼiŋ, nda gwal ta mbaɗaku, nda gwal ta wuya skwi, nda inda gwal ta tsakalawi ya, da duda vu ghandand dzaʼa pghaghata lu ta həŋ. Tsaya ta nzakway ka mahisa mtaku, » kaʼa.

Suna Yuhwana 22:15

Ama gwal ta nzakway ta magaku manda kriha, nda gwal ta mbəɗaku, nda gwal ta maga sliʼiŋsliʼiŋ, nda gwal ta pslatá mndu, nda gwal wya skwi, nda inda gwal zɗəgana tsakalawi, ta tsakalay həŋ guli ya, mabli dzaʼa zlanata lu ta tsaha ya.