Biblia Todo Logo
Baibulo la pa intaneti

- Zotsatsa -




Zlrafta 17:8 - Hdi

8 Dzaʼa vlagha vla yu ŋa gha nda zivira gha ta hula gha ta na haɗik ta nzaku ka mida ka mayəm na. Dzaʼa nzakway inda haɗika Kanʼana ka ŋa ghuni ŋa ɗekɗek. Dzaʼa nzakway yu ka Lazglafta tsa zivira gha ya, » kaʼa.

Onani mutuwo Koperani




Zlrafta 17:8
47 Mawu Ofanana  

Ka maravatá Yawe ta kəma Abram, kaʼa nda tsi mantsa: « Dzaʼa vlaŋtá zivira gha yu ta na haɗik na, » kaʼa. Ka dzihwaftá Abram ta gwir ŋa Yawe ta zlagapta da tsi ya.


Inda na haɗik ta nghə ka na, dzaʼa vlaghatá kagha yu nda zivira gha tani ŋa ɗekɗek.


Sliʼaf sliʼa ka ranafta ka ta na haɗik na, lab ka nda təv slrakwa ni, lab ka nda təv bughwata ni, kabga ŋa gha dzaʼa vlaghata yu, » kaʼa.


« Wana ka mayəm yu ta nzaku mataba ghuni, tsaɗifwa tsa da kaghuni ŋa ŋa ɗa ta vla kulu, ka paɗamta yu ta markwa ini, ka kliŋta yu ta mbla ni diʼiŋ ta wa ira ɗa, » kaʼa.


Ta tsa rviɗik ya ka zlagaptá Yawe da tsi, kaʼa mantsa: « Iʼi Lazglafta Abraham da gha ya, ma zləŋ ka, kawadaga yu nda kagha, dzaʼa tfaghagha tfa yu ta wi, dzaʼa yanaf ya yu ta zivira gha dabga kwalva ɗa Abraham, » kaʼa.


Ka tfanaghata tsi ta wi ta zivira gha manda ŋa Abraham, ŋa nzakwa na haɗik ta nzakw ka mida ka mayəm na ka ŋa gha. Tsa haɗik ya vlaŋ Lazglafta ta Abraham ya, » kaʼa.


Ka sliʼaftá Yakubu ka lagha da Izak ta nzakway ka da ni, ma Mamre ndusa da Kiriyatʼarba ta hgə lu gitana ka Hevruŋ. Si nza nza i Abraham nda Izak hada.


Dagala skwa dzvu da həŋ katakata, laviŋ a həŋ ta nzata ma vla turtuk wu, laviŋ a tsa haɗik ta nzaku həŋ mida ya ta ŋaftá wu, kabga dagala bra rina taŋ.


Ka nzatá Yakubu ta haɗika Kanʼana, ta haɗik ya si nza da ni.


Kaʼa nda iʼi mantsa: “Dzaʼa naghaf na yu ka mndu ta ga mndu, dzaʼa yaghaf ya yu tusak, dzaʼa naghaf na yu ka dzidza ndəghatá mndəra mnduha, dzaʼa vlaŋ vla yu ta na haɗika na ta zivira gha ŋa taŋ ŋa kɗekedzeŋ,” kaʼa.


Wya ká Lazglafta magata nda həga ɗa: Dzraf dzra ta wi nda iʼi ŋa ɗekɗek, ka fatá tsi, ka payanata ɗina demdem. Dər ma fitika wu tsi, ta vliha vla ta zatá ghwa, ta hɗiɗim hɗa ta inda skwi ya ta kum yu.


nda mnay kazlay na: « Dzaʼa vlagha vla yu ta haɗika Kanʼana, ka haɗika za həga dzaʼa kuni mutsay, » kəʼa ya.


