Zlrafta 20:7 - Hdi

⁷ Ndanana, vranava vra ta markwa tsa mndu ya, ka magaghata tsi ta duʼa, ŋa nzakwa gha nda hafu, ya anabi ya. Ama ka vranava a ka wu, graf gra kazlay dzaʼa mtaku ka kahwathwata, kagha nda inda gwal ga ghuni tani, » kaʼa.

Zlrafta 20:7 Mawu Ofanana

1Sam 7:5

Ka Samuyel mantsa: « Tskanawa tska ta la Israʼila demdem ma Mitspa, dzaʼa ndəɓay yu ta dzvu da Yawe ka ŋa ghuni, » kaʼa.

Hebru 13:4

Inda kaghuni demdem, vlaŋwa vla ta sgit ta kluvtá vgha, yaha marakw dər zəʼal da hliri, kabga dzaʼa tsay Lazglafta ta guma ta ghəŋa gwal ta maga sliʼiŋsliʼiŋ, nda gwal ta hliri tani.

2Sam 24:17

Nghay Dawuda ta duhwala Yawe ta rwa mnduha, kaʼa nda Yawe mantsa: « Ngha ɓa! Iʼi ta gatá dmaku, iʼi turtukwa ɗa ta guvtá krughuvi. Mnda ngha tuwak ta guvtá krughuvi, ama nu maga na bra rini na? Wya dzvu dza ta iʼi nda la ga ini, wya dzvu, » kaʼa.

1Rus 16:22

« Ma ksaŋ kuni ta gwal zbap yu ta həŋ nda ma pghanaghatá rɗi, ma magana kuni ta ghwaɗaka skwi ta anabiha ɗa, » kaʼa.

2Mgh 5:11

Ka ɓasaftá Naghamaŋ ta ŋuɗuf ka gi sliʼaftá tsi ka mbaɗa, kaʼa mantsa: « Ka yu sizlay na: “Dzaʼa sab sa tsa anabi ya da iʼi, ŋa hgaŋta ni ta hga Yawe, Lazglafta ni, ŋa zukwaŋta ni ta dzvu ta tsa vla ɗaŋwa ɗa ya, ka mbanafta ni ta na ghwaɗaka lku na,” ka yu sizlay.

1 Yuhwana 5:16

Ka nda ngha mndu ta zwaŋama ni ta ga dmaku, dzaʼa kwal kul klaghata da mtaku ŋa kɗekedzeŋ katsi, ka maga tsi ta duʼa da Lazglafta ta ghəŋa tsa mndu ya ŋa vlaŋta Lazglafta ta hafu. Tsa hafu ya, ŋa gwal ta ga dmaku dzaʼa kwal kul klaghatá həŋ da mtaku ŋa kɗekedzeŋ dzaʼa vla lu. Mamu dmaku ta kla mndu da mtaku ŋa kɗekedzeŋ. Mna a iʼi kazlay: Ka maga kuni ta duʼa da Lazglafta ta ghəŋa mndərga tsaya kəʼa wa.

Hebru 1:1

Manda ghalya ná, nda kɗa fitika Lazglafta ta gwaɗganatá dzidzíha mu nda ta tvi kavghakavgha nda ma wa la anabi.

1Kwa 14:4

Mndu ta mna gwaɗa nda sanlaha ma gwaɗaha ná, ŋla ghəŋa ni ta ŋlə tsatsi, ama mndu ta kla lwa Lazglafta, *Igliz ŋa ni ta ŋlay.

1Mgh 13:6

Ka mgham nda mnda Lazglafta tama mantsa: « Kdəkkdək, tawa ta taw da Yawe, Lazglafta gha, wya dzvu ka ŋa ɗa, kada vranakta yu ta dzva ɗa, » kaʼa. Ka ndəɓanatá mnda Lazglafta ta dzvu ta Yawe, ka vranaktá mgham ta dzva ni da tsi, ka nzatá tsi manda va vla ni.

1Sam 12:23

Iʼi ná, va a yu ɗekɗek ta ganata ɗa ta dmaku ta Yawe, nda ma zlanata ɗa ta maga duʼa da tsi ta ghəŋa kaghuni wa! Katək na, dzaʼa gɗa gɗa yu ta taghaghunatá tvi tɗukwa, ndəɗapa.

