Zlrafta 32:10 - Hdi

¹⁰ Ka mag Yakubu ta duʼa, kaʼa mantsa: « Lazglafta da ɗa Abraham, Lazglafta da ɗa Izak! Kagha Yawe ta mnihata kazlay: “Vra ta haɗika gha, da taba mndəra ghuni, dzaʼa maga gha maga yu ta zɗaku” kəʼa,

Zlrafta 32:10 Mawu Ofanana

Zlrafta 24:27

kaʼa mantsa: « Glaku na ŋa Yawe! Lazglafta daŋahəga ɗa Abraham, ta kwal kul tsanaptá nzaku tɗukwa, nda maga zɗaku ŋa daŋahəga ɗa. Ka kla Yawe ta səla ɗa da həga ga zwana ma ni ma daŋahəga ɗa, » kaʼa.

2Sam 7:18

Ka lagha mgham Dawuda nzata ta kəma Yawe, kaʼa mantsa: « Wa iʼi ni mghama ɗa Yawe, wa la ga ini ha ŋa ɓhagaɗighata gha da na vli mida yu na na?

1 Piyer 5:5

Kaghuni guli duhwalha, hanaganawa ghəŋ mista la galata mndu ta ngha Igliz. Kaghuni demdem nzawa nza nda hanatá ghəŋ ma gwaya vgha ghuni, kabga « zɗəgana a gwal ta gla ghəŋ ta Lazglafta wu, ama ta zɗanaŋ zɗa ta huɗi ta gwal ta hanaganatá ghəŋ. »

2Kwa 12:11

Manda mndu nda ksa da halaway gwaɗata yu ta tsa gwaɗa ya. Kaghuni ta mblaftá iʼi guli. Kaghuni a ma dzaʼa ghuba iʼi ra? Haɗ skwi htap iʼi ka tsa gwal ghunay ghuni dagala dagala ma kaghuni ya, dər má haɗ ghəzliwa ɗa wa.

Lukwa 17:10

« Mantsa ya kaghuni guli, ka maga maga kuni ta skwi mnaghuna Lazglafta ŋa magay katsi, “nu ghəzliwa kwalva ma aŋni ɓa, skwi ya laviŋ ŋni ta magata maga ŋni, ka kuni mnay,” » kaʼa.

Lukwa 5:8

« Mghama ɗa! laghu la gha ta vata iʼi kabga mnda dmaku yu, » ka Simuŋ Piyer tsəlɓata ma ghuva Yesu nghər tsi ta tsa skwi ya.

Vrafta ta zlahu 8:18

Ama ka hava kuni kazlay na, Yawe, Lazglafta ghuni ta vlaghunatá mbrakwa mutsaftá gadghəl kəʼa. Manda tsaya sladanata tsi ta dzratá wa ni ya waɗana tsi ta dzidzíha ghuni manda ɗaslakwa na nzakwa ni gita na.

Zlrafta 32:7

Ka vraktá tsa gwal ghunay ya da mnanatá ta Yakubu ka həŋ mantsa: « Lab la ŋni da slanaghatá zwaŋama gha Ghesav kay. Waʼa ta sagha da guya kagha kawadaga nda mnduha fwaɗ dərmək, » ka həŋ.

Zlrafta 32:5

Kaʼa mnanaftá həŋ mantsa: « Ka kuni dzaʼazlay nda mghama ɗa Ghesav na: “Wya ka kwalva gha Yakubu: Si nza ga Lavaŋ yu ka nzəɗavata ha ka sab ta gita.

Zlrafta 30:43

Ka sgaku dzaʼa gadghəla ni ta kəma ta kəma. Ndəghundəgha rina fisikha, nda kurɗuha nda ya nda kwalvaha, nda ŋalibwaha, nda kəɗihha tani.

Zlrafta 28:15

Iʼi ná, kawadaga yu nda kagha. Dzaʼa nghay yu ta kagha ma inda vli ta dzaʼa ka. Dzaʼa vraghak vra yu ta na haɗik na, kabga haɗ yu dza zlaghata wu, katək na dzaʼa maga gha maga yu ta inda skwi ya taghaf yu ta imi ta sləməŋ, » kaʼa.

Zlrafta 18:27

Ka Abraham guli mantsa: « Wya dzvu, iʼi ta nzakway ka gəninik, ka hutiɗifa skwi, kwara kwara ya ta mag yu ka gwaɗa nda kagha Rvera ɗa.

2Sam 17:24

Ɓhadagha ɓha Dawuda da luwa Mahanayim, ta tsughwaɗaptá Avsalum ta Yardeŋ, kawadaga nda inda mnduha la Israʼila.

Zlrafta 24:12

Kaʼa mantsa: « Yawe, Lazglafta daŋahəga ɗa Abraham, wya dzvu, payaɗif paya ta zɗaku ma na guya vgha na gita. Maranaŋ mara ta zɗakatahuɗa gha ta daŋahəga ɗa Abraham.

Zlrafta 28:13

Ka sladanavatá Yawe ta vata ni, kaʼa nda tsi mantsa: « Iʼi Yawe, Lazglafta Abraham ta nzakway ka da gha, Lazglafta Izak. Nana haɗik hana ka tida na ná, dzaʼa vlagha vla yu ta kagha nda zivira gha tani.

Zlrafta 31:3

Ka Yawe nda Yakubu mantsa: « Vra ta haɗika dzidzíha gha, da taba la ghuni, dzaʼa nza nza yu kawadaga nda kagha, » kaʼa.