Ka kəɗ Musa ta mnay: « Dzaʼa hladaghunam hla Yawe da haɗika la Kanʼana ya waɗaghuna tsi, kaghuni nda dzidzíha ghuni ya. Vlaghunata ni ya,


tsaya tama ná, dzaʼa kladagha kla daŋahəga ni ta kəma Lazglafta, ŋa fata ta vata paɗəwa tgha, ka ta vata wa tgha a tsi, ŋa zlranapta ni ta sləməŋ nda dzili, ŋa nzakwa ni ŋa ksanatá slna ŋa ɗekɗek.


Dzaʼa nzam nza yu mataba la Israʼila, dzaʼa nzakway yu ka Lazglafta taŋ.


Havap hava ka kwalvaha gha i Abraham, nda Izak, nda Israʼila, waɗana ka ta həŋ kahwathwata ya. Ka ka nda həŋ na: “Dzaʼa yanaf ya yu ta hulfa ghuni tusak manda tekwatsaha ta luwa. Dzaʼa vlaŋ vla yu ta hulfa ghuni ta inda na haɗik mnə yu na, ŋa nzakwa ni ka ŋa taŋ ŋa ɗekɗek,” ka ka, » kaʼa.


Ka paghanaghata ka ta rɗi ta həŋ manda va ya pghanagha ka ta da taŋ ya ŋa magihata taŋ ta slna dra skwi. Tsa pghanaghatá rɗi ta həŋ ya ná, tsaya dzaʼa fata həŋ ma slna dra skwi ka ŋa ɗa ŋa ɗekɗek ha zivir zivira taŋ, » kaʼa.


Dzraf dzra yu ta wi nda həŋ guli ŋa vlaŋtá ɗa ta həŋ ta haɗika Kanʼana, si nza həŋ ka mayəm mida ya.


Dzaʼa hlaf hla yu ta kaghuni ŋa nzakwa ghuni ka mnduha ɗa, ŋa nzakwa ɗa ka Lazglafta ghuni. Mantsa tama, dzaʼa snaŋ sna kuni kazlay Iʼi Yawe, Lazglafta ghuni, ta hlagaghunapta ma slna mbraku ma Masar.


« Ɓhadaghata ghuni da Kanʼana, haɗik ya dzaʼa vlaghunata yu ŋa ŋa ghuni, ka zlagigiŋ zlaga yu ta ghwaɗaka mavyavya ta sana həga ta haɗik ta nzakway ka ŋa ghuni,


Tsaya zlahu ŋa ɗekɗeka ghuni ta nghanatá slərɓanaptá zughu ta la Israʼila dabga dmakuha taŋ turtuk səla ma vaku, » kaʼa. Mantsa tama, ka magatá lu ta inda skwi ya mnanaf Yawe ta Musa.


Dzaʼa gɗava gɗa yu kawadaga nda kaghuni, ŋa nzakwa ɗa ka Lazglafta ghuni, ta nzakw kaghuni ka mnduha ɗa.


Ka Musa nda Huvav zwaŋa dzidza ni Rəghuʼel mnda la Midyaŋ, mantsa: « Ta sliʼi da vli ya taŋnaf Yawe ta imi ta sləməŋ ŋni. Kaʼa na: “Dzaʼa vlaghuna vla yu,” kaʼa. Sawi mista ŋni. Dzaʼa maga gha maga ŋni ta zɗaku, kabga mamu zɗaku tanaf Yawe ta imi ta sləməŋ ta la Israʼila, » kaʼa.


Dzaʼa nzakway tsa dzratá wi ya ŋa granaftá nzakwa ni ka mndu ta maga slna dra skwi ŋa Lazglafta, nda zivira ni tani ŋa ɗekɗek, kabga skwaghutá ta draku ma vla Lazglafta ni, ka slərɓanaptá tsi ta zughu ta la Israʼila guli, » kaʼa.


Ka Yawe nda Musa mantsa: « Laf la ta ghəŋa na ghwáha Ghavarim na, ka nghanata ka ta tsa haɗik vlaŋ yu ta la Israʼila ya.


