Zlrafta 3:13 - Hdi

¹³ Ka Yawe, Lazglafta nda tsa marakw ya mantsa: « Nahgani na maga ka? » kaʼa. « Nahaɗik ta barifta, ka zuta yu, » ka tsa marakw ya.

Zlrafta 3:13 Mawu Ofanana

Zlrafta 12:18

Ka hgadaghatá Firʼawna ta Abram da taŋ. Kaʼa nda tsi mantsa: « Nahgani na magiha ka? Si nu kul mniɗiŋtá ka kazlay markwa ini ya kəʼa?

Zlrafta 44:15

Ka Yusufu nda həŋ mantsa: « Wati ma slna na maga kuni? Sna a kuni kazlay mndu manda na iʼi na na, ta sunay yu ta skwi kəʼa ra? » kaʼa

2Sam 3:24

Ka lagha Yuʼav slanaghatá mgham, kaʼa nda tsi mantsa: « Nahgani tsa maga ka na? Ka sagha Avner da kagha ná, ka zliŋta gha tsəɗek ra?

1Mgh 13:18

Ka tsa halata anabi ya nda tsi mantsa: « Iʼi guli ná, anabi yu manda va kagha, duhwala Lazglafta ta mnihatá gwaɗa Yawe, kaʼa nda iʼi na: “Vranak vra mista gha da ghuni, ka zaʼata tsi ta skwa zay, ka saʼata tsi ta skwa say,” » kaʼa. Tsaw tsakalawi tsa tsakalana tsi.

La Levi 12:5

Ama ka makwa ya tsi, dzaʼa nza nza ka marakw ta tsaɗ lu ka luma his, manda ya ma fitika sagha zuʼi tida guli. Tahula tsa, ŋa magata ni ta fitik mkuʼ mbsak mkuʼ mida ta kliŋtá skwa tsaɗ ma tsa usa ni ya.

Yunusa 1:10

Ka ksaftá zləŋ katakata ta tsa mnduha ya, ka həŋ nda tsi mantsa: « Nahgani na maga ka? » ka həŋ. Nda sna tsa mnduha ya kazlay hwaya ta hway tsi diʼiŋ nda Yawe kəʼa, kabga rusanaf rusa ta həŋ.

Yuhwana 18:35

« Iʼi! La Yahuda yu ra? La ghuni, nda maliha ta ghəŋa gwal dra skwi ŋa Lazglafta ta klaktá kagha da iʼi, nahgani maga ka ya katək na? » ka Pilat nda tsi.

La Ruma 7:11

Mutsaf mutsa dmaku ta tvi, ka klaftá tsi ta zlahu ŋa nana iʼi ka ga dmaku, ka dzihatá.

2Kwa 11:3

Skwi ta zləŋ yu kweŋkweŋ ná, duŋwa lu da baraghatá kaghuni, da tsaghutá kuni ta tsa vərɗa ndiʼatá vgha ghuni nda Kristi ya, da nzaku tsi manda ŋa Hawa lagha nahaɗik da barafta nda hiɗakwa ni ya na, ka yu.

1Tim 2:14

Adamu a nanaf halaway guli wa, marakw ya nanaf tsi, ka kwalaghutá marakw ta snatá gwaɗa Lazglafta.

1Sam 13:11

Ka Samuyel mantsa: « Nahgani na maga ka na? » kaʼa. Ka Sawulu mantsa: « Manda nghay ɗa ta gazla mnduha ka zlaɗivata, kagha guli sagha a nda fitik ni wu, tskava tska la Filisti guli ma Mikmas,

1Sam 15:15

Ka Sawulu mantsa: « Sludziha ta hlagaghu da la Ghamalek, ka zlanatá ya ɗina ɗina mataba rina fisik, nda slaha, ŋa pla ghəŋ ŋa Yawe, Lazglafta gha. Pɗakwa taŋ ya, zaɗana zaɗa ŋni tuzluzl ta həŋ, » kaʼa.