Zlrafta 28:3 - Hdi

³ Ka tfaghagha tfa Lazglafta ta Mbruta ta wi, ka vlaghata tsi ta zwani nda ndəgha, ka nuta ka ka dzidza gwagwata ndəghata mndəra mnduha.

Zlrafta 28:3 Mawu Ofanana

Zlrafta 1:28

Ka tfanaghatá Lazglafta ta wi ta həŋ, kaʼa mantsa: « Yafwa ya, nzawa nza tusak, ndəghanafwa ndəgha ta haɗik, gawa ga ta mgham ta ghəŋa ni. Ka ga kuni ta mgham ta ghəŋa klipiha ma drəf, nda ɗyakha ta ndaraku ta luwa, nda ya ta ghəŋa inda skwiha ta gigiɗa vgha ta haɗik, » kaʼa.

Zlrafta 13:16

Dzaʼa yanaf ya yu ta zivira gha tusak manda gəninika haɗik. Ka dzaʼa mbəɗaf mbəɗa lu ta gninika haɗik katsi ná, dzaʼa mbəɗaf mbəɗa lu ta zivira gha guli.

Zlrafta 17:20

Ta ghəŋa skwi ya ta nghanaghatá Yismaghel ná, nda sna yu ta tawa gha. Dzaʼa tfanagha tfa yu ta wi. Dzaʼa vlaŋ vla yu ta zwani nda ndəgha. Dzaʼa yanaf ya yu tusak ta mndəra taŋ guli. Dzaʼa sab sa mghamha ghwaŋpəɗ his mida, dzaʼa nanaf na yu ka dzidza mndəra mnduha nda ndəgha.

Zlrafta 24:60

Ka tfanaghatá həŋ ta wi ta Rebeka, ka həŋ mantsa: « Kagha, makuma ŋni, ka nzata ka ka midza dəmbuʼ dəmbuʼata mnduha. Zivira gha katsi zatá luwaha ghumaha taŋ! » ka həŋ.

Zlrafta 26:24

Ta tsa rviɗik ya ka zlagaptá Yawe da tsi, kaʼa mantsa: « Iʼi Lazglafta Abraham da gha ya, ma zləŋ ka, kawadaga yu nda kagha, dzaʼa tfaghagha tfa yu ta wi, dzaʼa yanaf ya yu ta zivira gha dabga kwalva ɗa Abraham, » kaʼa.

Zlrafta 26:4

Dzaʼa yanaf ya yu ta zivira gha manda tekwatsaha ta luwa, dzaʼa vlaŋ vla yu ta inda tsa kwakwarha ya ta zivira gha. Dzaʼa mutsaf mutsa inda mndəra mnduha ta ghəŋa haɗik ta tfa wi nda ma zivira gha,

Zlrafta 27:33

Ka ghudzavaftá Izak katakata, kaʼa mantsa: « Wa tsa mndu ta rayaktá sluʼa nimtak, ka klaɗiktá tsi ya na? Ka za zaʼatá yu ta kul sagha kagha, ka tfanaghatá yu ta wi. Nda nza tsa tfa wi ya ta ghəŋa ni, » kaʼa.

Zlrafta 35:11

Ka Lazglafta nda tsi mantsa: « Iʼi Lazglafta ta Mbruta, ga ta mndu, ka yafta ka tusak. Ma kagha dzaʼa saba ndəghata mndəra mnduha, nda guyatá ghəŋa mndəra mnduha. Ma kagha dzaʼa saba mghamha guli.

Zlrafta 41:52

Ka tsanaftá tsi ta hgu ta mahisa ni ka Ifrayim, kaʼa mantsa: « Vliha vla Lazglafta ta zwani ma na haɗika ghuya ɗaŋwa ɗa na, » kaʼa.

Zlrafta 43:14

Má ka zɗaghunaŋ zɗa Lazglafta ta Mbruta ta huɗi, ka tawata tsa mndu ya ta hiɗahiɗa ta kaghuni, Ka zlighunista tsi ta i Biŋyamiŋ, nda Simghuŋ mista ghuni. Iʼi taɗa, nda dga vgha ɗa nda zwani, manda skwi kul yatá yu ta zwaŋ, » kaʼa.

Zlrafta 48:3

Ka Yakubu nda Yusufu mantsa: « Zlagap zlaga Lazglafta ta Mbruta ta wa ira ɗa ma Luz ta haɗika Kanʼana, ka tfaɗighatá tsi ta wi.

Zlrafta 48:4

Kaʼa nda iʼi mantsa: “Dzaʼa naghaf na yu ka mndu ta ga mndu, dzaʼa yaghaf ya yu tusak, dzaʼa naghaf na yu ka dzidza ndəghatá mndəra mnduha, dzaʼa vlaŋ vla yu ta na haɗika na ta zivira gha ŋa taŋ ŋa kɗekedzeŋ,” kaʼa.

Zlrafta 49:25

Slna Lazglafta da gha dzaʼa katá kagha, ka tfaghagha tfa Lazglafta ta Mbruta ta wi, tfa wi nda imi daga ta luwa nda gaftək, tfa wi nda imi ma ghuvata haɗik, tfa wi nda uʼa, tfa wi nda zlgha huɗi.

Zlrafta 9:1

Tahula tsa tama, ka tfanavatá Lazglafta ta wi ta Nuhu nda zwana ni, kaʼa mantsa: « Yawa ya ta yaku, ka nuta kuni tusak, ka ndəghanafta kuni ta haɗik.

Sabi 1:7

Ama ka yutá la Israʼila. Ka yutá həŋ tusak katakata, ka dzaʼa mbrakwa taŋ ta kəma ta kəma, ka ndəghanaftá həŋ ta tsa haɗik ya.

Sabi 6:3

Marava mara yu da i Abraham, nda Izak, nda Yakubu ka “Lazglafta ta Mbruta,” ama snanam a yu ta həŋ kazlay Yawe hga ɗa kəʼa wa.

2Kwa 6:18

Dzaʼa nzakway yu ka Da ghuni, ŋa nzakwa kaghuni ka zwana ɗa nda kwagha ɗa guli, ka Mgham Lazglafta nda mbra kəʼa ya.

Suna Yuhwana 21:22

Ma tsa luwa ya, ngha a yu ta həga Lazglafta wa. Mgham Lazglafta ta mbruta ta nzakway ka həga ni, mantsa ya Zwaŋa Tuwak guli.

Rut 2:4

Ɓats nzəɗa, ka ɓhadaghatá Bughaz si ma Betʼlehem. Kaʼa nda gwal ta tska skwi ta vwah mantsa: « Ka nza Yawe kawadaga nda kaghuni! » kaʼa. Ka həŋ mantsa: « Ka tfaghagha tfa Yawe ta wi! » ka həŋ.