Mndəra tsa mnduha ya gwal ta yavafta, ka nzanzatá həŋ ta kwakwarha ta wa drəf. Ka dagavaptá həŋ ta haɗika taŋ ta haɗika taŋ, nda gwaɗa taŋ nda gwaɗa taŋ, ta mndəra taŋ ta mndəra taŋ, ta uʼa taŋ ta uʼa taŋ.
Dzaʼa sliʼak sliʼa kwambaluha ma Kitim da gruŋta nda vulu. Dzaʼa ksu ksa zləŋ ŋa vraghuta ni nda rwatá vgha. Dzaʼa ganava ga ta sidi ta mnduha dzratá wi nda ghuɓa ka maga skwi kumaŋ tsi nda həŋ. Dzaʼa maranaŋ mara ta zɗaku ta gwal dzaʼa zlanavatá tsa dzratá wi nda ghuɓa ya.
Dzaʼa sliʼap sliʼa kwambaluha ma Kitim, dzaʼa ghuyanap ghuya ta ɗaŋwa ta la Asur, nda la Ghever, dzaʼa zaɗana zaɗa lu guli ta tsatsi ŋa ɗekɗek, » kaʼa.