Ma tsa fitik ya, haɗ vli vlaŋ Lazglafta ka ŋa ni dər ka kwitikw wa. Ama ka tanaftá Lazglafta ta imi ta sləməŋ kazlay: Dzaʼa vlagha vla yu ta na haɗik na, ŋa nzakwa ni ka ŋa gha, nda ya ŋa zivira gha tani kəʼa. Ma tsa fitik ya, ta mutsaf a Abraham ta zwaŋ karaku wa.


Kaghuni ná, nda fa kuni ka ŋa Yawe, Lazglafta ghuni. Yawe ta psaptá kaghuni ŋa nzakwa ghuni ka mnduha ni, ŋa nzakwa ghuni nda sgit ta həŋ mataba inda mndəra mnduha ta ghəŋa haɗik. »


Gita, ta mnaŋta Yawe kazlay, mnda ni ta nzakway ka ŋa ni nda sgit tida ka kəʼa, manda ya taghaf tsi ta imi ta sləməŋ, ka snata kagha ta inda zlahuha ya mnaf tsi,


Nda na kaghuni na a kweŋkweŋ ta dzrafta yu ta wi nda waɗu wu,


« Ŋla ta ghwáha Ghavarim, ta ghwá Nevu ta nzakway ta haɗika Muwav mbəŋ nda Yeriku ya, ka nghadapta ka ta haɗika Kanʼana ta vlaŋta yu ta la Israʼila ka ŋa taŋ ya.


Ma daganafta Lazglafta Dagala ta skwa za həga taŋ ta mndəra mnduha, manda kɗakwa ni ta dagaptá mnda səla, ka kwakwaranatá tsi ta mukumaha taŋ, taɓta nzakwa mbsaka la Israʼila.


Ka Yawe nda tsi mantsa: « Tsaya haɗik ya waɗana yu ta i Abraham, nda Izak, nda Yakubu kazlay: “Ŋa zivira gha dzaʼa vlaŋta yu,” kəʼa ya. Ta maraghaŋ mara yu, ama haɗ kagha dzaʼa lam dida wu, » kaʼa.


Dabga vəl ɗvuta ni ta dzidzíha ghuni, ka zbaptá tsi ta zivirha taŋ ta yagapta ma həŋ. Ka hlagaptá tsatsi ka ghəŋa ni ta kaghuni ma Masar, nda glakwa mbrakwa ni.


Nza a dabga vəl nzakwa ghuni ka tɗukwa mndu nda ŋərma mndu dzaʼa kəl kuni ka lami da klaghuta ŋa ŋa ghuni ta haɗika taŋ wu, ama dabga ghwaɗaka skwi ta mag mndəra na mnduha na dzaʼa kəl Yawe, Lazglafta ghuni ka ghəzlaftá həŋ ta kəma ghuni. Nda nza guli ŋa hɗanamtá gwaɗa ya waɗana tsi ta dzidzíha ghuni i Abraham, nda Izak, nda Yakubu.


Tsaya kəl Kristi ka sladamta ma takataka i Lazglafta nda mnduha, ŋa dzrəglaftá wi ka lfiɗ nda həŋ, ŋa zlghay gwal hagaf Lazglafta ta tsa ŋərma skwi tanaf tsi ta imi ta sləməŋ ta həŋ ŋa vlaŋtá həŋ, ŋa nzakwa ni ka ŋa taŋ ŋa ɗekɗek ya. Əŋkaʼ a ka mtakwa Kristi ta varagaptá mnduha ma ghwaɗaka skwiha ya ta mag həŋ ma dzratá wi ya ŋa ghalya.


« Mtu mta kwalva ɗa Musa. Ndana tama, sliʼaf sliʼa gha, kagha dzaʼa tsughwaɗa zala Yardeŋ kawadaga nda inda na mnduha na, ŋa lami da haɗik ya dzaʼa vlaŋta yu ta la Israʼila.


Mndu ya ta zatá ghwa, dzaʼa vlaŋ vla lu ta tsa skwiha ya. Dzaʼa nzakway yu ka Lazglafta ni, dzaʼa nzakway tsatsi guli ka zwaŋa ɗa.


Titsatireni:

Zotsatsa


Zotsatsa