Yuhwana 7:39 - Hdi

³⁹ Tsaya ná, ta gwaɗ ta ghəŋa Sulkum dzaʼa tsuʼu gwal dzaʼa zlghaftá tsatsi ta tsa gwaɗa ya. Ta vla a lu ta Sulkum karaku ma tsa fitik ya wu, kabga ta kapanaf a lu karaku ta Yesu ma glakwa ni wa.

Yuhwana 7:39 Mawu Ofanana

Mata 16:14

« Yuhwana mnda maga batem ya, ka sanlaha ta mnay. Iliya ya, ka sanlaha. Yirməya ya, ka sanlaha. Sana anabi ya, ka sanlaha, » ka həŋ nda tsi.

Mata 21:11

Ka tsa dəmga mista ni ya mantsa: « Anabi Yesu ta sabi ma luwa Nazaret ta haɗika Galili ya, » ka həŋ.

Lukwa 24:49

Wya yu dzaʼa ghunəgaghunatá tsa skwi taghunaf Da ɗa ta imi ta sləməŋ ya. Kaghuni, ka nzata kuni ma huɗa luwa ha ka saha mbraku daga ta luwa da mbraghunafta, » kaʼa nda həŋ.

Lukwa 3:16

Kaʼa nda həŋ mantsa: « Iʼi ná, nda imi ta magaghunafta yu ta batem, ama mamu mndu ta sagha ta malaghutá iʼi nda mbraku. Slaghu a iʼi ka pliŋtá zuʼa ɓaɓaha ni wa. Tsatsi, dzaʼa magaghunaf maga ta batem nda Sulkum nda ghuɓa nda ya nda vu.

Lukwa 7:16

Ka ksutá tsi ta inda taŋ ka zləŋ. Ka zləzlvu həŋ ta Lazglafta guli. « Nda zlaga mghama anabi mataba mu, sagha sa Lazglafta nghanaghatá mnduha ni, » ka həŋ.

Yuhwana 1:21

« Tsa wa kagha ɓa? Iliya ka rki? » ka həŋ nda tsi. « Va ni a iʼi wu, » ka Yuhwana nda həŋ. « Anabi ka rki? » « Va ni a iʼi wa. »

Yuhwana 1:25

Ka ɗawglaŋtá həŋ da Yuhwana, « Wana *Kristi a iʼi wu ka ka, ta Iliya a yu wu ka ka, anabi a yu wu ka ka guli, ŋaw ta maga ka ta batem ɓa? » ka həŋ nda tsi.

Yuhwana 1:33

Si sna a yu kazlay: Tsatsi ya kəʼa wu, ka mnihatá Lazglafta ta ghunaftá iʼi ŋa maga batem ma imi ya kazlay: Tsa mndu dzaʼa nghaŋta ka ta saha Sulkum ka nzafta tida ya, tsatsi ta dzaʼa maga batem nda Sulkum nda ghuɓa, kaʼa.

Yuhwana 12:16

Inda tsa skwiha ta magaku ya ná, ta sna a duhwalha ni ta klatá ghəŋa ni karaku wa. Tahula kapanafta lu ta Yesu ma glakwa ni, ka havaktá həŋ kazlay: Ta ghəŋa tsatsi vindafta lu ta tsa skwi ya kəʼa, ka sagha tsa skwi mna lu ma gwaɗa Lazglafta ya magata manda va tsaya guli, ta ghəŋa Yesu.

Yuhwana 12:23

Ka Yesu nda həŋ mantsa: « Nda maga fitik dzaʼa kəl lu ka kapanaftá *Zwaŋa mndu ma glakwa ni.

Yuhwana 14:13

Mantsa tama, inda skwi dzaʼa kuni ɗawaŋta nda hga ɗa, dzaʼa magay yu, kada maraŋta Da ta glakwa ni nda ma zwaŋ.

Yuhwana 14:26

Tsa mnda kata mndu dzaʼa saha ya, Sulkum nda ghuɓa ya dzaʼa ghunagata Da nda hga ɗa. Tsatsi dzaʼa taghaghunaftá inda skwi, ŋa havaghunaktá inda gwaɗa managhuna yu.

Yuhwana 16:14

Tsatsi dzaʼa maraŋtá glakwa ɗa, kabga skwi da iʼi dzaʼa tsuʼafta tsi ŋa mnay ŋa ghuni.

Yuhwana 16:7

Kahwathwata na skwi ta mnaghunata yu na. Mal ma na laghu dzaʼa laghu yu na kata ta kaghuni. Ka laghu a yu wu, sata a tsa mndu dzaʼa kata kaghuni ya da kaghuni wa. Ka laghu la yu, dzaʼa ghunaga ghuna yu.

Yuhwana 17:1

Tahula gwaɗata *Yesu ta tsa gwaɗaha ya, ka nghadaftá tsi nda ta luwa. Kaʼa mantsa: « Da, nda maga fitik! Maraŋ mara ta glakwa zwaŋa gha ŋa maraŋta zwaŋa gha guli ta glakwa gha.

