Zlrafta 12:2 - Hdi

² Dzaʼa yagap ya yu ta ndəghata mndəra mndu ma kagha, dzaʼa tfaghagha tfa yu ta wi, dzaʼa ŋlanaf ŋla yu ta hga gha. Nda ma kagha dzaʼa mutsa sanlaha ta tfa wi.

Zlrafta 12:2 Mawu Ofanana

Zlrafta 13:16

Dzaʼa yanaf ya yu ta zivira gha tusak manda gəninika haɗik. Ka dzaʼa mbəɗaf mbəɗa lu ta gninika haɗik katsi ná, dzaʼa mbəɗaf mbəɗa lu ta zivira gha guli.

Zlrafta 15:5

Ka klagaptá tsi dzibil, kaʼa nda tsi mantsa: « Nghadaf ngha ta luwa, ka mbəɗafta ka ta tekwatsaha, ka dzaʼa laviŋ lava ka ta mbəɗafta, » kaʼa. Kaʼa guli mantsa: « Manda tsaya dzaʼa yafta zivira gha, » kaʼa.

Zlrafta 17:20

Ta ghəŋa skwi ya ta nghanaghatá Yismaghel ná, nda sna yu ta tawa gha. Dzaʼa tfanagha tfa yu ta wi. Dzaʼa vlaŋ vla yu ta zwani nda ndəgha. Dzaʼa yanaf ya yu tusak ta mndəra taŋ guli. Dzaʼa sab sa mghamha ghwaŋpəɗ his mida, dzaʼa nanaf na yu ka dzidza mndəra mnduha nda ndəgha.

Zlrafta 18:18

Ya wana dzaʼa nzakway Abraham ka dzidza mndəra mndu dagala, nda mbra, nda ma tsatsi dzaʼa mutsafta ndəghata inda mndəra mnduha ta haɗik ta tfa wi.

Zlrafta 18:19

Zbap zba yu ŋa mnanaftá zwana ni, nda gwal ma həga ga taŋ ta hula tsatsi, ŋa ŋanata taŋ ta tva skwi ta mnə Yawe, ŋa magay taŋ ta skwi tɗukwa nda ya ka kahwathwata. Mantsa ya tama, dzaʼa magana maga Yawe ta skwi ya tanaf tsi ta imi ta sləməŋ ta Abraham, » kaʼa.

Zlrafta 19:29

Ma zaɗanata Lazglafta ta tsa luwaha ma daɓi ya, ka havaptá tsi ka Abraham, ka kligiŋtá tsi ta Lut ma tsa zaɗaku ma zaɗanata ni ta tsa luwaha si nza Lut mida ya.

Zlrafta 24:1

Nda hala Abraham. Lula ima ni, tfanagha tfa Yawe ta wi ma inda skwiha ta mag tsi.

Zlrafta 24:35

Tsaw tfanagha tfa Yawe katakata ta wi ta daŋahəga ɗa, ka nutá tsi ka mndu dagala. Ka vlaŋtá tsi ta rina visik, nda slaha, nda tsedi, nda dasu, nda kwalvaha, nda kurɗuha, nda ŋalibwaha, nda kəɗihha.

Zlrafta 25:11

Tahula mtatá Abraham, ka tfanaghatá Lazglafta ta wi ta Izak zwaŋa ni. Ka nzatá Izak ndusa nda Beʼer Lahay Ruʼi.

Zlrafta 26:3

Nza nza ma na haɗik na, dzaʼa nzakway yu kawadaga nda kagha, dzaʼa tfaghagha tfa yu ta wi, ŋa gha nda zivira gha dzaʼa vlaghata yu ta inda tsa kwakwarha ya. Dzaʼa ŋana ŋa yu ta skwi waɗana yu ta da gha Abraham.

Zlrafta 26:4

Dzaʼa yanaf ya yu ta zivira gha manda tekwatsaha ta luwa, dzaʼa vlaŋ vla yu ta inda tsa kwakwarha ya ta zivira gha. Dzaʼa mutsaf mutsa inda mndəra mnduha ta ghəŋa haɗik ta tfa wi nda ma zivira gha,

Zlrafta 27:29

Ka nza mndəra mnduha kavghakavgha ka kwalvaha gha. Ka tsəlɓa mnduha ta haɗikha kavghakavgha ta tsəlɓu ta kəma gha. Ka nza ka ka mgham ta ghəŋa zwana ma gha. Ka tsəlɓa zwana ma gha ta tsəlɓu ta kəma gha. Ka nza mndu ta ksiʼa kagha ka mndu nda ksiʼa, ka nza mndu ta tfaghaghatá wi ka mndu nda tfa wi ta ghəŋa ni, » kaʼa.