1Sam 12:19

Ka inda mnduha nda Samuyel mantsa: « Ndəɓana ndəɓa ta dzvu ta Yawe, Lazglafta gha ta ghəŋa aŋni kwalvaha gha, kada kwala ŋni ta rwuta, kabga aŋni ta sganaghatá dmakwa ŋni, dmakwa ɗawaŋta ŋni ta mgham, » ka həŋ.

1Sam 7:8

Ka la Israʼila nda Samuyel mantsa: « Ma nza ka tsəriɗa! Ma zlaŋnava ka! Waha ta wahu da Yawe, Lazglafta mu, ŋa katapta ni ta amu ma dzva la Filisti! » ka həŋ.

La Levi 6:7

« Wya tva skwi ŋa magay nda mbəha nimaya: Zwana Haruna dzaʼa kladaghata ta kəma Yawe, ta wa gwir.

La Levi 6:4

Tahula tsa, ŋa suɗiŋta ni ta lgutha ni, ka suɗavatá sanlaha ma lgutha, ŋa klaghata ni ta tsa hutiɗif ya ta hula ghuɓu ma vli kul tsaɗ lu.

Sabi 18:17

Ka dzidza Musa mantsa: « Na skwi ta mag ka na ná, ɗina a wa.

Sabi 7:1

Ka Yawe nda Musa mantsa: « Fa fa ta sləməŋ. Manda Lazglafta fata yu ta kagha ta kəma Firʼawna. Zwaŋama gha Haruna ya guli ná, manda anaba gha tsatsi.

Sabi 4:16

Tsatsi dzaʼa gwaɗa nda mnduha ma vla gha, tsatsi dzaʼa kla lwa gha, manda nzata nzakwa Lazglafta ya kagha ma tsatsi.

Zlrafta 20:18

kabga si tsatsiŋ tsatsa Yawe ka dzəghəŋ ta inda miʼaha ma həga ga Avimelek dabga gwaɗa ta Sara, markwa Abraham.

Zlrafta 12:17

Ama ka ghuyanaptá Yawe ta ɗaŋwa ta Firʼawna nda la ga taŋ tani, nda zləmnda katakata, dabga Saray, markwa Abram.

Zlrafta 12:15

Manda nghaŋta gwal dagala dagala ga Firʼawna guli, ka laghu həŋ da ghubay ta kəma Firʼawna. Mantsa tama, ka kladaghatá həŋ ta tsa marakw ya da həga ga Firʼawna.

Zlrafta 2:17

Ama yakwa ya fwa snaŋta skwi ɗina nda ghwaɗaka skwi ya, yaha ka da zay. Baɗ da zuta ka ta yakwa tsa fu ya, dzaʼa mtay ka ta mtaku. »

Slna gwal ghunay 8:24

Ka tsa Simuŋ ya nda həŋ mantsa: « Kdəkwa kdək, magawa vərɗa kaghuni ta duʼa ta ghəŋa ɗa, kada kwala tsa skwiha mna kuni ya da slaɗighata, » kaʼa.

Zlrafta 20:3

Mantsa tama, ka sagha Lazglafta slanaghatá Avimelek girviɗik ma suni, kaʼa nda tsi mantsa: « Nda mta ka dabga na marakw klaf ka na, kabga mamu zəʼala taŋ, » kaʼa.

Zlrafta 20:8

Ka sliʼaftá Avimelek wrək tgha, ka hagaktá tsi ta inda kwalvaha ni, ka snanamtá inda tsa skwiha ya da sləməŋa taŋ. Ka zləŋ tsa mnduha ya da zləŋ katakata.

Zlrafta 23:6

« Faŋna fa ta sləməŋ mghama ɗa! Mndu dagala fa Lazglafta kagha mataba ŋni, paɗam paɗa ta markwa ghuni ma ŋərma vli ya mataba kuluha ŋni, haɗ mndu mataba aŋni dzaʼa kwalaghutá vlaghatá vla kulu ŋa paɗamtá mbla markwa ghuni wa, » ka həŋ.

2Rus 30:18

kabga ta dagala mnduha la Ifrayim, nda la Mənase, nda la Yisakar, nda la Zəvuluŋ, kul tsaɗaku. Ka zutá həŋ ta Pak kul magata manda ya nda vinda. Tsaya kəl Hizkiya ka ndəɓatá dzvu ta ghəŋa taŋ, kaʼa mantsa: « Yawe mnda zɗaku, slərɓanap slərɓa ta zughu ta həŋ,