Biblia Todo Logo
Baibulo la pa intaneti

- Zotsatsa -




Zlrafta 23:4 - Hdi

4 « Wana ka mayəm yu ta nzaku mataba ghuni, tsaɗifwa tsa da kaghuni ŋa ŋa ɗa ta vla kulu, ka paɗamta yu ta markwa ini, ka kliŋta yu ta mbla ni diʼiŋ ta wa ira ɗa, » kaʼa.

Onani mutuwo Koperani




Zlrafta 23:4
21 Mawu Ofanana  

Dzaʼa vlagha vla yu ŋa gha nda zivira gha ta hula gha ta na haɗik ta nzaku ka mida ka mayəm na. Dzaʼa nzakway inda haɗika Kanʼana ka ŋa ghuni ŋa ɗekɗek. Dzaʼa nzakway yu ka Lazglafta tsa zivira gha ya, » kaʼa.


Ka zwana Het nda Abraham mantsa:


Slrək visa gha kada mutsafta ka ta skwi ŋa zay gha, ha ka vraghata gha da haɗik, kabga tsagap ma haɗik lu ta kagha, gəninika haɗik ka, da tsa gəninika haɗik ya dzaʼa vra ka guli, » kaʼa.


Ka Yakubu nda Firʼawna mantsa: « Má dərmək nda hkən mbsaka ima ɗa na ta ra vli. Kiʼa yeya ima ɗa mndani, nda ghuya ɗaŋwa ɗa katakata. Ta laf a ta mbsaka vakwa ɗa ta ŋa dzidzíha ɗa ma fitika ray taŋ ta vli wu, » kaʼa.


Ka lamta kuni ta iʼi ma tsa galigha ma vwaha Makpela mbəŋ nda Mamre ta haɗika Kanʼana, skwa Abraham da Ghefruŋ la Het, ŋa nzakwa tsa kulu ya ŋa ŋa ni ya.


Ka klaghatá zwana ni ta haɗika Kanʼana, ka lamta ma galigha ma vwaha Makpela, ya skwa Abraham da Ghefruŋ mnda la Het mbəŋ nda Mamre, ŋa nzakwa tsa kulu ya ka ŋa ni.


Mayəm aŋni ta kəma gha, ka matbay ŋni, gwal ta nzakw ŋa ɗasu ɗasu, manda ŋa dzidzíha ŋni demdem. Manda sulkum ya fitika ŋni ma ghəŋa haɗik, fa a ghəŋ tida wa.


Ka yanatá tsi ta zwaŋa zgun. Ka Musa mantsa: « Gersum dzaʼa tsanafta yu ta hga ni, manda mnay kazlay “mayəm” kəʼa ya, kabga ma mayəm yu hadna, » kaʼa.


« Skwapta a kuni ta haɗik ŋa ɗekɗek wu, kabga ŋa ɗa haɗik, ka mayəm, nda matbay kaghuni ta nzakw ga ini.


Ka hlaftá lu ta mbla taŋ ka hlakta da luwa Səkem. Ka papaɗamtá həŋ hada, ma vli ya skwa Abraham nda tsedi da zwana Hamur ma luwa Səkem.


Ma tsa fitik ya, haɗ vli vlaŋ Lazglafta ka ŋa ni dər ka kwitikw wa. Ama ka tanaftá Lazglafta ta imi ta sləməŋ kazlay: Dzaʼa vlagha vla yu ta na haɗik na, ŋa nzakwa ni ka ŋa gha, nda ya ŋa zivira gha tani kəʼa. Ma tsa fitik ya, ta mutsaf a Abraham ta zwaŋ karaku wa.


Nda ma zlghay nda ŋuɗuf, ka lagha tsi nzata ka mayəm ma tsa haɗik dzaʼa lu vlaŋta, tanaf Lazglafta ta imi ta sləməŋ ya. Ka nzaku tsi ta nzaku ma həga tumpul, mantsa ya i Izak nda Yakubu guli ta nzakway ka gwal nda gwa həŋ ma tsa tatá imi ta sləməŋ ya.


Zwana ma ɗa gwal ta ɗvu yu nda ŋuɗufa ɗa, ɗina ka snaŋta ghuni kazlay, manda mayəm nzakwa ghuni, gɗavata a kuni ma na ghəŋa haɗik na wu kəʼa. Tsaya ta kəl yu ka vla mbraku ŋa ghuni, ka wara kuni ta skwi ya ta haraʼuwa kaghuni. Ya hafa ghuni ta zbə tsa skwiha ya.


Titsatireni:

Zotsatsa


Zotsatsa