Yuhwana 17:5

Ndanana tama Da ná, ŋliɗif ŋla da kagha manda nzatá nzakwa ɗa si ta kul zlraftá ghəŋa haɗik ya.

Yuhwana 20:22

Tahula mnata ni ta tsaya, « tsuʼuwawatsuʼuwa ta Sulkum nda ghuɓa, » kəʼa vusludanaghatá həŋ.

Yuhwana 6:14

« Nana mndu na vərɗa anabi dzaʼa sagha ta ghəŋa haɗik mnə lu kay ya, » ka tsa mnduha ta nghaŋtá mazəmzəm maga Yesu ya.

Yuhwana 7:12

Ka sliʼavaftá zlərɗutawi ka ŋɗaŋɗa ta ghəŋa tsatsi mataba mnduha kazlay: Ŋərma mndu ya, ka sanlaha, mnduha ta zaɗiŋta tsi, ka sanlaha.

Yuhwana 8:54

Ka Yesu nda həŋ mantsa: « Ka vla glaku ta vlə yu ŋa ghəŋa ɗa katsi ná, bətbət tsa glakwa ɗa ya. Da ɗa ta vlihatá glaku, tsa ta mnə kaghuni kazlay: Má Lazglafta ŋni ya kəʼa

Slna gwal ghunay 19:2

Kaʼa mantsa: « Mutsaf mutsa kuni ta Sulkum nda ghuɓa ma zlghafta ghuni ra? » kaʼa ɗawaŋta da həŋ. Ka həŋ nda tsi mantsa: « Ta sna a ŋni ta skwi ta hgə lu ka Sulkum nda ghuɓa wa, » ka həŋ.

Slna gwal ghunay 2:17

“Ma kɗavakta fitik ná, wya skwi dzaʼa magaku, ka Lazglafta: Dzaʼa pghada pgha yu ta Sulkuma ɗa ta ghəŋa inda mnda səla, ŋa nuta zwana zgwana ghuni nda kwagha ghuni ka anabiha. Ka mazəmzəm dzaʼa gwaɗa yu ta gwaɗa ŋa duhwalha ghuni. Nda ma suni dzaʼa gwaɗa yu ta gwaɗa ŋa la halata mnduha ghuni.

Slna gwal ghunay 2:33

Ka kapanaftá Lazglafta ka nzanata nda ga zeghwa ni. Ka zlghafta tsi da Da ta tsa Sulkum nda ghuɓa tamaf lu ta imi ta sləməŋ ya, ka pghaŋnaghatá tsi. Tsaya skwi ta nghə kuni nda ya ta snə kuni ndanana ya.

Slna gwal ghunay 2:38

Ka Piyer nda həŋ mantsa: « Mbəɗanafwa mbəɗa ta tva nzakwa ghuni, ka magafta inda kaghuni ta batem ma hga *Yesu *Kristi, ŋa plighunista Lazglafta ta dmakuha ghuni, ŋa vlaghunata ni ta Sulkum nda ghuɓa.

Slna gwal ghunay 2:4

Ka ndaghaftá həŋ demdem nda Sulkum nda ghuɓa. Ka gi gwaɗ həŋ ta gwaɗa nda sanlaha ma gwaɗaha manda ya vlaŋ Sulkum ta həŋ ŋa gwaɗay.

Slna gwal ghunay 3:13

Tsaya a wa. Lazglafta i Abraham, nda Izak, nda Yakubu, nda dzidzíha mu ta maraŋta glakwa vuʼa ni *Yesu *Kristi, ya klaf kaghuni ka ghəŋa ghuni ka mblanaftá gwal dagala dagala yeya ma mnay Pilat kazlay: Zliŋwa na mndu na kəʼa ya.

Slna gwal ghunay 4:31

Manda kɗakwa taŋ ta ndəɓatá tsa dzvu ya, ka ghudzavaftá tsa vli tskava həŋ ya. Ka ndəghaftá həŋ demdem nda Sulkum nda ghuɓa, ka mnə həŋ ta gwaɗa Lazglafta nda tatá us ta iri.

La Ruma 8:9

Ama kaghuni, haɗ kuni ta maga skwi manda ya ta zɗəganatá sluʼuvgha wa, manda ya ta zɗəganatá Sulkuma Lazglafta ta nzaku ma kaghuni ta nzakwa kuni ta nzaku. Ka haɗ Sulkuma Kristi ma mndu wu ná, ŋa Kristi a tsa mndu ya wa.

2Kwa 3:8

Haɗ slna Sulkum nda ghuɓa dzaʼa malaghutá glaku ka tsaya tama rki?

Afisus 4:30

Yaha kuni ŋranaftá ŋuɗuf ta Sulkum nda ghuɓa ya vlaghuna Lazglafta. Tsa Sulkum nda ghuɓa ya ná, ŋizla nzakwa ghuni ka ŋa Lazglafta ya. Ta nzata ta vata kaghuni tsa Sulkum ya ha ka sagha tsa fitik dzaʼa kəl Lazglafta ka varatá kaghuni ɗekɗek ya.