Zlrafta 24:12 - Hdi

¹² Kaʼa mantsa: « Yawe, Lazglafta daŋahəga ɗa Abraham, wya dzvu, payaɗif paya ta zɗaku ma na guya vgha na gita. Maranaŋ mara ta zɗakatahuɗa gha ta daŋahəga ɗa Abraham.

Zlrafta 24:12 Mawu Ofanana

Zlrafta 15:1

Tahula tsa skwiha ta maguta ya, ka maravatá Yawe da Abram manda skwi ma suni, kaʼa nda tsi mantsa: « Abram! Ma zləŋ ka ta zləŋ. Iʼi ná, zalama gha yu, dzaʼa vlagha vla yu ta nisəla dagala, » kaʼa.

Zlrafta 24:21

Ka nzatá tsa mndu ya ka nghay kul pəslaftá wi, ŋa nghay ka zɗanaf zɗa Yawe ta tsa mbaɗa ni ya tsi ka kinawu tsi.

Zlrafta 24:27

kaʼa mantsa: « Glaku na ŋa Yawe! Lazglafta daŋahəga ɗa Abraham, ta kwal kul tsanaptá nzaku tɗukwa, nda maga zɗaku ŋa daŋahəga ɗa. Ka kla Yawe ta səla ɗa da həga ga zwana ma ni ma daŋahəga ɗa, » kaʼa.

Zlrafta 24:42

Ɓhagaghata ɗa gita ta wa vavrəm, ka yu mantsa: “Yawe! Lazglafta daŋahəga ɗa Abraham, ka ŋwaɗifta ka ta na mbaɗa ɗa na.

Zlrafta 24:48

Ka dzatá yu ta ghəŋ ka tsəlɓata ta kəma Yawe. Ka rfanaghatá yu ta Yawe, Lazglafta daŋahəga ɗa Abraham, ta kla iʼi ta vərɗa tvi, ŋa kla makwa zwaŋama ni ma daŋahəga ɗa ŋa zwaŋa ni.

Zlrafta 26:24

Ta tsa rviɗik ya ka zlagaptá Yawe da tsi, kaʼa mantsa: « Iʼi Lazglafta Abraham da gha ya, ma zləŋ ka, kawadaga yu nda kagha, dzaʼa tfaghagha tfa yu ta wi, dzaʼa yanaf ya yu ta zivira gha dabga kwalva ɗa Abraham, » kaʼa.

Zlrafta 27:10

Ka klədanamta gha ta da gha, ŋa zuta ni, ŋa tfaghaghata ni ta wi ma kɗaku tsi ka mtuta, » kaʼa nda tsi.

Zlrafta 27:20

Ka Izak nda zwaŋa ni mantsa: « Heee! waká ka magay kəl ka ka gi mutsaftá nimtak tewtew na? » kaʼa. Kaʼa mantsa: « Yawe, Lazglafta gha ta dɗiɗifta ta ghuva, » kaʼa.

Zlrafta 28:13

Ka sladanavatá Yawe ta vata ni, kaʼa nda tsi mantsa: « Iʼi Yawe, Lazglafta Abraham ta nzakway ka da gha, Lazglafta Izak. Nana haɗik hana ka tida na ná, dzaʼa vlagha vla yu ta kagha nda zivira gha tani.

Zlrafta 31:42

Ka má haɗ Lazglafta da ɗa, Lazglafta Abraham, Lazglafta ya ta tsəlɓu Izak ta tsəlɓu nda zləŋ nda zləŋ ŋa ni ya kawadaga nda iʼi wu katsi, má nda dzvu bətbət zliɗista ka. Ama ka nghadaptá Lazglafta ta ghuya ɗaŋwa ɗa, nda slna ya maga yu nda dzva ɗa. Girviɗik ɗahawu, ka kuratá ta tsihatá guma ni, » kaʼa.

Zlrafta 32:10

Ka mag Yakubu ta duʼa, kaʼa mantsa: « Lazglafta da ɗa Abraham, Lazglafta da ɗa Izak! Kagha Yawe ta mnihata kazlay: “Vra ta haɗika gha, da taba mndəra ghuni, dzaʼa maga gha maga yu ta zɗaku” kəʼa,

Zlrafta 32:9

Kaʼa ma ghəŋa ni mantsa: « Ka sagha sa Ghesav ka ndusanavatá sana ghuɓu ka liŋtá həŋ ya ná, dzaʼa hwayap hwaya ya sana ghuɓu ya, » kaʼa.

Zlrafta 43:14

Má ka zɗaghunaŋ zɗa Lazglafta ta Mbruta ta huɗi, ka tawata tsa mndu ya ta hiɗahiɗa ta kaghuni, Ka zlighunista tsi ta i Biŋyamiŋ, nda Simghuŋ mista ghuni. Iʼi taɗa, nda dga vgha ɗa nda zwani, manda skwi kul yatá yu ta zwaŋ, » kaʼa.

1Mgh 18:36

Ta fitika vla mbəhu ga hawu, ka gavadaghatá anabi Iliya, kaʼa mantsa: « Ari Yawe, Lazglafta Abraham, nda Izak, nda Israʼila! Ka snaŋ sna lu gita kazlay na kagha Lazglafta ma Israʼila, kwalva gha iʼi guli kəʼa. Ta mag manda ya mnaf ka yu ta na skwiha na.

2Mgh 2:14

Ka klaftá tsi ta tsa sɗakwa Iliya ta dɗagaghuta ya, ka dzaŋtá imi, kaʼa mantsa: « Ga Yawe, Lazglafta Iliya ya na? » kaʼa. Dzuŋta Ilisa ta tsa imi ya, ka dgavaptá tsi guli, ka tsughwaɗadapta tsi.

Nəhemiya 1:11

Kdəkkdək, mghama ɗa, fa fa ta sləməŋ ka sana duʼa kwalva gha, nda duʼa kwalvaha gha zɗəgana zləŋa hga gha. Magana maga ta skwi ya kumaŋ kwalva gha. Kdəkkdək, vlaŋ vla ta tva mutsafta ni ta zɗakatahuɗi da tsa mndu ya. » Ma tsa fitik ya ná, mndu ta vla ima inabi yu mgham.

Nəhemiya 2:4

Ka mgham nda iʼi mantsa: « Nu ta ɗaw ka da iʼi tama ɓa? » kaʼa. Ka gi mag yu tsa duʼa da Lazglafta ta luwa.

Sabi 3:15

« Ka ka dzaʼazlay nda la Israʼila guli na: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu ta ghungiɗaghata da kaghuni.” Tsaya hga ɗa ŋa kɗekedzeŋ. Nda tsa hgu ya dzaʼa hava inda zivira mnduha ta Iʼi.

Sabi 3:6

Iʼi Lazglafta da gha, Lazglafta Abraham, Lazglafta Izak, Lazglafta Yakubu, » kaʼa. Gi ka bukwamtá Musa ta kuma ni, kabga ta zləŋay ta nghaŋtá Lazglafta.

Mata 22:32

Iʼi Lazglafta Abraham, iʼi Lazglafta Izak, iʼi Lazglafta Yakubu kəʼa ya ra? Lazglafta ná, Lazglafta gwal nda rwa a wu, Lazglafta gwal nda hafu ya, » kaʼa.

Filip 4:6

Yaha kuni ndana sana skwi. Ka mamu skwi ta ndanə kuni ya, ɗawawa ɗawa da Lazglafta nda maga duʼa, nda rfanaghata guli.