Yuhwana 8:34 - Hdi

³⁴ Ka Yesu nda həŋ mantsa: « Kahwathwata ta mnaghunata yu, inda mndu ta ga dmaku ná, nda nza ka vuʼa dmaku.

Yuhwana 8:34 Mawu Ofanana

1Mgh 21:25

Haɗ mndu ɗekɗek taɓta Ahav ta skwaptá ghəŋa ni ŋa maga ghwaɗaka skwi ta wa ira Yawe, kabga gagafta markwa taŋ Izabel wa.

Mata 5:18

Kahwathwata ka yu ta mnaghunata: Ka ta tekeʼa luwa nda haɗik katsi, haɗ sana skwi dər neɗ, dər ndəheɗ dzaʼa wuɗanaghuta lu mataba zlaha Musa, ha ka lagha ni ta fitika kɗavakta inda skwi wa.

Yuhwana 3:3

« Kahwathwata ka yu ta mnaghata, ka ya a lu ta mndu ka mahis wu katsi, laviŋ a ta nghaŋtá ga mghama Lazglafta wu, » ka Yesu nda tsi.

Slna gwal ghunay 8:23

Ta nghadaptá yu ná, ksu ksa ghwaɗaka skwi ta kagha, ma gamaka dmaku ka, » kaʼa nda tsi.

La Ruma 6:12

Mantsa tama, yaha dmaku gəgəltá mgham ta ghəŋa na sluʼuvgha ghuni ta mtaku na. Yaha kuni snanatá skwi ya ta kum tsi.

La Ruma 6:16

Sna a kuni kazlay: Ka fa fa kuni ta ghəŋa ghuni manda vuʼa mndu ka snanatá gwaɗa ni ná, nda nza kuni ka vuʼa tsa mndu ta snu kuni ta gwaɗa ni ya kəʼa ra? Laviŋ lava ka ta nzakway ka vuʼa dmaku, ŋa klay dmaku ta kagha da mtaku. Laviŋ lava ka ta snanatá ŋa Lazglafta, ŋa naghafta Lazglafta ka mndu tɗukwa ta ghəŋa vəl snanata gha ta gwaɗa ni.

La Ruma 6:6

Ɗina ka snaŋta mu kazlay: Tsa nzaku si ta nzaku mu ghalya ya ná, zləŋaf zləŋa lu ta udza zləŋay kawadaga nda Kristi kəʼa, kabga ŋa zaɗanatá tsa mbrakwa dmaku ma vgha mu ya. Yaha mu kɗaŋtá nzaku ka vuʼa dmaku ka lu, kəl lu ka magata manda tsaya.

La Ruma 7:14

Nda sna amu kazlay: Sagha daga da Lazglafta na zlahu kəʼa. Tsaw iʼi ná, mnda səla yu habu dmaku.

La Ruma 7:25

Ta rfay yu katakata ta Lazglafta ta mbiɗifta nda ma *Yesu *Kristi. Tsaya tama ná, ma ghəŋa ɗa ya ná, ta kumay yu ta sna zlaha Lazglafta, ama ma vgha ɗa ya, zlaha dmaku ta laghu yu da snay.

La Ruma 8:21

kabga mamu fitik ya dzaʼa pliŋta tsi ta inda skwi ya zlagigiŋ tsi, ma ga vuʼa rwaku. Ŋa mutsay taŋ ta glaku manda ŋa zwana Lazglafta, ŋa nzakwa taŋ flaʼu vgha taŋ.

Afisus 2:2

Si ta gɗata ta ksa saɗa mnduha ma na ghəŋa haɗik na kuni. Gwaɗa halaway ta ga mgham ta ghəŋa ghwaɗaka sulkumha, ta nzaku ma ghuvaŋata luwa si sna kuni. Kulam ndana tsa ghwaɗaka sulkum ya ta gɗata ta ksa slna ma ŋuɗufa mnduha ta kwalaghuta sna gwaɗa Lazglafta.

Titus 3:3

kabga si ka rgha dər amu ghalya, haɗ mu si ta sna gwaɗa da mndu wa. Si nda zaɗa mu, ka nzaku mu ka vuʼa maga ghwaɗaka skwi nda haraʼu ta iri. Ta nzaku nda sidi kawadaga nda ghudzaku mu ta nzaku, prək má ka mbiɗa amu. Ta husaŋ husa amu ta mnduha, ta husamahusa mnduha guli.

2 Piyer 2:19

« Flaʼu vgha ghuni dzaʼazlay, » ka həŋ ta mnay ŋa taŋ. Hahəŋ ya kay tataŋ, nda ghada nzatá həŋ ka vuʼa ɓədzaku ta kla həŋ da zaɗaku. Nda sna kuni ná, ka nu tsa skwi ta hbutá tsa mndu ya ná, vuʼa tsa skwi ya tsa mndu ya.