Zlrafta 21:1 - Hdi

¹ Ka maganatá Yawe ta zɗaku ta Sara manda ya mna tsi. Ka maganatá tsi ta skwi ya tanaf tsi ta imi ta sləməŋ.

Zlrafta 21:1 Mawu Ofanana

Zlrafta 17:16

Dzaʼa tfanagha tfa yu ta wi, dzaʼa vlagha vla yu ta zwaŋa zgun nda ma tsatsi. Dzaʼa tfanagha tfa yu ta wi ta tsa marakw ya, ŋa nuta ni ka midza mndəra mnduha kavghakavgha. Dzaʼa sap sa mghamha ma mndəra mnduha nda ma tsatsi, » kaʼa.

Zlrafta 17:19

Ka Lazglafta nda Abraham mantsa: « Mantsa a wu! Markwa ghuni Sara dzaʼa yaghatá zwaŋa zgun. Izak dzaʼa hga ka. Dzaʼa dzraf dzra yu ta wi nda tsi, mantsa ya nda zivirha ni ta hula ni. Dzaʼa nzakway tsa dzratá wi ya ŋa kɗekedzeŋ.

Zlrafta 17:21

Ama dzratá wa ɗa ná, nda Izak dzaʼa fata yu, tsa zwaŋ dzaʼa yaghata Sara manda na luwa kɗaghalam ya, » kaʼa.

Zlrafta 18:10

Ka sani turtuk mataba taŋ mantsa: « Dzaʼa vrak vra yu da ghuni kɗaghalam manda na luwa. Ta vraktá yu, yagha ya Sara markwa ghuni ta zwaŋa zgun, » kaʼa. Ta snay Sara ta nzaku ta wa tgha tumpul nda hula Abraham.

Zlrafta 18:14

Mamu skwi ta malaghutá mbrakwa Yawe ra? Manda va na luwa kɗaghalam, ta vraktá yu da ghuni, mutsaf mutsa Sara ta zwaŋa zgun, » kaʼa.

Zlrafta 24:36

Ka yanatá Sara markwa daŋahəga ɗa ta zwaŋ ma halaku. Ka vlaŋtá daŋahəga ɗa ta inda skwa ni ta tsa zwaŋa ni ya.

Zlrafta 50:24

Ka Yusufu nda zwana ma ni mantsa: « Dzaʼa mtaku yu. Lazglafta dzaʼa kata kaghuni kahwathwata, dzaʼa sliʼaghunaf sliʼa ma Masar, ŋa hlay ni ta kaghuni ta haɗik ya waɗana tsi ta vlaŋtá i Abraham, nda Izak, nda Yakubu.

2Mgh 4:17

Ka zlghaftá tsa marakw ya ta huɗi, gə kɗaghalama ni, ka yatá tsi ta zwaŋa zgun ta va tsa luwa ya manda ya si mnana Ilisa.

Sabi 20:5

Ma tsəlɓu ka ta tsəlɓu ŋa tsa skwiha ya, ma vlə ka ta glaku ŋa taŋ, kabga iʼi Yawe, Lazglafta gha ná, Lazglafta ta draku yu. Ta ghuzlanaptá iri ta zwani dabga dmakwa dadaha taŋ, ha ka lab ta zigha ndindliŋ, ka zigha papah a tsi, ŋa gwal husaŋ yu ta həŋ.

Sabi 3:16

La! ka tskanata ka ta la galata mndu mataba la Israʼila, ka mnanata ka ta həŋ: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu, ta zlagagapta da iʼi. Kaʼa nda iʼi mantsa: Nghaghunagha ngha yu kahwathwata, nda ngha yu ta skwi ta mag lu ŋa ghuni ma Masar.

Sabi 4:31

Ka zlghaftá la Israʼila ta tsa gwaɗaha ya. Ka snaŋtá həŋ kazlay nghanagha ngha Yawe ta la Israʼila kəʼa, nda ngha ta satá duna taŋ. Mantsa tama, ka tsəlɓatá həŋ ta haɗik, ka vlaŋtá glaku.

Mata 24:35

Dzaʼa lula luwa nda haɗik, ama gwaɗa ɗa ná, walaŋta a ta luta wa. »

Lukwa 1:68

« Zləzlvama Mgham Lazglafta la Israʼila kabga sagha ni da kataŋtá mnduha ni, ka varatá tsi ta həŋ.

Lukwa 19:44

Ŋa zaɗaghata nda mnduha gha tani. Zlanata a həŋ ta nzugwatá pala ta ghəŋa sani wu, kabga tsatsaf a kagha ta tsa fitika sagha Lazglafta da kata kagha ya wu, » kaʼa.

Galat 4:23

Tsa zwaŋa tsa marakw ka vuʼa ya ná, nda ndana sluʼuvgha tsaya. Tsa zwaŋ ya tsa marakw kul haɗ ka vuʼa ya guli ná, manda ya tanaf Lazglafta ta imi ta sləməŋ tsaya.

Galat 4:28

Zwana ma ɗa, kaghuni zwana tata imi ta sləməŋ manda nzakwa Izak ya.

Titus 1:2

Ŋa nzakwa taŋ nda fatá ghəŋ ta mutsa hafu ŋa kɗekedzeŋ, kabga ghada ghada Lazglafta kul haɗ ta tsakalawi ta tamaftá imi ta sləməŋ, ma kɗaku tsi ka tsaftá ghəŋa haɗik.

Rut 1:6

Mantsa tama, ka sliʼaftá Naghumi ŋa zlanatá haɗika Muwav kawadaga nda ghwaʼaliha ni, kabga sniŋta ni ta mnay ta haɗika Muwav kazlay zɗanaŋ zɗa Yawe ta huɗi ta mnduha ni ka vlaŋtá skwa zay ta həŋ kəʼa.

1Sam 1:19

Ga mahtsima ni, ka tsavaftá Ilkana nda la ga taŋ wrək sərɗək, ka tsəlɓata ta kəma Yawe. Tahula tsa, ka vraghutá həŋ dzagha taŋ ma Rama. Ka lam Ilkana da markwa taŋ Hana, ka havaptá Yawe ka tsa marakw ya.

1Sam 2:21

Ka maranaŋtá Yawe ta zɗaku ta Hana, ka zlagh tsi ta huɗi ka yayatá zwana zgwana hkən, nda kuʼaha his. Ta glutá glakwa ni Samuyel tani ta kəma Yawe.