Zlrafta 3:1 - Hdi

¹ Mataba inda nimtak tsatsaf Yawe, Lazglafta ná, mal nahaɗik hiɗata ni. Ka lagha tsi slanaghatá marakw. Kaʼa nda tsi mantsa: « Kahwathwata mnata Lazglafta kazlay na: “Yaha kuni da za yakwa dər wati ma fuha ma na gam na kəʼa ra?” » kaʼa.

Zlrafta 3:1 Mawu Ofanana

Mata 10:16

« Wana yu ta ghuna kaghuni manda tuwakha da taba kramtak mtakha. Ka nzata kuni nda hiɗa manda nahaɗik, manda ghərbuʼ kul haɗ gwaɗa ta ghəŋa ni ya ká kuni da nzata guli.

Mata 4:3

Ka gavanavatá halaway, kaʼa nda tsi mantsa: « Ka si Zwaŋa Lazglafta ka katsi ná, mnana mna ta na palaha na ka mbəɗavafta həŋ ka skwa zay, » kaʼa nda tsi.

Mata 4:6

Ka halaway nda tsi mantsa: « Ka si Zwaŋa Lazglafta ka katsi ná, vzada vza ta vgha ta haɗik. Ka lu vindafta ma gwaɗa Lazglafta na: “dzaʼa ghunaf ghuna Lazglafta ta duhwalha ni ŋa tsuʼaftá kagha ma dzva taŋ ŋa kwala səla gha da gruŋtá pala,” » kaʼa nda tsi.

Mata 4:9

Kaʼa nda tsi mantsa: « Ka tsəlɓa tsəlɓa ka ma ghuva ɗa ka vlihatá glaku, ta vlagha vla yu ta inda taŋ demdem, » kaʼa.

2Kwa 11:14

Skwa ndərmimay a tsaya wa! Halaway ka ghəŋa ni guli ná, ta klaf kla ta ghəŋa ni ka niŋta manda duhwala Lazglafta ta wuɗaku.

2Kwa 11:3

Skwi ta zləŋ yu kweŋkweŋ ná, duŋwa lu da baraghatá kaghuni, da tsaghutá kuni ta tsa vərɗa ndiʼatá vgha ghuni nda Kristi ya, da nzaku tsi manda ŋa Hawa lagha nahaɗik da barafta nda hiɗakwa ni ya na, ka yu.

1 Piyer 3:7

Kaghuni zəʼalha guli, ɗina ka kuni nzaku nda miʼa ghuni, ka famta kuni ta ɗifil ma ghəŋ, ya gwal nda hta mbrakwa taŋ hahəŋ. Ka vla kuni ta sgit ŋa taŋ, kabga tsa hafu ya ta vlə Lazglafta ka zɗakatahuɗa ni ya ná, nda hahəŋ tani, nda kaghuni tani mida. Ka mantsa ya ka kuni magay na: Ta snay Lazglafta ta duʼa ghuni.

Suna Yuhwana 12:15

Ka vnihidiŋtá tsa nahaɗik ya ta imi ma wa ni mista tsa marakw ya manda zala, má ŋa klaghata.

Suna Yuhwana 12:9

Ka sliŋwigiŋtá lu ta tsa mghama makɗakatandaŋ ya. Tsaya ta nzakway ka dzidza nahaɗik, ta hgə lu ka halaway, ghwaɗaka sulkum ta nana inda ghəŋa haɗik. Ka sliŋwigiŋtá lu ta haɗik kawadaga nda duhwalha ni tani.

Suna Yuhwana 20:2

Ka ksaftá tsi ta tsa makɗakatandaŋ dzidza nahaɗik, ta nzakway ka mghama ghwaɗaka sulkum, halaway hga ni ya. Ka habafta tsi ŋa za vaku dəmbuʼ.