Zlrafta 28:14

Manda tusakata rgitika haɗik dzaʼa nzakwa zivira gha. Dzaʼa ndəghanaf ndəgha ka ta vli sliʼafta ni nda təv dɗakwa fitik dikw nda ma mndəra luwa, sliʼafta ni nda ga mazlay dikw nda ga maghura. Nda ma kagha, nda ya ma zivira gha, dzaʼa tfanaghata yu ta wi ta inda mndəra mndu ta haɗik.

Zlrafta 35:11

Ka Lazglafta nda tsi mantsa: « Iʼi Lazglafta ta Mbruta, ga ta mndu, ka yafta ka tusak. Ma kagha dzaʼa saba ndəghata mndəra mnduha, nda guyatá ghəŋa mndəra mnduha. Ma kagha dzaʼa saba mghamha guli.

Zlrafta 46:3

« Iʼi ná, Lazglafta yu, Lazglafta da gha. Ma zləŋ ka ta laha da Masar, kabga hada dzaʼa naghaf na yu ka mndəra mnduha dagala.

2Sam 7:9

Nza nza yu kawadaga nda kagha ma inda vli mbaɗ ka ta mbaɗa, ka zaɗanatá yu ta inda ghumaha gha ta kəma gha. Dzaʼa kapanaf kapa yu ta hga gha manda ŋa gwal dagaladagala ta ghəŋa haɗik.

1Mgh 1:47

Ka lagha kwalvaha mgham da rfanaghatá rvera mu, mgham Dawuda guli, ka həŋ mantsa: “Má, ka ŋlanaf ŋla Lazglafta gha ta Salumuŋ ka laghwa hga ni da zərwa ka malaghutá ŋa gha, má ka ŋlanafta tsi ta dughurukwa ga mghama ni ka malaghutá ŋa gha!” ka həŋ. Mantsa tama, ka tsəlɓatá mgham ta ghəzləŋa ni ka vlaŋtá glaku ta Lazglafta.

Sabi 1:7

Ama ka yutá la Israʼila. Ka yutá həŋ tusak katakata, ka dzaʼa mbrakwa taŋ ta kəma ta kəma, ka ndəghanaftá həŋ ta tsa haɗik ya.

Sabi 32:10

Ndanana ná, zliha zla, nda gufa ŋuɗufa ɗa, dzaʼa zaɗanatá həŋ yu. Tahula tsa, dzaʼa yanaf ya yu ta mnduha gha da manaka taŋ, » kaʼa.

Mbsak 14:12

Dzaʼa dzuŋtá həŋ yu nda zləmnda, ka dganatá həŋ yu nda za həga. Nda ma kagha dzaʼa magafta yu ta mndəra mnduha dagala ta malaghutá mbruta ka hahəŋ, » kaʼa.

Mbsak 22:12

Ka Lazglafta nda Bilgham mantsa: « Ma sliʼaf ka mista taŋ, ma ksiʼi ka ta tsa mnduha ya, kabga nda tfa wi ta ghəŋa taŋ, » kaʼa.

Mbsak 23:20

Tfanagha tfa ta wi ka lu nda iʼi. Tfanagha tfa ta wi, vrəglanakta a iʼi wa.

La Ruma 4:11

Ma fitika nzakwa ni ta kul tsaku fafaɗa ni, ka klaftá Lazglafta ka mndu tɗukwa ta wa ira ni, kabga vəl zlghafta ni. Tahula tsa ka tsatá tsi ta fafaɗ. Ka nzaku tsa tsatá fafaɗa ni ya, ka ŋizla maraŋtá nzakwa ni tɗukwa ta wa ira Lazglafta. Abraham ná, da ni ma inda gwal kul tsaku fafaɗa ni ya, ama ka zlghaftá həŋ ta Lazglafta, ka klaftá Lazglafta ta həŋ ka gwal tɗukwa ta wa ira ni, manda ŋa Abraham ya.

Galat 3:14

Mantsa ya maguta tsi, kada mutsafta gwal kul nzakway ka la Yahuda ta tsa tfa wi tfanava lu ta Abraham ya nda ma *Yesu Kristi. Tsaya tama dzaʼa kəl amu ka mutsafta nda ma zlghay nda ŋuɗuf ta Sulkum tanaf Lazglafta ta imi ta sləməŋ ya.

Galat 3:7

Nda tsaya tama na, ɗina ka snaŋta ghuni kazlay: Tsa gwal ta zlghaftá Lazglafta kahwathwata ya ta nzakway ka zwana Abraham kəʼa.

Vrafta ta zlahu 26:5

Ŋa gwaɗglay gha ta gwaɗa ta kəma Yawe, Lazglafta gha. Ka ka dzaʼazlay na: “Mnda la Aram dzidza ɗa si ta daŋwaraku. Ka laha tsi da Masar nda mnduha hutsekw, ka nzatá tsi ka mayəm hada. Ama hada guli, ka nutá tsi ka mndəra mndu dagala, nda mbra, ka yuta.